كل عام وانتن بخير وعيدكم مبارك..
وتقبل الله منا ومنكم صالح القول والعمل..
زي ماانتم شايفين من العنوان..
بعرض لكم تجربتي مع المنتجات الكوريه للبشره.. لاني صراحه تعجبت من بشراتهم كلهم صغيرهم وكبيرهم حريمهم ورياجيلهم بشرتهم تلمع صفاء ونضاره ومتوحده ف قلت معقوله مايعانون من تصبغات وتجاعيد و...الخ من مشاكل البشره
اكيد فيه سررر وبديت رحلة البحث عن منتجاتهم..
واحب اقول لكم اني اشتريتها من النت.. وغير موجوده هالمنتجات بالاسواق المتعارف عليها..
ماشااء الله لاقوة الا بالله..
بسم الله نبدا..
جل الالوفيرا..
تقييمي له 10/10
روعه رهيب فضيع هذا المنتج..
وعليه اقبال من كافه الجنسيات..
مبيعاته هائله جدا..
طبعا هو منتج عضوي..
فوايده كثيره
يرطب.. ينعم يخفف الحساسيه و الحمره او الحكه او تحسس..
مثالي للي تبي تقشر بشرتها بمريم تقشير او جلسات ليزر تحطه وعقب ترتاح بشرتها كثير..
ومثالي كبرايمر للمكياج
يستخدم كمجعد طبيعي للشعر ومرطب ومغذي للاظافر والرموش..
وش اقول وش اخلي روعه واللي تستخدمه موب مستغنيه عنه ابد
سعره 85ريال..
المنتج الثاني هو..
قناع الارز من سكين فود..
مره ممتاز ينور الوجه وينظفه
اللي عجبني فيه انه يحتوي ع حبيبات ناعمه مره يعني اثناء وضعه يمديك تعملين تدليك فيه وع طول الحبيبات تذوووب ولاتخدش البشره مثل المقشرات الاخرئ
سعره 85 ريال
المنتج الثالث..
كريم المساج توميتوكس..
هو. طبعا 3 في واحد كريم مساج.. ومنظف و قناع..
يفتحها وينور البشره ولايسبب تحسس ممتاز قبل الميكب يخلي البشره مصقوله ونظيفه..
سعره 100ربال..
المنتج الرابع
حزمة الزبادي الاربع..
هي مثل القناع.. وب 4 نكهات
حزمة فراوله تفتيح للبشره..
حزمه كيوي تجديد البشره
حزمه تفاح ترطيب للبشره
حزمه مشمش تقشير وازاله الخلايا الميته من البشره..
سعره 45 ريال
المنتج الخامس قناع الكولاجين بالجنسنج الاحمر..
حلو مره يعطي نضاره للبشره ومثالي لماقبل المناسبات يفتح البشره وبخلي الميك اب رائع عليها..
وهو يجي باكيج فيه عشر ماسكات كل ماسك بمغلف ب 80 ريال..
المنتج السادس كريم كراكول ((الحلزون))
هو منتج علاجي اكثر من ماهو تجميلي..
فوايده يخفي الندوب واثار العمليات الجراحيه
واثار الحبوب او الحروق..
يخفف التجاعيد..
امن لمنطقة الهالات..
يفتح البفع الداكنه..
سعره ب88ريال..
يتبع لاحد يرد لين اكمل..
