جاتي هالرساله بالواتس بلهجه وحده مصريه روووعه
وفعلا جابتها بالصمييم ...نصيحه وخفة دم رووعه
مصرية بتقدم نصيحة لليصلوا التراويح في المسجد
حبيت ارسلها عشان دمها خفيف وفيها نصيحة صادقة وصحيحة وكل عام وانتم بخير
الستات والبنات
اللي رايحين يصلوا التراويح
في رمضان القادم
إن شاء الله
💫بﻻش علبة الكيك وصنية الكنافة
وترمس الشاي مش ﻻزم تاكلوا بين الصلوات كلوا لما تروحوا .
(عارفين إنك ست بيت )
💫بنتك الصغيرة فرحانه بصوتها
زي أصالة وماجدة الرومي
وبتغني في المسجد وتنط على راس البنات وانت بتصلي
و إبنك اللي بيسنن سخن و بيصرخ الظاهر سنانه بتاكله والناس مش بيسمعوا اﻹمام .
(اتفقي مع جارتك انت تصلي في المسجد يوم وهي يوم واقعدوا بالوﻻد وارحمونا)
💫مافيش حاجه إسمها محجوز ما تحطيش الشنطة جنبك وتبرقي للبنات وتقولي محجوز و تستني جارتك على بال ما تخلص المواعين وتيجي
( المسجد مش أوتوبيس . )
💫بالنسبة للغلبانه اللي جنبك
مش ﻻزم صباعك رجلك الصغير يلزق في صباعها لو بعيده وبطلي تزغزغيها .
( مش حا تستحملي وحا تقعي في اﻵخر)
💫ما تطلعيش تجري بعد الصلاة علشان تلحقي المسلسل من أول المقدمة وتتفرجي على الرقاصة .
( فايدته إيه مرواحك المسجد)
💫بلاش تلبسي العباية اللي بتلمع
وتبرق بالترتر والخرز..ﻷنها بتنور في الضلمة والناس بتتخض .
( ده مش لولولولييييي فرح )
💫بﻼش تنزلي تصلي باﻹسدال بتاع البيت.. قماشه خفيف وبيبين الجسم
إلبسي أحسن عباية عندك
(انت مش طالعة تنشري في البلكونة يا شلبية )
💫بطلي تبحلقي في البنات وتدوري ﻹبنك على عروسة وتنادي عليهم بصوت عالي .
( بصي من تحت ل تحت وأوصيك بالبنات الهادية اللي مش حاطين مكياج وبيقعدوا ورا)
💫جاركم أبو أيمن عرف كل حاجه ﻷنه سمعك في المسجد من ورا الستارة وانت بتحكي لصاحبتك على مقادير الكنافة بالقشطة والمكسرات
( حا يقول لمراته وحاتعرف سر المهنة وطي صوتك)
💫بلاش يا بنات الكعب العالي
ﻷنه ملفت وبيعمل حاجات وحشة .
( تريك تراك تريك تراك قدام المسجد واﻹخوة واقفين حا يبصوا غصب عنهم ويتفرجوا )
💫روج وكحل وأحمر خدود وانت رايحه تصلي ..ليه !
(يا رب اﻹمام يخشع في الدعاء وتعيطي والكحل يسيح )
💫البارفان بلاش منه
وعلى فكرة ما فيش واحد حا يشمه يقوم يحبك فجأة ويجري وراك وانت طالعة من المسجد علشان يخطبك من بابا
( اللي بييجي في اﻹعلانات كله كدب)
💫لو الفطار كان فيه فته وخل توم خليك مكانك ما تتحركيش من البيت وحنجبلك هدية .
💫آميييين
الرجال اللي يعلوا صوتهم فيها
انتي صوتك حلو وناعم ومسمسم
وده مسجد وبلاش أوبرا عايدة
قوليها بصوت واطي علشان ربنا يكرمك
💫في السجود إدعي في سرك
المسجد كله عرف إن ركبك بتوجعك و جوز أختك ضربها بالقلم وإنك بتدعي عليه
💫بطلوا تتعاركوا على النور وشوية تطفوه علشان الخشوع وشوية تنوروه وتدوروا على
العيال
💫وما تنسوش تنضفوا المسجد وبﻻش ترموا مناديل ورق في اﻷرض علشان ده بيت ربنا .
سلوكيات في مصليات النساء
متابعة النقاش، صفحة 4