يااارب حببني فيه أو عوضني خيرا 💔

انا. احس انك تحبينه مستحيل ماتحملين له مشاعر بقلبك وانتي عندك منه طفلين

بس هو الله يهديه مخليك متوتره مره وكل تفكيرك انه بيعصب عليك لو قصرتي بشيء

واذا على العلاقه اذا كانت نفسيتك تعبانه مستحيل بتحسين بشيء ابد

نصيحه الطلاق موحل وعندك طفلين هو صح فيه سلبيات بس حاولي معه وفهمي اسلوبه وطنشيه

مارده بيكبر وبيهدأ والله عندنا زوج خالتي عصبي مره ونخاف احنا منه تغير ماشاء الله وعقبالك ذكرتيني فيه

لما تكلمتي عن زوجك ربي يسخره لك ويصلح مابينكم الطلاق ابد لاتفكري فيه

ابعدي عنة فترة الرجال النقاق مشكلة هو ضاغطك نفسيا وموتر اعصابك عشان كذا عايفتة انتي مو كارهتة الله يصلح حالة ويصبرك

مو تقولين حارمك من الواتس اب ؟!
كيف ارسل لك عليه يعزيك ؟!

المكتوب ..مانعها من القروبات فالواتس وليس الواتس بكبره!!

الله يكون بعونك ..

انتي في الاصل بداية زواجك ماكنتي تحملين اية مشاعر ناحيته لكن عقب العشره وبعد ماشفت اخلاقه من سب وشتم ولعن اصبحتي على قولتك ماتحبينه وهالشي طبيعي اذا حياتك معاه خلت من الاحترام سواء بالالفاظ او غيره من الطبيعي جدا ماراح تحبينه انتي تعودتي على وجوده فقط
وفي داخلك تتمنين انه يتغيرللافضل عشان تقدرين تتقبلينه ثم تحبينه ..الافضل تكلمينه بوقت يكون فيه رايق ومبسوط وتقولين له انا كل شي فيك حبيته الا عصبيتك احسه اهي الي بتفرقنا حتى عيالنا اخاف ماعاد يحترمونا لانك تغلط علي قدامهم وادري انك ماتحس بنفسك وانت تقول عني الفاظ ماهي زينه بس اضغط على نفسك وتعوذ من ابليس ولاعاد تاذيني بهالكلمات .... ومن هالكلام صدقيني راح يتعدل زوجك
انتي كذا راح ترتاحين لانك صارحتيه
اسال الله انه يرزقك محبته ويالف بين قلوبكم