السلام عليكم ورحمة الله وبركاته
الكنافة عجزت اضبطها مادري وش المشكلة اول شيء انا استخدمت كنافة السنبلة
اللي تجي بعلبه مكتوب عليها عجينة الكنافة
وافرمها بالخلاط لاني جربت اكسرها بيدي اول مرة وكانت قاسيه جدا فصرت احطها بالخلاط
عشان تصير انعم وبعدين اضيف الزبدة بس لما اضيف الزبدة المفروض يكون القوام تصير الكنافه
معجونة بالزبدة ولاتتفتت شوي ؟ لاني لاحظت بالمرة الاولى لما كانت قاسيه
والمرة الثانيه لما فرمتها ان الكنافه مو متماسكة وتفتت بشكل مزعج مو زي حقت
المطاعم متماسكة اتمنى تفيدوني بهالنقطة وبالمرة وش افضل نوع كنافه
عشان اشتريه ؟
وثاني شيء وشلون اخلي اللقيمات مايتشربها الزيت ؟ لان اللقيمات كل مره
تكون متشبعه بالزيت
وبسألكم عن الخضروات المجمدة الجاهزه انا شريتها على اساس نسوي فيها حشوة
خضار للسمبوسة بس مادري وش الطريقة بالضبط ممكن تساعدوني كيف اسويها
واستخدمها ؟ وجزاكم الله خير
شاركي في النقاش
سجلي الدخول لإضافة تعليق.
التعليقات
9- رفع
- لقيمات حطيها والزيت حار جدا علشان ماتتشرب زيت اذا كان الزيت بادر او دفي تشرب زيت خضروات مجمده اي نوع حمسيها مع بصل وشويه زيت وثوم وحطي عليها ماجي وملح وبهارات وما قليل وخليها تطبخ الكنافه حطي كاسه مطحون مع الكنافه علشان تتماسك
- الكنافه المفرزنة بالعللب اللي لونها ابيض الله يديم النعمه لاتقربين منها
احلى كنافه اللي تنباع بالبقالات بالكيلو في اكياس وكمان سعد الدين يبيع بالكيلو
افركي بسمن بعد ماتسخنيه او زبدة
حطي طبقة كنافه وفوقها خلطة القشطه وفوقها طبقه ثانيه كنافه
وبعدين حطيها شويه بالفرن من تحت وحمريها من فوق واسقيها شيره
واستمتعي بالطعم - الله يجزاكم خير واكيد اتمنى اشوف مشاركات زيادة
رفع - بالنسبة للكنافه. زي ماقالت لك الاخت احب الديزاين. المجمده. لاتقربيها خذي اللي بالكيلو وافركيها بالزبده. الذايبه. وحطي طبقه رقيقة من الكنافه. وحطي الحشوه انا اسوي نشاء مع حليب وشوي سكر على النار. وبعد تجهز احط عليها قشطه. طازه او معلب حسب المتوفر واغطي القشطه بطبقه الكنافه اولع عليها من تحت وفوق الى ان تحمر. واحط الشيره عليها واغطيها عشان ماتنشف وتقسى وارش الفستق وازيد الشيره اذا بدي وان شاء الله تطلع زابطه معك. اللقيمات. زيدي ملعقتين كبار نشاء.وطريقتي في الخضروات المجمده نفس ام نوشه مع ملعقه صغيره كركم عشان تديها لون اصفر مميز. وبالعافيه علييك
مواضيع مشابهة
تابعي تجارب أخرى من هذا القسم.