البنت اذا نقصها حنان من بيت اهلها تبيه من زوجها لكن للاسف

جلسي معه ليله .. ومن يستأذنك وبيطلع ينام مكان ثاني امسكيه وكلميه باللي بخاطرك

يمكن عنده مشكله او شي غير اللي في بالك

الله يعينك
بالدلع واللسان اللي نقط عسل تقدري تمسكيه بالغرفه

ولافاد معه شيي

السلام عليكم


شوفي حبيبتي باقول لك كلام ويمكن ما يعجبك ولا يعجب الكثيرات

ترى كثير من الاشياء اللي تشوفونها في التلفزيون والسينما كلها خراط بخراط وما يصدقونها الا الطيبات واللي على نياتهم

مش شرط بانه زوجك ينام معاك بنفس الغرفه ويضمك في حضنه وتنامون زي العصافير
ولا ضروري بانه ينام لحاله لانه عنده سالفة بنات وخرابيط

لكن فيه ناس ما تحب احد في فراشها
طبيعه لا غير
وانا اول وحده من هاذولا الناس

انا قعدت مطلقه 16 سنه وقبل 3 سنوات تزوجت
زوجي طيب وحنون وراعي رومانسيه لابعد الحدود
وانا مالي بهالخرابيط
يمكن من كل اللي مر علي
ويمكن لاني تعودت انام لحالي وغرفتي لحالي

وهو قدر الامرو وعارف باني مش كره فيه لكن اريح للاثنين

وانتي لا تسوينها قضيه وتتعبين نفسك
ترى ما بيجيك من ورا هالموضوع غير النكد ووجع الراس
اذا زوجك طيب وقايم بكل حقوقه وما شوفتي منه تقصير فعودي نفسك على هذا الامر

وترى اهم سبب لنجاح الزواج هو القدره على التكيف والمرونه في التعامل مع كل الامور
يعني اذا زوجك يحب الشاي وانتي تحبين القهوه
مش شرط لانكم تحبون بعض بانه يصير يشرب قهوه او انتي تشربين شاي
لا كل واحد يشرب اللي يعجبه

ولو تطلعين على حياة الناس الاثرياء وكل افراد الاسر الكبيره والحاكمه
تجدينه هو ينام بغرفه وهي بغرفه
ملكة بريطانيا لو قراتي او شوفتي حياتها تجدين هي لها غلرفتها الخاصه وهو له غرفته الخاصه

وزمان ايام التعب والشقاء وقبل الطفره وتقليد الاجانب ما كان الرجال ينام مع مرته
كان ينام في غرفه لحاله واذا بغى شي طلبها لعنده

وترى هاذي فيها ميزه ما تقدرينها وهو انك تتمتعين بخصوصيتك خاصة ايام الدوره ولا اذا كنتي تعبانه او نفسيتك مش ولا بد

الاهم كيف تتعاملين مع الموضوع
تعاملي بهدوء ورواقه
وتراني الحياه علمتني باني دوما احاول ابحث عن النقاط الايجابيه وكيف احول الهزيمه الى انتصار

كيف؟؟
حطي على كمودينتك كتب ومسجل صغير
اقراي وتابعي كل اللي نفسك فيه
ممكن تحيطن تلفزيون بغرفتك وتتابعين التلفزيون والبرامج الحلوه

جربي لو يوم
بعد يوم عمل وتعب
تاخذين حمام دافئ وتدهنين جسمك بزيت معطر((ممكن تخلطين بيبي جونسون مع اي عطر تحبينه))
وتتعطرين وتلبسين بيجامه حلوه والافضل تكون حرير
وتقعدين تسترخين في فراشك مع كوب حليب دافي وتشاهدين برامج التلفزيون
بتحسين بانك ملكه

تعاملي مع زوجك بانه صديق وزوج واحسني الظن به والاول احسني الظن بالله
بانه ان شاء الله رزقك زوج صالح وبان يحفظه لك ويحفظه عن مسالك الشر

صدقيني بانه الحياه قصيره
جدا قصيره
اتمنى لو الزمان يرجع بي الى عمري 22 سنه لكنت تركت كل النكد والبكاء وعشت حياتي بالطول والعرض في حدود ما يرضي الله

اشكري الله على نعمته لانه بالشكر تدوم النعم