تكفون ادخلوا الموضوع اللي حصل لي كبير ابغى مشورتكم

بنات ابغى مساعدتكم تكفون بالله أنا مالي أﻻ الله ثم انتم الموضوع اللي حصلي اليوم مرررة كبير وانا في هم ﻻيعلم فيه أﻻ الله انا قصتي اكتشفت اليوم أن زوجي يخوني مع وحدة استغفر الله حرمة كبيرة حسبي الله عليها انا قبل فترة سافرت وكانت معانا مترجمة الله ينتقم منها المهم اللي حصل أنا عندي صورة لولدي ولزوجي قمت اسوي عليها برنامج تعديل للصور المهم حطيتها صورة عرض في جوال زوجي قام هو حذفها لمن جيت سألته ليه ماتخليها مارد عليا المهم عقدت اقلب في جواله ادور عليها واﻻ ربي كذا يبغاني اكشف زوجي وخيانته لقيت لها صور في جوال زوجي وحاط صورتها وصورته وحاط عبارات حب وغرام ومركب الصورتين جنب بعض اللي هي صورته وصورته وأكثر من صورة مسويها ببرنامج فوتشوب أقسم بالله بغيت انجن بغيت اموت زوجي واثقة فيه مو حق الحركات هذي بس خﻻص هذي نهاية الثقة فيه حسبي الله ونعم الوكيل مرررة مصدومة لحد اﻻن مو مصدقة أن زوجي عمل كذا المهم اللي حصل لميت عفشي واخدت ولدي وقلتله وديني على بيت أهلي طبعا بعد ماوريته الفضيحة اللي هو مسويها وهزئته وشرشحته شرشحه وصارخت عليه يعني واجهته بالموضوع وانكر وحلف انه ماله ذنب كل هذا وماله ذنب المهم ماعلمت أحد طول الطريق يحلف على نفسه بالموت انه ماعمره دخل في شي حرام أو زنى أو شي من هذا القبيل وطول الطريق جالس يبرر لي ويحلف على نفسها لين بكى يابنات انا في نص الطريق وانا رايحة ﻻهلي قلت له ارجع مو عشان وجهه الخاين وربي دوبي من أسبوع كنت عند أهلي ومالي أربعة أيام راجعة بيتي ولو رجعت عند أهلي راح يشكون ويعرفون أن في أن في الموضوع وأمي مريضة معد تتحمل مشاكل و أبوي دوبه مسوي عملية في رجلة كان عنده جلطة واﻻههم من هذا كله اختي ملكتها بعد أسبوعين وانا ما ابغى انكد عليهم فرحتهم واصﻻ كيف اقابل أهلي بسواد الوجه اللي مسويه زوجي ايش اقولهم مرررة مو عارفة أتصرف يعني في مية سبب وسبب خﻻني ارجع لكن وربي ماسامحته ذحين أنا ماني عارفة أتصرف هل افضحه وﻻ اسكت هل افضحه عند اخواته وأهله وﻻ اسكت محتارة ومقهورة واالجرح في قلبي لسى ماطاب قلبي مو راضي يسامحه ابدا أنا فكرت أوري الصور الفضيحة لاخته الكبيرة ﻻنها هي اللي زوجتنا خليها تشوف سوايا اخوها اما اخواته الباقين راح يتشمتون فيني ويقولون لي تستاهل هي اللي جابته لنفسها أعرفهم واعرف طبيعة ردهم قبل حتى مايتكلمون أو إني اسكت وبعد ماتتم ملكة أختي على خير أعلم أمي وازعل ومعد ارجع له مرررة كارهته وماني قادرة حتى أطل في وجهه أحس انه صار حاجة قذرة ساعدوني كيف اتصرف ....يالله آخر شي توقعته يازوجي تطلع خاين وغدار ومخادع حسبي الله عليك وعلى النجسة الوسخة الله يحرق قلبكم مثل ماحرقتوا قلبي ...

28 تعليق 5,096 مشاهدة

شاركي في النقاش

سجلي الدخول لإضافة تعليق.

التعليقات

27
  1. @aagzt_afhmk_1

    ياحياتي استهدي بلله الله يعينك ويساعدك الخيانة طعمها يقهررررر بشكل يخلي الوحدة ممكن تذبحح زوجها يس بنصحك نصيحة
    لوجه الله استري علزوجك شكله وان كان راعي خرابيط يحبك
    ﻻتقلبين هلحب لها ويرتاح لها
    خليه يرتاح لك انتي ستره وغطاه استريه لوجه واستودعيه الله
    وصدقيني ربي بريحك مع زوجك
    الله يصبر قلبك
  2. الله يكون في عونك ،بس هو الحين يحلف ويبرر على اي أساس انتي شايفه كل شي
    اقصد وش تبريره للموقف
    ولا يمكن هي الي سوت الصور وأرسلتها
  3. @asaab_lhthat

    نفس قصه اختي الله المستعان ع هرجال جابوو لنا المرض.......
    اختي زيك زوجها مو حق خرابيط وواثقه فيه جدااااا......
    بس في رمضان حست باحساس غريب وفتحت جواله الا هو مدردش مع وحده بلواتس من ديره ثانيه وكمان يشحن لها......
    اصدمت وشرشحته وكسرت الجوال حقه بس مراحت بيت اهلي لااااا قعدت ع قلبه في بيتها وطنشته حتي الفطور كانت ماتسوي له بس تسوي لها ولعيالها وقاعده بلغرفه ثانيه وفي العيد تراضوو ولا كانه شي صار ههههه صدق اننا غلبانات ومسكينات وباقي بلا جوال حتي هذي الحظه يعنني مسوي نفسه ولا همه من الجوال........
    وع دا كله ينكر نفس كلام زوجك انو بس كلام ودردشه ماسوا شي ثاني.......الله يصبرنا عليهم وبس
  4. @nany_22

    صاحبة الموضوع
    يابنات وربي مقهورة ومغبونة ما ابغى الموضوع يعدي مرور الكرام احس إني ابغى افضحه عشان كﻻ يعرفه على حقيقته بالذات اخواته اللي معتبرين اخوهم مﻻك شايفينه شي كبير هو باين انه خايف من الفضيحة وكل شوي يقلب في جوالي ويبغى يدور على الصور ﻻني نقلتها لجوالي ومحفوظة بمكان مايقدر يلاقيه أبدا عشان يكون عندي دليل ضده واصﻻ انا ماني عارفه أصدق وﻻاكذب مين منهم وكل واحد أكذب من الثاني هو يقولي هي سوت الصور أرسلتها بس واضح اللي يسوي شي من اللي مايسوي يعني تحسون كأنه كل واحد يرمي ع الثاني انا يابنات ابغى ينرد لي اعتباري وكرامتي أحس خﻻص اهتزت الثقة اللي بيني وبينه أصﻻ خﻻص معد اقدر أثق فيه أبدا وكل شوي بشك فيه هو دخلني في دائرة الشك
  5. @ansh_mnshn_obs

    لا تعطينه وجه خليه يبرر ويحلف وانتى طناش اقرصيه اما اللي تقول تقربي له عجيب الرجال يخون ونكافئه بالتقرب له
    صكيه باسبوعين طناش اقل شيء
    ولاتفضحينه الستر زين

تابعي تجارب أخرى من هذا القسم.