صباح الخير يابنات الله يتقبل صيامك وطاعتكم يارب انا من يومين نزلت موضوعي وقصتي المأساوية
هذا الرابط للي مو فاهمة عن ايش انا اتكلم
http://forum.hawaaworld.com/showthread.php?t=4211936
😞
ياحريم والله اني استخرت بالطلاق واحس براحة من ناحية انفصالي عن الشخص هذا لانه غير مأسوف عليه
بس قلبي يتقطع ويحترق على ولدي
ماتمنيت له هالحياة ماتمنيت ااااه والله وبالله صبرت صبر ٨ سنوات على ابوه عشانه عشان مايتعقد
قلبي عليه
لكن خايفه من الايام ومن غدر ابوه اللي طبعه غدار يرميني ويطلقني بلا ذنب بعد ماصبر اكثر وينكسر قلب ولدي
بس لانه متزوجني قدام امه وابوه
ومتزوج غيري مسيار وانا يعلم الله جمال ونسب وبنت عز وتوي صغيرة تزوجت بسن صغير جداااااا ١٥
الحين الحين عمري ٢١ والله اني تزوجت زواج تقليدي بسبب المشاكل العائليه بين امي وعماتي كانوا يكرهونا ويحقدون علينا ومعذبين امي المسكينة ويوم بلغت واحلويت حطوا عينهم علي مع انهم بطفولتي كانوا يعايروني يالبرصا يالبرصا لاني شديدة البياض ماشااءلله ويوم كبرت مايبون يفوتوني على عيالهم وكانو بياخذوني وامي رفضت والناس عرفوا بالموضوع فتقدم لي شخص امي وافقت عليه عشان بس ماياخذوني ويعذبوني مثل مايسوون فيها هي حاطين ابوي تحتهم وهي لانها طيبه تسكت عن حقها الله ينصرها يارب
مابي اطول عليكم اللي ابي اوصلة لكم ان الشخص اللي عشت معه ( لا بشري ) لاصلاة لادين لا اخلاق استغفر الله وديوث ولا مصرف ولا مسوؤلية وعلاقاتة المحرمة اغلبها مع متزوجات وانا بسن صغير شفت وعفت وصبرت قلبي جممممر وصابرة عشان ولدي كان يدخل البيت بس فندق وكان هاجرني بالسنوات حرمني اجيب اخوان لولدي يانسون وحدتة 💔 ادري ان هذي كتبة رب العالمين وادري يمكن يكون بالموضوع خيره لكن كاب يفترض يحن ويرحم ولده وهو ماجاب خبر
عمره ماوداني بيت الله ولا فكر مع انه مقتدر
ااااه وش اقول واش اخلي مو موضوعي هو الان موضوعي خايفه خايفه خايفه 😭
خايفه الطلاق يحز بنفس ولدي
خايفه بالمدرسه يتاثر
خايفه قلبه ينوجع
ارحمممه ياجعل ربي يرحم ضعفي وضعفه ارهقتني الظروف والحياة وطيحة الحظ 💔 تعبت من كلشي تعبت اصبر واكتم نهاية كتماني انفجار علمت امي بكل اللي صاير انصدمت هي وخواتي من حياتي كنت ماعلمهم باسرار بيتي ابدا وعشان ماغثهم
انهبلوا خواتي قالوا والله ماترجعين له
وامي بكتتت وقالت من تزوجتي وانا بقلبي حزن من تزوجتي وانا احلم فيك حلم يتكرر من فترة بس بالحلم صار شي واضنه فرج لك من رب العالمين يابنتي اتركيه وادعي الله يعوضك ويخلف عليك
و ولدك ماعليه قاصر
امي استخارت على الطلاق وارتاحت
انا ارتحت بس خوفي على ولدي
تمنيت اسعده تمنيت كثير
تمنيت وتمنيت وصبرت وضحيت يارب ماتضيع تضحياتي سدا بكرى يكبر ومايفهم الا شي واحد اني انا تطلقت من ابوه وماصبرت عشانه 😭
تحز بالنفس احس تحز
يشوف عيال عمه كلن بين امه وابوه وكلهم في بيت واحد ماعدا هو
ااااااه وربي من حرارة الدموع عيني تحرقني
انا اتحمل كلشي طول عمري في حزن مانكر الايام الجميلة بس الله يعلم باحزاني وظروفي اللي مريت فيها ومستعدة اتحمل اكثر بس اسعده هو ابي اشوف الدنيا بعيونه مابي منه شي ابيه يكون اسعد الناس
والله مادري احترت بين مصلحته وبين مصلحته
بين ان الطلاق وهو صغير احسن له قبل يكبر ويفهم
وبين الطلاق لكبر بيكسر قلبه
💔💔💔
يارب رحمتك ارجوا فلا سواك اصلحي لي شأني كله فلا تكلني الى نفسي طرفة عين واصلح لي شاني كلة
انا الوحيدة من اخواني تزوجت بسن صغير وانا تمنيت يكون لي بيت يعوضني عن بيت اهلي اللي عشت فيه هموم ومشاكل مايعلم بها الا الله
كنت ابي استقر بس واعيش بهدوء
الله يعوضني يارب ويبني لي بيت بالجنة
لمى سالوني لي? صابرة وساكتة ؟
قلت مايصبرني على الضيم الا الاضيم منه اللي شفته بييت اهلي من عذاب
امي قالت مالومك على صبرك انا باقرب فرصة بدور بيت وبننقل من هالبيت
الى كل من تقراء موضوعي تدعي لي ولامي بظهر الغيب ان الله يفرج همنا
ادعوووا بقلب صادق ان الله ينصرنا على من كاد لنا وظلمنا وسحرنا وخلانا في عذاب من سكنا هالبيت حسبي الله ونعم الوكيل ب
رَبِّ ابْنِ لِي عِنْدَكَ بَيْتًا فِي الْجَنَّةِ ❤️
الموضوع مغلق