مخطوبه من مطلق ...و محتاره

الله يوفقك ويسعدك ويجعله مايشوف غيرك بعينه

يااختي مو كل ماينطبق على فلانه ينبق عليك

ولد عم زوجي يموت بتراب زوجته يترك الناس لعيونها وبعد ماطلعت من النفاس رفضت ترجع لبيتها كذا بدون سبب وبعد كم شهر رجعت وجلست فتره وراحت لم اهلها وعلى الحال سنه كامله مل منها وطلقها

وشهرين وهو مملك ومتزوج وجن جنونها بترجع له ونادته ياخذ عياله وهم اطفال صغار مره بتنكد عليه واخذهم منها مره تاخذهم ومره تحطهم عنده وهو يسوي الي تبي يقول راس مالها بتمل والكل توقع رجعته لها لحب الشديد لها لدرجه يوم زواجه ماعلم فيه احد عشان مايوصل لها الخبر وتتكدر

ومع كل محاولاتها مارجعها سفهها بقول من باعنا بالرخص نبيعه ببلاش مو انا تتحكم في مره

تصحيح الآية

قوله تعالى يا أيها الذين آمنوا لا تَسألوا عَـن أشياءَ إِن تُبْدَ لكم تَسُؤْكُم و إن تسألوا عنها حين يُـنَـزَّل القرآنُ تُبدَ لكم عفا اللهُ عنها و الله غفورٌ حليم [101]

توكلي على الله فرصه وجتك وهذا المطلق ان ماخذاك بياخذ غيرك
الله يوفقك يارب

ياااااقلبي انت زوجك خطبك عقب ماطلق زوجته يعني ماخطبك وهو متزوج فرق يااختي
وانا اشوف انها فرصه لاتضيعينها وطبعا استخيري واستغفرررري كثيييررر
وربي يفرج همك
وهذا الشيطان مايحب يشوف المؤمن مبسوط
المهم ماعليش ياختي بس حطي ببالك يمكن يرجعها ترا اذا مب طلقها طلاق بثلاث
المهم انت وسعي صدرك واذا رجعها شي مكتوب والحمدلله الاطفال يصيرون بين اهلهم وانت بترتاحين منهم وان شاءالله تكون امورك كويسه مو ضروري يرجعها يطلقك ولا يكرهك ولا تصير مشاكل شي طبيعي الوضع ان شاءالله بيكون وخصووووصاا انك ماتزوجتيه وهي ع ذمته كذا اهووون بكثيييررر وهي مارجعت والا وهي عارفه انه متزوج يعني بتكون راضيه بالوضع عاد راضيه غصب ولا بالطيب بس وضعك انت تماااام ولا احد يفكرر يقول انك خرابة بيوت

واهم شي سألتوا عنه وانت لاتفكرين في زوجته ابدا ابدا ايدا نصييييبحه نصيييييييحه دايم لاتحطينها ببالك وعيشي حياتك وانبسطي وهي لاتجي ببالك لان التفكير والله بينكد عليك بدون فايده وانت الخاسر الوحيد في التفكير فيها
والله يكتب لك اللي فيه الخير .