قراري الطلاق عطوني رايكم

الله يفرج همك يارب

والله ياوخيتي ذا ماعليه حسوووفه

لامصرف ولا احترام ولاحب لك ولا لعيالك !!

وش فايدته زوج بالاسم بس؟

يختي لاتطلقتي اقلها يمشي لك راتب من الجمعيه

وظعك ماراح يحله الطلاق
بالعكس..بتزيد حالتك سوء
كونك عايشة انتي وعيالك في بيت ابوهم يحوسون ويلعبون ويكسرون ماحد يقولهم ليش فهذي نعمة من رب العالمين
اصبري عليه الحمدالله ماهو فاجر ولا فاسق والله ان شالله ربي يحنن قلبه عليكم

الي تقول يكفي ان عيالك يخربون او يكسرون شي ببيت ابوهم طيب وانا من بيعوضني صبري وشبابي انا بشقه وكثره الاطفال بمكان ضيق.يحتاج ينفسون عن.نفسهم ويفرغون طاقتهم بطلعه او تمشيه انا الضغط الي اشوفه منهم خاصه لما يتضاربون او يلعبون يمين ويسار بازعاج مو من حقي بعد احط يعوضني عن.هالكبت الي اشوفه بطلعه او تمشيه والا حتى كلمة حلوه..انا لو بجلس ببيت اهلي لي الحق اخذ لي غرفه او مكان بلحالي لاني البيت وقف.
والله اني متأزمة نفسيه ابي حاجة.وحده حلوه مالقيتها مدري وش اسوي والله مليت اما الاستمرار بهذي الحياه مره صعب ياناس حرام.اندفن بالحيا اي انثى محتاجة احد يدلعها او يهتملها.يحسسها بانوثتها مو يحسسها بانها اقل من.الخدامة..انا لو تطلقت مارح ارفض لو جاني احد مارح اعيش عمري بهم وغم معاه حتى ان ماتزوجت اعيش بدونه ولا اعيش بحياه محسوب علي زوج بس بالاسم وان كنت عند اهلي لو قلتله بروح مكان فلاني قال لا....تقولون اصبري عشان العيال عيااي ان كبروا بيعيشون حياتهم وانا وقتها التفت حولي ماحصل احد اذا بياخذهم هو ابوهم مامنعه واضمن عيشتهم عيشه كريمة عند اهله ولايقدر يحرمني منهم لو وش يكون

اذا وضعي.مارح.يحله الطلاق اجل وش يحله يحله اني اضحي بعمري وشبابي بجو كله اهانه وقله احترام.وهواش ومنافخ اسكت وماسلم...عايشه على اني متزوجة وهو له حقوقه الي يبيها وانا اتنازل عن كل حقوقي الي اقلها الاحترام انا ياما انجرحت وانهنت منه والاهانه عمري مانساها وهي سبب كرهي له دايم اقول يمكن يتعدل اسوي الامور الي ترضيه ان كان محتاح سلف احاول ادبرله ان حسيت نفسه بجوال معين اتسلف لو مامعي واسويله مفاجاه واهديه ينبسط بوقتها ومايطول الا وهو منقلب بالرغم من ان عمره ماهداني جوال لو ابو كشاف..حاولت بكل الطرق هو انسان متسلط قاسي لامبالي