صاحبات الكراتين يدخلـون تكفـون اختي عروس ومحتاره

السلام عليكم
اختي زواجها قرب
وابي احط لها صبغه وكراتين
اول شي بحط لها صبغه وكم تقعد يوم بعد الصبغه علشان تحط الكراتين
تكفوووون ردو عليه

5 تعليق 949 مشاهدة

شاركي في النقاش

سجلي الدخول لإضافة تعليق.

التعليقات

5
  1. @raghadi

    ماني دكتورة ولاني خبيرة لكني مجربة
    صرلي يجي اكثر من ٥ سنوات استخدم كيراتين جربت كل الانواع خرررررراب
    انا اساسا شعري انحرق من انا صغيرة و البصيلات انعدمت فكنت احسب انه مو من الكيراتين لكن امي شعرها ناعم بس نافش وقالت بحط يهجده يمين بالله انه بعد شهرين صار واقف زي الاسلاك والشعر الجديد اللي ينبت زي النايلون زي شعور عرايس ابو ريالين
    اذا شعرها مو مرة مجعد لا تحط كيراتين نصيحة
  2. @mlak_sdyr

    الكراتين دمار الشعر صديقتي جاها ثعلبه منه واخت زوج اختي طاح نص شعرها منه
    اذا هي بتصبغ تخلط كاس سدر وعلبه زبادي وزيت سمسم وتحطها ع شعرها كل أسبوع مرتين اذا ماراح تصبغ تحط بدال السدر حنا الكل يمدحها نعومه كثافه توقف تساقط ولمعان للشعر
  3. @aseelo

    الكيراتين معروف انه ستخدم لتكسير روابط الشعر حتى يكسب الشعر لمعان ونعومة
    وبالنهاية يؤدي الى تساقط الشعر

    أنا انصح اي عروس تهتم بشعرها بدون ماتصبغ او تسوي كيراتين
    لان كلها شهر وتنزل الصبغة وتطلع الجذور ويخرب ويبهت اللون واكيد هي عروس راح تصير اول باول مستشورة شعرها او فاردته <<<باختصار كلها شهر شهرين راح ينعدم الشعر ويتقصف

    اذا حابة تنعميه طبيعيا استخدمي فنجان سمسم مطحون اخلطيه مع علبة زبادي ويوضع على الشعر مرتين في الاسبوع
    راح يتغذى الشعر ويطول وراح ينعم ويكسبه لمعه

    واذا حابه تصبغيه استخدمي الحنا مع الكاكاو والليمون وخل التفاح وزيت جوز هند
    <<هالخلطه تنقي فروة الراس بسبب الليمون وخل التفاح
    وتطوله وتقويه بسبب زيت جوزالهند اللي يساعد على زيادة تدفق الدم في فروة الراس وتوسع الشعيرات الدموية
    ويكسب نعومه بسبب خل التفاح اللذي يجعل الشعر لماعا ومنسابا
    والحنا تقوي الجذور وتكسبه لون ولكن مع خلط الكركم والكاكاو راح يفتح لونه
    ويترك على الشعر 4 ساعات اقل شيء


    بالله خلي اختك تعيد التفكير قبل ماتندم صدقيييييييييييييييني الكيراتين والصبغة تضر الشعر بشكل خيالي
  4. @mnar_alaanzyh

    الكيراتين حتی لو كان مضمون يعدم الشعر بعد فترة .. خذي سدر مطحون ونقعيه بقارورة ماء صحه وبعد ماتغسل شعرها تشطف شعرها الشطفه الاخيره فيه ينعم شعرها ويلمعه ومره ويكثر الشعر . عن تجربه 👍
  5. انا استغرب كلكم تسبو ؟؟؟؟؟
    انا لي اربع سنين سنويا اسويه والحمدالله 4 شهور ويرجع شعري لطبيعتو بالعكس احسو عالج لي شعري واسويه واصبغ كمان
    شكلكم بتعملو اللي فيه فرد
    انا صراحة اسوي اي شي تابع لديورا لانو ماعدم شعري الحمدالله
    خليكي على ماركة ديورا

تابعي تجارب أخرى من هذا القسم.