وش الحل مع أهل زوجي ولقافتهم

السلام عليكم .. كيف حالكم بنات .. وعيدكم مبارك وكل عام وأنتم بخير بدخل بالموضوع / انا عندي بنتين وام زوجي مقلقتني ليش ماحملت وجبت ولد وتحرجني قدام الناس وغير كذا بناتها يتريقون علي وش تسوين ماحملتي وش استخدمتي واسئلة محرجة اقولهم ربي ماكتب وتجي امهم تقول قدامهم ولدي بيتزوج عليك تفشلني قدام بناتها وبالعيد وانا عندهم انا تعبت نفسياً من تصرفات هالانسانة مهما اجاملها مايبين بعينها كرهت هالموضوع كل مايتكرر ويجون يقولون شوفي فلانة جابت ولد وشوفي فلانة حامل قلت الله يرزقهم وش اسوي يعني قالوا مافي الا انتي عندك بنتين !! لا وغير كذا اسئلة من اجدد شي بالبيت يقولون ليش ما وريتينا صوري وورينا غرفتك وهم متحفظين ماشوف شي عندهم وامهم ملقوفة تترصد كل مااجي اطلع من البيت تتصل وتعلم ولدها ولاتتصل تسألني حتى لما اطلع عند اهلي تقول ليش وش عندهم طالعه لهم خليك ببيتك ومع بناتك مليت من لقافتها واذا سافرنا مكان تتصل تقول ليش مطولين ارجعوا بسرعة والى متى لا يجي بكرة الا وانتم هنا احس ولدها يتغير علي اوقات من حرشهم يعبون راسه انا بموت قهر وش اسوي يابنات 😔