يش الحل ؟؟؟؟؟؟؟؟؟؟؟؟؟؟؟؟؟؟؟؟

صبباح الخيررر بنات كيفكم:09:
بصراحه انا اول مره اكتب بهذا القسم وارجوا انكم تساعدوني بحلها
عندي اخت اصغر مني مو بوايد بس المشكله من يوم ما هي صغيره وايهي ما تاكل الابعض الاشياء محده والله بهذلتنا انا وامي لما نروح نزور الناس عاد شوفي ايش يقولون بنتك لي ما تاكل وبنتك لي كذا وبنتك,,,,,,,وو الين ما مليت:( .
والاكل اللتي تاكله اعدده لكم ( بطاطس مقليه اومسلوقه ’ رز ابيض اذا كان مافي رز ابيض ما تاكل , بيض, تونه , مكرونه ساده والمشروبات : الحليب , وعصير البرتقال ) تصدقون بس هذا واذا كان الاكل مخلوط مثل عصير الطماطم ما تمد ايدها على الاكل والمشكله اللي مخليتنا نخاف عليها اكثر انهوا لما تيجيها الدوره البنت تموت غير من البكاء والالم حتى اخواني عرفوا انها جاتها والله فشيله والله احترنا معاها حتى دكتور وديناها له واعطاها فاتح شهيه بس ماكو فايده واذا الاشياء اللي ذكرتها فوق مو موجوده بالبيت تقعد ما تاكل . وويش الحل ساعدوني
معليش سامحوني طولت بالكلام
ومشكوره :09:

4 تعليق 896 مشاهدة

شاركي في النقاش

سجلي الدخول لإضافة تعليق.

التعليقات

4
  1. @lovelysoma

    الله يعافيها يا رب .... والله يا حبيبتي ما عمري سمعت بهيك حالة ... حالتها غريبة .... هل هذه الحالة منذ الصغر ، أي منذ كانت طفلة صغيرة جدا؟ هل عندها حساسية من أي شي (طعام معين ، دواء معين مثل الإنسولين .....الخ) ؟؟؟؟ وهل جربت أن تأكل ولو مرة واحدة من أطعمة مختلفة ولم تحبها ؟؟؟
    كم عمرها ؟؟؟ وهل تعاني من حالة اكتئاب أو أي حالة نفسية أخرى كالقلق أو الخوف من شيء معين ؟؟ هل حاولتوا تعرضوها على طبيبة نفسية (لا لشيء أختي لا سمح الله ) بس ممكن وهي صغيرة تعرضت لموقف أو شي معين .... والدي ما كان يتناول العديد من الأطعمة لهالسبب وبعدين الحمد لله صار ياكل كل شي وما يعترض على شي
  2. @aayon_alord_1

    حبيبتي حاله اختج عاديه شفت وااايد مثلها وانا في السكن
    ناس يكون اكلهم محدد ولا ماياكلون اي شي
    هذا روتين لهم ممكن يتغير في حاله انها حصلت تشجيع من بعض الصديقات
    مثلا وحده ماكانت تاكل اي شي لونه اخضر بس يوم احنا تيمعنا عليها وقلنا لها جربي التبوله وجربتها
    طبعا بالشده عيبتها
    غيرو لها روتين الاكل بالتشجيع مثلا قولو لها اليوم كلي الوجبه اللي نختارها لج كامله وبنطلعج طلعه حلوه
    او بناخذ لج القميص الفلاني اللي توه طالع
    حسب اللي الاشياء اللي تحبها وتميل لها
    صدقيني يبالها مسايره وطولت بال ومايبالها عناااد لان هذا طبعها بيتغير بالصبر
    بخصوص الدوره هاي مثلي الله يعينها

    قبل الدوره بيوم لازم تكون ماكله عدل ولا تكون شبعانه رقاد ولا تكون كله يالسه

    قولي ليش لانها لو كانت توها واعيه من النوم وياتها الدوره صدق بتحس بارهاق جسمها يبي يريح
    وهي مب قادره ترقد لانها اصلا راقده
    وقبل ما اتيها ألام الدوره بساعه تاخذ لها حبوب مسكنه لا تقولين مابيها تتعود
    عيل شوو تتعود ع الألم صدقيني ألم الدوره يخليج تصارخين وتلمين خلق الله عليج
    من الحبوب المسكنه
    البندول
    الباسكوبان وتاخذ معاه حبه بندول بس ها ترا الباسكوبان اييب غازات في البطن
    البروفين ..في معلومه سمعت ان كثرة البروفين مب اوكي فلو بتاخذه للضروره
    بعدين لو عندكم جهاز تدليك صغير يوم اتيها الدوره على ظهرها انا جربته وايد مريح
    في الاخير روحو عند الكتوره توصف لها وصفه مسكنات ملائمه
    لو خذت المسكن قبل ساعتين ممكن ترا اذا حست نفسها نشيطه تلعب وتناقز عادي
  3. @smartbabe

    صاحبة الموضوع
    LovelySoma
    الله يعافيها يا رب .... والله يا حبيبتي ما عمري سمعت بهيك حالة ... حالتها غريبة .... هل هذه الحالة منذ الصغر ، أي منذ كانت طفلة صغيرة جدا؟ هل عندها حساسية من أي شي (طعام معين ، دواء معين مثل الإنسولين .....الخ) ؟؟؟؟ وهل جربت أن تأكل ولو مر…
    اختي ايوا حالتها لما كانت صغيره عادي لكن الحين مره احسها تطورت
    اختي بطيعتها خوافه بالحيل وتخاف من اي شي بس ما تعرضت لاي شي لما كانت صغيره
    ومشكوووره اختي
  4. @smartbabe

    صاحبة الموضوع
    مشكوره عيون الورد
    بس احنا على العكس بالبيت على راحتها تلبس ما احد يغصبها على حاجه ايهي ما تريدها بالعكس وايد مدلعينها

تابعي تجارب أخرى من هذا القسم.