بنات أبوي مايعدل

السلام عليكم ورحمة الله وبركاته 
بنات انا مقهوره ودي اتعود على الوضع بس مو قادره انا احب ابوي وما ارخص فيه بس الي كاسر ظهري أمي دايم احسه مكسوره الخاطر وحزينه وهي ساكته حتى الشكوى ماتشكي 
ابوي متزوج على امي وهي با اول سنين زواجهم واصبرت وتقبلت الوضع
وأمي تعامله معامله أخت ولا عمرة تمشكلت معاها ويوم كبر ابوي صارت تروح وتجي مع ابوي وأمي ماتدري إلا هم قاطعين مسافه يسافر بمرة أبوي ويخلي أمي حتى مايقولها  ويقولها خلي ولدك يصرف عليك وانا ابصرف على البيت الثاني واخوي فاتح بيت وعنده مسئوليات والمشكله امي عندها بنات شابات ويبن مصاريف وإذ قلنالها قوليله قالت هذا شايب وما أبي ه يزعل علي با آخر عمره بس الشي زاد عن حده يسافر كل شهرين هو وياه ولا حتى يحط خبر عند امي  ادري  أن امي منقهره وأكبر دليل صار فيها ضغط وسكر وهي صغيره  ااااه بس يا القهر 
وصرت ما أحب اروح لهلي من خواتي وشكاويهن من أبوي وصده  مدري ليه يسوي ابوي كذا مع أن امي انسانه ملتزمه وهاديه ومعمرها سببت له مشاكل واخوي حيل بار فيه وحتى زوجه ابوي يعاملها مثل ما يعامل أمه
تكفون يا بنات وش نسوي انا صراحه تعبت نفسياً