قراري الطلاق عطوني رايكم

بسكن عند اهلي وبالنسبه من يصرف على عيالي اساسا هو من الحين مايصرف عليهم اخر حمل لي لمارحنا نتقضى للمولود قال لاتزيدين عن400قلتله مولود ماعنده شي قال انا بعد ماعندي.وقت الولاده كان فيني الضغط وقالولي لازم طلق صناعي لانك تاخرتي وخطر وقتها وداني المستشفى وصرت ناسيه دفتر العائله عند اهلي لما درى جلس يهاوشني بصوت عال قدام الناس وجال الامن وقال انت كل شي تنسينه يعني ماقدر خوقفي الي انا فيه وضعفي وقله حيلتي بعد الولاده ماشرى لبنته حتى سرير كل هذا وتلوموني هذا الحياه بدونه ابرك..بالله لو وحده فيكم مكاني كان صبرت

انا نصيحتي شوفي نفسك اذا الحياة معاه قرف وما تنطاق اختاري راحة بالك بس شوفي اذا انتي قادرة على الصرفة و تشيلي مسؤوليتك و مسؤولية عيالك خلاص ارفسيه من حياتك واذا انتي عارفة ان اهلك طيبين ورح يشيلونك بعيونهم كمان عطيه اقوى رفسة ولا تجي وحدة تقول كيف ترضي ان اولادك يعيشوا بدون اب طيب اعتبروا هالاب مات خلاص يعني بتتوقف حياتهم عليه مثلا خلاصة كلامي اذا الزوج ما هو رجال و وجوده زي عدمه و كمان علة على قلب زوجته وش الفايدة من العيشة معاه اعتبريه مااااات واختاري لنفسك حياة افضل اذا بإمكانك

ريحتيني بردك يالامل الجديد الله يوفقك وين مارحتي تخيلو الحين طبعا ماتقضى لرمضان بحجة انه مامعه ومايبي ياخذني كل يوم فطوره بوقته طبها الحين البيت فاضي حسيت بجوع حتى مويه مافيه معتمد اني بشرب من مويه المسجد ان رحت لكن فاتني التهجد جوالي مابخ رصيد ارسله اتصال مجاني ماعبرني لانه كل يوم بس يفطر وبعدها يرجعلي بعد الفجر. ويتحسر عند اخوياه ماعبرني مويه مافيه ولا اكل حتى فيه بصوم على جوع بالله وتبون اتحمل هالزوج لامبالاه واهمال حتى ولدي قال ياماما جوعان صح المفروض الناس يعطونا اكل هالكلمة هزت كل مشاعري وارسلكم وانا ابكي اه يالقهر ليه حظي انا كذا

والله ما ابات عنده ليلة اذا كان وسخ وريحته غنم
الرجل ملزم بالنظافة وحُسن المنظر والرائحة مدري تصلح كلمة التبعل للرجل لامرأته او افهموها يعني زي مو مطلوب من الزوجة النظافة والاخلاق وحسن العشرة مطلوب من الرجل
روحي لاهلك وعلميهم بكرهك له
وخلي ابوك او من ينوب عنه يتفاهم معاه وحطي شروطك كاملة

يتنظف من ريحته ويتطيب
يبطل بخل
يصرف عليكم قبل المزرعة والبهايم حقته
يخصص لكم وقت
ان كان رضى ولا انت معذورة واشكيه للقاضي ويلزمه بالنفقة غصباً عنه
الله يعينك ويوفقك لما فيه الخير

حبيبتي زوجك اكييييييييد غلطان وبقوة بعد ولكن خلي الطلاق علي جمب حاليا خليه اخر الحلول طالما انتي تعبتي معاااه جربي كلمي اهله امه ابوة يكلمونه اذا يحبوك وتمونين عليهم او خلي ابوك او اخوانك يتدخلووون او اقرصيه روحي بيت اهلك وقولي له مابرجع الا اذا عدلت وضعك جربي كل هالحلول واذا مانفع شي برضو لا تطلبين الطلاق روحي بيت اهلك وعيشي حياتك وانسيه اذا هو باقي عليك وعلي حياتكم ووحشتيه وفقد عياله وحس بيته فافضي وحايس بدونك بيرجع لك ويتاسف وخلاص واذا مافرق عنده وطولتي الجلسه ببيت اهلك اكثر من 3 شهور اطلبي الطلاق ماعليه حسوفه وربي يعوضك اليا حسن منه بس لازم تحاولين تعدلينه بكل الطرق قبل لا تلجاين للطلاق