كيف اعاملهم ؟؟

السلام عليكم ,,

حبيباتي حوائيات انا معلمة كنت في قريه و كانت مديرتي عسسسل ما تكلفنا بشي لأننا من المدن و نقطع مشوار سفر ف حدنا حصصنا و بس و اذا سوينا شي يكون تطوع مننا و لا ضغط علينا قبل كم سنة نقلت لوسط المدينة اللي انا فيها بس عن بيتي مشوار 40 دقيقه ولله الحمد و اتصرفت بطبيعتي خدوووووومه انا ف مديرتي استغلتني للأسف و كنت انظلم كثير ف الاداء الوظيفي و لا تراعيني بشي ابدا و لما اكلمها تقول من مشرفتك مو مني !!! و اكتشفت انه منها هي :44:
المهم اني طلبت نقل لمدرسه بجنب بيتي و نقلت الحمدلله ...
سؤالي هو كيف اروح اول يوم ؟ يعني اخذ قهوه و حلو ؟ كيف اتصرف ؟؟
و الاهم كيف اتعامل مع المديرة و الزميلات ؟
لما نقلت اول مره كنت خبله جايتهم من مدرسه ف قريه و اعتبر مبتدئه و هم هوامير ماشاء الله لهم خبره

شكرا مقدما :33:

11 تعليق 2,366 مشاهدة

شاركي في النقاش

سجلي الدخول لإضافة تعليق.

التعليقات

9
  1. @raht_alayam

    حتى انتي ياختي خبرة
    يعني لك كم سنة تدرسين يعني قد تعرفتي على اطباع ونفسيات ومايفرق انتي تدرسين بقرية ولا مدينة يعني المغرورة والمتكبرة والطييبة تلقيها هنا وهناك
    انتي تعاملي باصلك واخلاقك بس كوني رسمية من البداية وحقانية ولا تسمحي احد يظلمك او يستغلك
    تبين تجيبن قهوة براحتك وحلا براحتك ماتبين عادي اليوم الاول اكيد تبين تتعرفين على الزميلات والمدرسة والطالبات ونظام الحصص ووو
    الله يوفقك يارب
  2. @sweet_choco

    صاحبة الموضوع
    الله يسعدك يارب ...
    لا لا هههههههه ما تتقارن القريه اللي كنت فيها بالمدينه ابداااااا ... تصدقي اني ما احسب سنوات القريه تدريس احس كأني اول مره ادرس و ربي :(
    وحووووش يختي اللي لها 20 و 15 و 30 شي هواميير
  3. @bnt_mk_7_1

    شوفي حبيبتي أنا كنت موظفة في مدرسة بس غير رسمية
    فشفت العجب من المدرسات يستغلونك ووجيههم مغسولة بمرق
    إلا من رحم ربي فنصيحة لوجه الله مني خليكِ رسمية
    اخبارك واخبار بيتك لا تقوليها لانهم يجلسون يتكلمون على بعضهم
    وفلانة مسكينة وفلانه بطرانه وفلانة ما تمرض مهتمه في نفسها
    وفلانة زوجه ضربها وفلانة ماتخلف فخليكِ كتاب مقفل
    ثاني شيء لا تجلسين تطبخين وتجيبين لان بعضهم الموية ما تشتريها
    بخل اعوذ بالله ولا تقولين أنا اعرف وإنا فاهمة بالذات في الحاسب
    وكتابة الاسئلة ورصد الدرجات وعمل الدروس بشكل عروض لأنهم بيستغلونك
    واذا وحده فيهم قالت لك بروح افطر والا عندي شيء بخلصة وامسكي فصلي
    من بدايتها قولي لها لا لأنها بتستغلك وحتى المديرة لو كلفتك بشيء مو من اختصاصك
    من البداية قولي لها ما اعرف وحتى لو شرحت لك الطريقة سوي نفسك غبية ولو مية مرة شرحت لك
    في المقابل التزمي بالحضور وادخلي حصصك على الوقت لاتخلين لهم مدخل
    والله يوفقك يارب..


    كل من شافت توقيعي تدعيلي بالهداية والجنة والستر والزوج الصالح والذرية الصالحة
  4. @thl_alshab_1

    بنت مكة 7
    شوفي حبيبتي أنا كنت موظفة في مدرسة بس غير رسمية فشفت العجب من المدرسات يستغلونك ووجيههم مغسولة بمرق إلا من رحم ربي فنصيحة لوجه الله مني خليكِ رسمية اخبارك واخبار بيتك لا تقوليها لانهم يجلسون يتكلمون على بعضهم وفلانة مسكينة وفلانه بطرانه…
    أنا من رايي خلج رسمية مع الكل ولا تدخلين في علاقات اجتماعية معاهم،،
    خلصي شغلج ورجعي البيت وانتي مرتاحة..
    ترة كل مكان فيه حريم تصير فيه مشاكل وكلام ونميمة انتي في غنى عنها. :icon810:
    إلا إذا مثلا سوو فطور أو غدا جماعي هنا شاركي عشان محد يقول عنك مغرورة.
    أنا عن نفسي ناوية أقدم على نقل في مدرسة إذا الله يسر،، بس أتمنى يحطوني في مكان يكون احتكاكي محدود مع موظفات المدرسة.
  5. @um_faisel

    صادقة والله مريت بتجربتك كانوا وحوش مو اوادم وكأن المدرسة ملك ابوهم وانت شغالة استقدام ..
    خليك رسمية مع الكل وﻻ تشيلين شغل من احد مساعده منك لين تعاشرينهم وتعرفين من اللي يستاهل ومن اللي يستغلك وابعدي عن النق والكﻻم في اﻻخير بتشوفي الكﻻم اللي قالوة اتلصق فيك انت واي واحدة تسب المديرة او زميلة لها قولي لها مااحب اتكلم عن احد مو موجود ﻻنهم بيأثروا عليك ويخوفوك
    وان شاء الله تكون مديرتك تخاف الله وماتسمع للكﻻم وترتاحي يارب

تابعي تجارب أخرى من هذا القسم.