السلام عليكم ,,
حبيباتي حوائيات انا معلمة كنت في قريه و كانت مديرتي عسسسل ما تكلفنا بشي لأننا من المدن و نقطع مشوار سفر ف حدنا حصصنا و بس و اذا سوينا شي يكون تطوع مننا و لا ضغط علينا قبل كم سنة نقلت لوسط المدينة اللي انا فيها بس عن بيتي مشوار 40 دقيقه ولله الحمد و اتصرفت بطبيعتي خدوووووومه انا ف مديرتي استغلتني للأسف و كنت انظلم كثير ف الاداء الوظيفي و لا تراعيني بشي ابدا و لما اكلمها تقول من مشرفتك مو مني !!! و اكتشفت انه منها هي :44:
المهم اني طلبت نقل لمدرسه بجنب بيتي و نقلت الحمدلله ...
سؤالي هو كيف اروح اول يوم ؟ يعني اخذ قهوه و حلو ؟ كيف اتصرف ؟؟
و الاهم كيف اتعامل مع المديرة و الزميلات ؟
لما نقلت اول مره كنت خبله جايتهم من مدرسه ف قريه و اعتبر مبتدئه و هم هوامير ماشاء الله لهم خبره
شكرا مقدما :33:
شاركي في النقاش
سجلي الدخول لإضافة تعليق.
التعليقات
9- حتى انتي ياختي خبرة
يعني لك كم سنة تدرسين يعني قد تعرفتي على اطباع ونفسيات ومايفرق انتي تدرسين بقرية ولا مدينة يعني المغرورة والمتكبرة والطييبة تلقيها هنا وهناك
انتي تعاملي باصلك واخلاقك بس كوني رسمية من البداية وحقانية ولا تسمحي احد يظلمك او يستغلك
تبين تجيبن قهوة براحتك وحلا براحتك ماتبين عادي اليوم الاول اكيد تبين تتعرفين على الزميلات والمدرسة والطالبات ونظام الحصص ووو
الله يوفقك يارب - الله يسعدك يارب ...
لا لا هههههههه ما تتقارن القريه اللي كنت فيها بالمدينه ابداااااا ... تصدقي اني ما احسب سنوات القريه تدريس احس كأني اول مره ادرس و ربي :(
وحووووش يختي اللي لها 20 و 15 و 30 شي هواميير - شوفي حبيبتي أنا كنت موظفة في مدرسة بس غير رسمية
فشفت العجب من المدرسات يستغلونك ووجيههم مغسولة بمرق
إلا من رحم ربي فنصيحة لوجه الله مني خليكِ رسمية
اخبارك واخبار بيتك لا تقوليها لانهم يجلسون يتكلمون على بعضهم
وفلانة مسكينة وفلانه بطرانه وفلانة ما تمرض مهتمه في نفسها
وفلانة زوجه ضربها وفلانة ماتخلف فخليكِ كتاب مقفل
ثاني شيء لا تجلسين تطبخين وتجيبين لان بعضهم الموية ما تشتريها
بخل اعوذ بالله ولا تقولين أنا اعرف وإنا فاهمة بالذات في الحاسب
وكتابة الاسئلة ورصد الدرجات وعمل الدروس بشكل عروض لأنهم بيستغلونك
واذا وحده فيهم قالت لك بروح افطر والا عندي شيء بخلصة وامسكي فصلي
من بدايتها قولي لها لا لأنها بتستغلك وحتى المديرة لو كلفتك بشيء مو من اختصاصك
من البداية قولي لها ما اعرف وحتى لو شرحت لك الطريقة سوي نفسك غبية ولو مية مرة شرحت لك
في المقابل التزمي بالحضور وادخلي حصصك على الوقت لاتخلين لهم مدخل
والله يوفقك يارب..
كل من شافت توقيعي تدعيلي بالهداية والجنة والستر والزوج الصالح والذرية الصالحة - أنا من رايي خلج رسمية مع الكل ولا تدخلين في علاقات اجتماعية معاهم،،
خلصي شغلج ورجعي البيت وانتي مرتاحة..
ترة كل مكان فيه حريم تصير فيه مشاكل وكلام ونميمة انتي في غنى عنها. :icon810:
إلا إذا مثلا سوو فطور أو غدا جماعي هنا شاركي عشان محد يقول عنك مغرورة.
أنا عن نفسي ناوية أقدم على نقل في مدرسة إذا الله يسر،، بس أتمنى يحطوني في مكان يكون احتكاكي محدود مع موظفات المدرسة. - صادقة والله مريت بتجربتك كانوا وحوش مو اوادم وكأن المدرسة ملك ابوهم وانت شغالة استقدام ..
خليك رسمية مع الكل وﻻ تشيلين شغل من احد مساعده منك لين تعاشرينهم وتعرفين من اللي يستاهل ومن اللي يستغلك وابعدي عن النق والكﻻم في اﻻخير بتشوفي الكﻻم اللي قالوة اتلصق فيك انت واي واحدة تسب المديرة او زميلة لها قولي لها مااحب اتكلم عن احد مو موجود ﻻنهم بيأثروا عليك ويخوفوك
وان شاء الله تكون مديرتك تخاف الله وماتسمع للكﻻم وترتاحي يارب
مواضيع مشابهة
تابعي تجارب أخرى من هذا القسم.