ساعدوني بنات مسقط

المراكز التجارية ( سيتي سنتر في الموالح / سلطان للتسوق والحارثي في الخوير
أسواق القرم وفيها أكثر من مركز جنب بعضهم مثل مجمع العريمي و سابكو
سفير في الخوير واللولو في اكثر من فرع
الحدائق حديقة القرم في القرم
حديقة ريام في مطرح
منتزه كلبوه في مطرح
شاطئ القرم حلو جدا خاصه المساء
والنسيم في بركاء اذا جايه عن طريق البر بتشوفيها على يدك الشمال قبل مسقط
وأي شئ تحبي تستفسري عنه ممكن تدقي على 1318 الرقم المجاني
وزيارة موفقه

تسلمين هجورة عالرد بس حبيت أعرف اسم أكثر من شقة مفروشة و أرقامهم لأني ما بيي كل هالخط و آخرتها ما نحصل حجز في شقة و ميزانيتنا ما تسمح بفندق غالي لأن عددنا كبير الرجاء من بنات السلطنة الرد

عندك(( منام للشقق الفندقية )) واسعارها مناسبة تقريبا وهذا رقمهم 0096824566044 ..وهي في منطقة الوطيه وفيه ((أساس عمان)) شقق فندقية في منطقة القرم وقريبه جدا من حديقة القرم الطبيعية ..وقريبه من الشاطئ والاسواق التجاريه في القرم ..بس اعتقد اسعارها غالية شوي وعندك بعد(( فندق الشاطئ)) في منطقة شاطئ القرم اسعاره اعتقد تناسبكم..
و ايش بعد ؟؟؟..اممممم
المطاعم عندك مطعم الاتوماتيك مطعم لبناني موجود في المنطقة التجارية بالقرم ومطعم(( الطربوش)) وموجوده مطاعم منوعة هناك مثل بيتزا هت وكنتاكي وهارديز وماكدونالدز .. ((والطازج)) في منطقة الخوير على شارع السلطان قابوس وفيه مقهى ((العمده )) للفطاير (( والطربوش- فرع ثاني)) في منطقة الغبرة الشمالية ..

وهذا اللي اعرفه حاليا واي خدمه احنا حاضرين للطيبين ..
واذا جيتي واستفدتي من معلوماتي .... لا تنسيني من دعواتك الصالحة
وحياك الله في بلدك الثاني ..عمان

بنات عمان ... اذا في اي خطأ في معلوماتي ...ياريت تصححونه وشكرا لكم

up

تسلمين لي يالغالية على هالمعلومات و أنا سبق لي زيارة مسقط بس قعدنا بفندق الشيدي بس هالمرة لأن العيلة كلها موجودة نفضل الشقق ..