يااارب حببني فيه أو عوضني خيرا 💔

ناقشية بلحظة صفاء عن الفاظة البغيضة وقوليها بصراحة انك تكرهني فيك
وعصبيتك تخليني متوترة وخايفة وغير مطمئنة

الله يصلحه يارب
اول شي الايجابيات الي قلتيها كفيله بأنها تعدله للأحسن ان شاء الله واراد
ثاني شي موضوع النظافه الدقيقه فالبيت هذي مقدور عليها
مو شرط زوجك عصبي تطاوعيه حتى في حبة الرز اذا قاللك شي قوليله ساعدني البيت فيه اطفال مستحيل يكون مرتب طول الوقت انتي علمي اولادك وحبه حبه بيتعلمون
بس لاتشغلين نفسك وتخافين اذا قالك شي خلك قويه قوليه انت شيلها مو فاضيه خليه يزعل مره مرتين بيتعود بس انتي مخليتو سي السيد طاري النظافه اذن من طين واذن من عجين لاتزعلي عليها وطنشيه ولاتسوي انك خايفه
ثالث شي وهو الي ماينسكت عنه انو يسبك هذي بحد ذاتها كارثه
وذكرتيني بأول ايام زواجي الله لايعيدها كان يسب ويلعني حذرته مره ومرتين وزعلت لكن ماطول الموضوع هددته بأبوي وجا ابوي وعطاه ريق ناشف وبعدها ياسلام ماشفت منه غير عصبيته وهذا شي عادي طبع حاولي تخففينه انتي بتعاملك واسلوبك انتي وحدك تقدري تغيريه اذا شافك ساكته على سالفه السب واللعن وتوصل يلعن اهلك مدري كيف ساكته !!!!
وانك ماتحبينه يمكن من اسلوبه والسب صدقيني لو حطيتي حد للموضوع بتبدئي تتقبليه
اهم شي ماتسكتي اذا سبك دخلي اهلك وروحيلهم فتره بس يتأدب وشيلي فكره ماحبيته نهائيا من راسك
حبي نفسك وخليك قويه سكوتك وصلك لكذا

انا نفسي الشي كرهته بسبب عصبيته ولسانه كسر وحطم كل شي حلو في قلبي تجاهه

الله يعينك ويعيني

حبيبتي دام بينكم اطفال ماانصحك بالانفصال دخلي اي احد كبير يكلمه ويعقله

دامه يصرف ويعطيهم ويحن عليهم ﻻتحرمينهم منه ماتلقين احد يحبهم كثر ابووهم

كل وحده ردت علي الله يجزاها كل خير ، مشكورين حبيباتي ماقصرتوا يالغاليات
أم معتز يا قلبي انا اكلمه واقوله اسلوبك وعصبيتك تطفرني منك وتخليني اكرهك يرد علي يقول انا كذا تبيني حياك الله ماتبيني روحي لأهلك .
وانا مفكره اقول لأخواني عن اسلوبه معي وهو يحترم اخواني وما يبي يطلع بالشينه قدامهم عشان كذا ودي اشكي لهم 💔