اذا تفكرين بالطلاق تعالي هنا.... ابيك شوي ...

السلام عليكم

لا حظت في المنتدى كثير يستشيرون بخصوص الطلاق الله يلعن الشيطان مو مخلي أحد بحاله ...


طبعا انا وحدة من اللي يفكرون بالطلاق مو لأن زوجي سيء بالعكس هو زين و احبه ويحبني بس اهله ماهم مخلينا نعيش وهو ضعيف جدا قدامهم .. وعيشة المشاكل جابت لنا الهم ومرضتنا ..
و سبق طلق وحدة قبلي بسببهم ووقتها حطوا كل العيوب فيها وانهم هم الطيبين وهذا اللي مطلعينه عند الناس وكذا طحت بالفخ


والظاهر انا بالطريق لأني ماني قابلة الوضع المهين اللي يبونه .... مالكم بالطويلة



قبل ما تقررين تتطلقين تعالي نفكر مع بعض وانتي جاوبي نفسك


1_ اذا كان السبب عدم تفاهم او تكافؤ او شين طبايع منه اسألي نفسك
هل انتي لك رغبة انك تعيشين مع زوج يعني تفكرين بزواج ثاني
؟؟

اذا جوابك لا
وكانت ظروفك المادية او ظروف اهلك تكفل لك حياة افضل فاستخيري وتوكلي على الله

اذا ايه
اغلب الظن راح تتزوجين مطلق اذا كان حظك زين وممكن تضطرين تاخذين معدد وتعيشين بهم الضرة والعيشة المرة ....
فنصيحتي لك امسكي مجنونك لا يجيك اللي أجن منه
...
والله يصلح الحال





2_ اذا كان السبب انه تزوج عليك ارجعي للي فوق
هل لك رغبة بالزواج
اذا ايه
اعملي حسابك في الغالب تاخذين معدد
يعني ماراح تخلصين من الجارة فعلى الاقل لمي عيالك مع ابوهم والله يعينك
واذا لا
وظروفك تسمح فأنا معك وانا من هالنوع
ما اتحمل الله لا يحملنا ما لانطيق



3_ اذا كان السبب قلة دين يعني ما يصلي او ما يصوم ااو شرب وادمان فاتركيه بدون ما تسألين نفسك وانويها لله ومن ترك شيئا لله عوضه الله خيرا منه.....



4 _ اذا السبب ممكن يتعدل بيوم من الأيام فاصبري وربك كريم اما اذا مستحيل يتعدل اتخذي قرارك بسرعة ولا تضيعين سنوات شبابك ...
والله يعوضك خير ..

شي ثاني لازم تفكرين فيه
العيال
اذا عندك عيال حاولي قدر الامكان تصبرين لأن مهما كان وجودهم بينكم احسن لهم
وإلا لا يكلف الله نفسا الا وسعها


اذا ماعندك عيال وحسيتي ممكن تتطلقين احرصي انك ماتحملين لما تشوفين وضعك لأن فرصك بالزواج راح تكون افضل وبعد احسن ما يصير فيه رابط ابدي بينكم.....


بالنسبة لي انا ماراح اطلب الطلاق لكن متوقعة الظروف تجبرني و تجبره والظاهر طريقي هو طريق اللي قبلي واللي بعدي يمكن وحسبنا الله وكفى


درست وضعي وسألت نفسي وقررت اني ماراح اتزوج
عشان كذا حملت هالسنة وان شاء الله ابحمل بعدها على طول اذا ربي اراد عشان اجيب عدد عيال يكفيني
لأني مستحيل اتزوج مرة ثانية و اخذ رجال يمرضني هو واهله
ولأني احب زوجي هذا وما اتخيل نفسي مع احد غيره بس هو مو قادر ياخذ موقف يحمي حياتنا وانا تعبت ومليت
ولأني موظفة الحمدلله اقدر اعز نفسي و عيالي






واخيرا الله يسخر لنا ازواجنا ويحننهم علينا ويبعد عنا شياطين الانس والجن




ودعواتكم ان الله يسخر لي زوجي ويكفينا من يبي بنا شر
والحمدلله على كل حال

40 تعليق 6,525 مشاهدة

شاركي في النقاش

سجلي الدخول لإضافة تعليق.

التعليقات

40
  1. @um_fayo0on

    جزاك الله خير


    انا من اللي من ترك شي لله عوضه بخير منه


    الله يخلف علي كما خلف على ام سلمه


    ولا تقولين مالك الا معدد لان هذي اقدار بيض الله

    وربي اعرف من جماعتنا تطلقت معها ولدين تزوجت وخذت اعزب لمها هي وعيالها
  2. @alamyrh_55_1

    انا مثلك أفكر في الطلاق والله يكتب الي فيه الخير والسبب
    انا من اللي من ترك شي لله عوضه بخير منه
    غير انه راميني بدون سبب وبكل احتقار
    اما أفكر بالزواج ايه ماراح أضيع عمري وشبابي عشانه اذا جاني الي يستاهل والحمد لله ماعندي أطفال
  3. @bnt_almdynh_1_1

    um fayo0on
    جزاك الله خير انا من اللي من ترك شي لله عوضه بخير منه الله يخلف علي كما خلف على ام سلمه ولا تقولين مالك الا معدد لان هذي اقدار بيض الله وربي اعرف من جماعتنا تطلقت معها ولدين تزوجت وخذت اعزب لمها هي وعيالها
    الله يفرج همك وكل مهموم وينفس كربك وكل مكروب ويسخر لكم جميعا ازواجكم يا بنات عالم حواء وانا معاكم 😁 ويكفيك ويكفينا شر شياطين الإنس والجن
  4. @amnyat_dayaa_1

    صاحبة الموضوع
    um fayo0on
    جزاك الله خير انا من اللي من ترك شي لله عوضه بخير منه الله يخلف علي كما خلف على ام سلمه ولا تقولين مالك الا معدد لان هذي اقدار بيض الله وربي اعرف من جماعتنا تطلقت معها ولدين تزوجت وخذت اعزب لمها هي وعيالها
    الله كريم
    ما على ربك عسير




    اسأل الله ان يعوضك بخير مما تتمنين
  5. @amnyat_dayaa_1

    صاحبة الموضوع
    الأميره 55
    انا مثلك أفكر في الطلاق والله يكتب الي فيه الخير والسبب انا من اللي من ترك شي لله عوضه بخير منه غير انه راميني بدون سبب وبكل احتقار اما أفكر بالزواج ايه ماراح أضيع عمري وشبابي عشانه اذا جاني الي يستاهل والحمد لله ماعندي أطفال
    الحمدلله انك ما تورطتي بأطفال من انسان ما يستاهل يكون أب ..
    و اللي مثلك شي طبيعي تفكر تتزوج


    لكن العيال يكسرون ظهر أمهم خاصة اذا ماكان لهم ملاذ آمن اذا تزوجت




    انتبهي و انا اختك لا تحملين لما تشوفين عن وضعك


    والله يختار لك الخيرة

تابعي تجارب أخرى من هذا القسم.