كل شيء يطبخ به اللحم حطيته ولا عجب زوجي في النهاية نكبه بالزبالة وش السواة :((

يمكن اللحم مبرد او من المجمدات لازم تاخذينه من ملحمه ثقه والبهارات اللي سالتي عنها ما تنحط مع الكبسة

طريقتك صح ياعمري ومتعبه نفسك كمان

انا صرت مع الايام والكسل
ارمي كل شي في قدر الضغط مع بعض

البصل مقطع ارباع والطماطم ارباع ومعجون الطماطم والبهارات ورق الغار وبعض الاحيان احط اللثوم كامله او فلفل رومي مقطع كبار

واحط المويه واقفل عليها

وبعد 40 دقيقه افتح القدر واشخل المرق
وربي ولا الذ ولا اطعم
وكبستي روعه زوجي يموت فيها

واللحم متسبك وطعم البهارات ناااطع

واقولك شي البابريكا ماتصلح مع اللحم ماعجبتني مرره
الكاري جارتي تستخدمه في كل طبخها له ريحه غريبه مميزه وتمسك في الاكل بقوه
برضه مااحبها
الاوريقانو هذا زعتر مو مهم للمرق
حلو مع صلصه البيتزا او رشه على السلطات

اهم شي مع اللحم الكمون والفلفل واذا عندك لومي ياسلام

والله يعينك

جيبي لحمك غسليه وحطيه بقدر الضغط وحطي بصله مقطعه كبار وكم فص ثوم دارسين عود او عودين فلفل اسود حب وهيل حب وعويدي كم حبه وليمون ناشف وحده وقرنين فلفل بدون ماتفتحينه عشان مايصير حار وشويه ملح واضغطيه نص ساع او ٢٠ دقيقه تالي صفي اللحم وخذي شوي من المرق وكبي الرز عليه وباقي موسة الرز من الحنفيه وبس وكذا ابدا ماتطلع ريحة اللحم واذا حبيتي تحمريه بالفرن لا تخلينه يطول لانه ينشف شغللي العين الفوقيه وقربي الصينيه عشان بسرعه يتحمر وادهنيها بخلطة الزيت والكركم وملح وفلفل اسود

الله يجزاكم خير يمكن السر في الماجي اذا يستخدمونه يمكن لا
المشكلة الماجي مضر ويحذرون منه

انا قطعت الماجي من بيتي من زمان

وكبستي باللحم مافي الذ منها