قراري الطلاق عطوني رايكم

وحده كان زوجها بخيل وكلا طاير على قولتنا من فلان لعلان مواجيب اي شي يحصله من العمل كهدية لزوجته يبيعه او يهديه احد ثاني وراعي عزايم بس يعزم في الرجاجيل فطور وغدا وعشا وزوجته بس تخدم وسبحان مغير الحال الى حال صار الحين كلا ياخذها معاه من مكان لمكان ويصرف على زوجته واولاده واحفاده ولايرضى احد يدفع لهم شي حتى السفرات وولده بس يقوله ابي نسافر وهو طفل صغير يقوله يلا اسفركم وهو حتى عياله ماكان يشوفهم من الصبح لليل من بيت لبيت ومن رجال لرجال بس اعرف المرأه انها جدا محافظه عالصلاه في وقتها وتقرأ القرأن وتجمعات القرآن والصلاة على محمد يعني حيل مؤمنه وكل الناس عندها طيبين

شوفي مبدائا روحي ازعلي عند اهلك يمكن يتغير لاشافك زعلتي وقبل تروحين لهلك خلي ابوك يجي يشوف المطبخ بعينه لان الرجال كذابين بسرعه يحطون الغلط عليك واللي تقولها اصبري ماتحسين انتي الحرمه ماتت جوع وش تبي به اذا كبر وتعدل وصار طيب تكون راحت احلا ايام عمرها من رايي روحي لهلك وبيني له العيشه معك لاتطااااااااااق

تحسبوني ماحاولت حاولت كثيييير بالنسبه للي تقولي روحي المزرعه المزرعه لاتطاق فيران وانواع الحشرات حتى داخل مبناها ومبناها جدا سئ.والي تقولي جيبي ابوك ابوي الله يرحمة متوفي ولما خذت الورث يبيني اسلفه لمارفضت قال ابوك الله يرحمة قال الي بياخذك بيتجر عز الله بيفقر وكان ابوي ماكمل سنتين. وعطيته الي،يبي بس يفكني من لسانه والي تقول وش الفايده اذا كبر تعدل ينصر دينك باشيخه انادايم اقول كذا اذا راح شبابي ماعد فيه شي بتمتع فيه مثل الحين اناعمري ثلاثين اصبر يعني لسن يصير عمري اربعين واشوف ان تعدل او لا ويمكن ايه ويمكن لا ووقتها اصلا ماتوقع بيكون لاي شي.طعم والي معاملته كذا من الحين وش بتكون معاملته اذا كبر هذا غير اني ممكن اصبر وبالنهايه لماتنفرج يفكر بالثانيه وبالنهايه يكون صبر بلافايده والي تقول الطلاق مو كويس احيان يكون مريح عيالي مشتتين ختى وهم ببيت ابوهم انا الي قدامهم وبس ان شافوا ابوهم نص ساعة وبس وبللنسبه للطلاق تراه طلقني مرتين بسبب عصبيته ينطق الكلمة مايحسبها صبرت كثييير حتى محد درى عن طلاقنا حتى اهلي ماقلتلهم وارجع واسكت واتحمل انا بعد من حقي الحنان والامان من حقي احس بان فيه شخص يهتملي خلاص من شده بروده صرت بارده ماعد يهمني اهتم لنفسي واتزين او اتكشخ وصلت لدرجة الحياه ماحس لها طعم والعمر قاعد يمشي اختي مره لما قلتلهانوقف صار معاه نصحتني بالطلتق قالت وش يصبرك وتفاجات مع اني ماقلتلها كل هالكلام الي قلته لكم وامي نفس الشي...
بالنسبه لاهلي وجلستي عندهم البيت وقف ابوي الله يرحمة موقفه لنا.انا والله الي يشوفني يعطيني اكبر من عمري من الهموم...انا انسانه فقدت الحنان من صغري ولماتزوجت توقعت الفرج جاي وبروح لانسان يعوضني تمتعت اول سنه بعدها اتضحت الامور والمعامله السيئة بس ماكنت لهالدرجة تازمت الامور بزياده وصارت لاتطاق بعد المزرعه حاولت فيه كثير يبيعها رفض قال لو بعتها بحس بغراغ وانت حره قصده يعني يتزوج انا خلاص اصلا حياتي مو بامان تطلقت مرتين يعني باي لحظة.غضب منه وطلاق بيكون انفصال محتوم ليه اضبر لاخر العمر وبعد ماكلر وقتها بندم يوم ماينفع الندم

