لا تسمعين للبنات تراهم لو يجيهم عريس ماتشرطوا مثل ما نصحوك فيه
ايش مؤخر وايش يبني بيت اتقوا الله وش هالطمع والله بنت الأجاويد ما تدخل بالطمع ولا تكون نيتها شفط الرجال انوي خير تلاقين الخير واصلاً حكاية المؤخر مو من عاداتنا ودخيلة علينا
حبيبتي
اهله البسي واكشخي وتزيني وخليك بأحسن مظهر وأحسن مجلس
حكاية تاخذين وتعطين وتتشرطين قدامهم اكبر غلط حتى لو قالوا ان اخوهم مرسلهم يبي يشوف شروطك
بالنسبة لاخواته :
البنات غيورات وبعضهم مو حكيمات والبعض ما يعرف يوصل المعلومة والبعض حاسدات والبعض متفهمات وحكيمات ولكن ما تدرين اي صنف هن منه
فانتبهي تتحاورين معاهم بشيء ما يخصهم مثل البيت المهر الخادمة الاثاث ايش دخلهم هم عشان تتكلمين معاهم
اذا قالوا فلان يبي يسوي ويبي يسوي قولي الاشياء هذي اتفاهم معاه او اهلك يتفاهمون معاه يعني سولفي معاهم بامور عامة ولا تجيبين شروطك حتى لو سألوك
ان تكلموابزوجاته لا تعطينهم وجه وغيري الموضوع وبصرامه اذا ما فهموا تكلمي وقولي انا ما يخصني زوجاته ولا ابي ابدأ حياتي بالغيبة غيروا الموضوع ابرك لنا
اخيراً اعتقد هو ارسلهم يبي يشوف اي نوع انت واي امرأة انت ويبي يفهم من اخواته ان كنت ذكيه او ساذجة او غيورة او طماعة او متسرعة يعني يبي معلومات عنك ويقارنك بزوجاته فخليك ذكية واسمعي منهم اكثر مما تتكلمين وخلي ابتسامتك طبيعية
اعطي رقمك له عن طريق والدك اذا متفهم او احد اخوانك العاقلين لا تعطينه لاخواته حتى لو طلبوه وخلي اهلك لمن يعطونه الرقم يبينون له ان الاحسن تتفاهمون قبل الملكة وترى هذا حلال وسمعته بفتاوي اذاعة القرآن على الا يتعدى الحديث عن المواضيع التي تخص بيتك وشروطك وطلباتك وتطلعاتك اما الخط الاحمر فلا تتجاوزينه الا بعد الملكة حيث تحلين له
بالنسبة لولدك شوفي ايش تبين وبيني له طلبك كيف راح يصير
الله يوفقك ويعوضك ويعوض طليقك بخير
مستجدات موضوع خطبتي من معدد
متابعة النقاش، صفحة 5