ابي بس منحرجه

السلام عليكم ورحمه الله وبركاته

بنات انا ودي ابدء بمشروع طبخ بس منحرجه
انا ظروفي الماديه صعبه وودي بشغله استرزق منها
مادري الي لها خبره بهالموضوع شلون احدد السعر على اي اساس وانا منحرجه من كلام الاهل والقرايب اني صرت اطبخ وابيع :confused:

وعندي استفسار ثاني شلون احافظ على حراره الاكل لانها طبخات كيف توصلهم وهي ساخنه

وجزاكم الله الف خير

25 تعليق 8,992 مشاهدة

شاركي في النقاش

سجلي الدخول لإضافة تعليق.

التعليقات

25
  1. لاتنحرجين ولاشي كثير الحين اللي يطبخون ومن احسن العوايل واغناها بعد ولاهموهم الناس بعضهم هوايه وبعضهم دخل مضمون وماعليك من الناس لو تطلبين وحده سلف ماعطتك والاسعار شوفي الطباخات كيف اسعارهم وسوي زيهم بس تري بعضهن يبالغن في السعر مره انت شوفي التكلفه وتعبك وقدري المكسب بالنسبه للحراره يحطون الاكل في الحافظات اللي لونه ابيض يقولون تحفظ الحراره احسن من الفضيه وباقي الاكلات عادي ممكن يسخنونها الله يوفقك ويرزقك من واسع فضله 
  2. @antthrtk_olkn

    الله يوفقك ويرزقك
    وماعليك من كلام الناس اهم شي شغله حلوة وتحسنين وضعك
    ومثل ماقالت الاخت حزورة لو احتجتي سلف ماحد عطاك
    ابداي بالاشياء اللي تعرفينها وانشري حالك بالانستجرام سوي منشورات ووزعي ع المدارس
    الله يرزقك ويرزقني ويغنينا عن النلس
  3. تحديد السعر يعتمد على أشياء معينة
    بقولك باختصار / انك تحسبي سعر مكوناته مع تعبك
    يعني مثلا سعر علبة من أي منتج ١٠ ريال وانتِ استخدمتِ ربعها يعني ١٠ على ٤ تساوي ٢,٥ ريال

    ومثلا استخدمت ثلاثة مكونات
    ١- سعره ٢٠ واستخدمتِ نصه يعني ١٠ ريال
    ٢- سعره ١٢ واستخدمتِ ربع يعني ٣ ريال
    ٣- سعره ريالين واستخدمتيه كله يعني ريالين برضو

    ١٠ + ٣ + ٢ + تعبك في الشغل = ١٥ + تعبك في الشغل ( ممكن تكون ٥ ريال مثلا على حسب شغلك )

    الحفاظ على الحرارة
    استخدمي العبوات الحافظة مثل علب الألمنيوم
  4. @almaalkat

    يمكن يترقيوا الحين لكن لما يشوفوك ناجحه بتتغير النظره شوفي الراجحي كان فقير وكيف صار مااحد يتريق عليه الحين ،،مشكلتك هي الثقه بالنفس نصيحه طنشي وتوكلي ع الله وتوقعي اي شي منهم لكن استمررررررررررري الله يفتح لك باب رزقه
  5. القرايب لا تقولين لهم ولا تجيبين لهم طاري ابد
    بيعي عالمعارف والجيران ومن خلال تويتر والانستغرام واعلانات في اقروبات والمنتديات
    بعد فترة طويلة اذا اقاربك سمعو بتكونين مشهورة واكلاتك معرفة ولو احد سالك انتي تبيعين قولي اييييه من زمان ما تدرون غريبة


    بالنسبة للحرارة عندك طريقتين
    يا انك تشترين الصحون القصدير اللي المطاعم يحطون فيها الرز تجيك في محلات البلاستيك كل الاحجام ولها غطا كرتون

    او سوي مثل الطباخات يحطون الاكل بحافظات حقيقية وعليها تامين مثلا الجريش بستين تاخذين مية وستين ولما يرجعون الحافظة ترجعين لهم مية وتاخذين استين وهكذا

    وربي يوفقك

تابعي تجارب أخرى من هذا القسم.