ان اصريت عليه بماديات بيقول ماتصبرين علي وانت تدرين بظروفي لو معي ماقصرت وهو قدامي اشوفه يصرف على بهايم يتسلف من الناس عشانهم ياخذ قرض من البنك ويشتري حيوانات صرت اصبر احيان عالماده اجي ادو ر معامله ابسط حقوقي يهتملي مافي ابسط حقوقي طلعه انفس فيها عن هالكبت مافي محرومه من الحنان والامان والمال والمعامله الزينه واناقسما بالله الماده اصلر عليها بس لو فيه معامله حسنه مثل الخدامه كل شي بزعل ومناغخ واتهاوش حتى لوماسويت شي احسه مريض نفسي مره قال صحيني الساعه3بالضبط لاني مواعد اهلي بالمزرعه المهم نومع ثقيل صحيته3مرات يقول طيب ولايصحى خفت يعصب علي قلت اطلع وطلغت من الغرفه وطول ماصحى قلت دامة مو مهتم يمكن تكنسلت روحة اهلة تركته صحى متاخر حصل مكالمات من امة عصب علي قال ماقومتنيني حسبي الله عليك قدام عياله وصار يهاوش وقال لامه قلتلها تقومني وماقومتني وطول الطريق يتحيسب علي وانا ابكي من قهري ورديت عليه ماسكتت وسالت ولدي قلت علمه حنا ماقومناه قال الا ثلاث مرات. سكت ولا اقتنع عشان يسلم.من زعل امه.حطها فيني امه اكيد بتقول اني مابيهم يجون
عفواالي يقولون الطلاق بندم عليه طيب اناروش بخسر لو تطلقت تقولون.مالي سند بعد الله طيب حتى وانا متزوجة مالي سند بعدالله احيان اخذ لبس لعيالي من عقب لبس عيال اخواتي.بكلا الحالتين ماعندي الي يصرف علي.اذا ماحصلت معامله زينه عنداهلي نفس الشي انا ماكنت محصله معامله زينه عنده.هو وش بخسر احد يمشيني يحن علي طيب هو بعد مايحن علي اقولكم انا نفسي دورت شي ايجابي مالقيت صح ممكن لو فيه شي حلو الوحدع بتتمسك.بزوجها صح قبل ثلاث سنوات او اكثر يمكن.كنت ادور ميزه ميزتين.اصبر لاجلهم لكن الحين.مافيه تعرفون كيف لما المراه تكره الشخص انا كنت احبه لكن باسلوبه.كرهني فيه مره كنت اقوله بمزح جوالاتك على كثر مايطيحون مايخربون وانا بسرعه جوالاتي تخرب بعدها يمكن بفتره طاح جواله بالشارع وهو نازل من السياره.كانت الطيحة.قويه سكت الجوال حط بباله اني عطيته عين رن الجرس رحت افتحله اول مادخل وقبل مايسلم قال شفتي من عينك خرب الجوال حسبي الله ونعم الوكيل وقام بتحيسب والله اهلب وهم.اهلي ماحصل عندهم كل هالظلم لو اني خدامة عنده كان.عاملني افضل

السلام عليكم ، اتمنى من الله انك تقرين ردي ، والله اني حاسه فيك لكن حابه تقرين كلامي انا مريت بنفس حالتك لكن تدرين وش سويت بما ان مجتمعنا مايرحم المطلقه ولا لنا سند بهالدنيا بعد الله لان كلن يقول نفسي نفسي ، الجأي لله بالدعاء لان الله نزل عليك هالوضع كنوع من انواع الابتلاء انصحك قبل تشتتين عيالك وتعيشين معاناه ضعف اللي عايشتها حالياً ، انصحك تكثفين الدعاء فالوتر وعند الفطور وتصدقي بنية رد زوجك لك رداً جميلاً وان شاء الله ربي مو مضيع لك اجر صبرك بيكبرون عيالك وبيستوعبون حجم المعاناه والصبر اللي مريتي فيها عشانهم وبيعوضونك ان شاء الله ... والله قرار الانفصال اصعب من الصعب في مجتمعنا اللي ماينصف المرأه .