اكرمتها بدل ماتشكرني قاطعتني

كيفكم حوائيات

بصراحه متضايقه من بعض الناس تسوين فيها خير وتقلب عليك هالفئه والله ماحبهم

الحين عندي مبلغ من المال الحمدلله كبير شوي من ورثه حصلت عليه وقتها زميلتي اتصلت فيا وتتشكى بضروفها وانها تبكي ماعندها شي ووقت زواجات وماعندها مبلغ حتى للفستان >>>طبعا هيا ماتدري عن الورثه

انا كسرت خاطري والله من قلبي ساعدتها ومبسوطه لاني قدمت لمؤمن حاجه واتمنيت ربي يعطيني حسنات كثير وعلى الله مو شي كثير

هذا قبل ثلاث سنين الكلام..الحين انا فقرت يالله لك الحمد وراتب زوجي يالله يكفي بيتنا وهيا ربي رزقها وظيفه شايفين الدنيا ماتضل ع حال

قلت لها حبيبتي فلانه الحين مضغوطين وابي فلوسي لو جزء منها (تقريبا 16 الف) لان كان عندها كم ظرف عطيتها هذا المبلغ

المهم انها تتهرب والحين نهائيا ماتكلمني والمشكله انها مسافره هالاجازه مقضيتها وناسه وفلوس الناس كيفها


شرايكم بهالفئه من الناس يعني اقل شي تقدر وضعك وتشكرك لان انقذتينها مو تنكر وتقطع علاقتك فيها عشان طلبتن حقك

ويعلم الله بنات يمكن 4 مرات قلت لها ومتباعده المرات من ثلاث سنين

الحين وربي مظغوطين تعرفون الرواتب نزلت في رمضان وللحين جالسين نعد الايام عشان ينزل الراتب وياليته يكفي اول ماينزل طار لان كل شي ينتظر الراتب

من مرت بهالموقف بنات وكيف تصرفتون

70 تعليق 13,450 مشاهدة

شاركي في النقاش

سجلي الدخول لإضافة تعليق.

التعليقات

68
  1. @um_ys

    لا حول ولا قوه الا بالله
    اعوذبالله من هالزمن خيرا تعمل شرا تلقى
    الله يعينك
  2. @alsaaydh_n

    حاليا ظروفي تشبه ظروفك وكمان كان في وقت السعه من كم سنه اعطيت واعطيت واعطيت
    ولا شفت شي الا بالعكس توظفو واغتنو ولا عندهم خبري

    صح في خاطري انقهر انه حتى اعتذار ما جاني لكن ارجع واقول مسموحين ومحللتهم دنيا وأخره

    والله يعوضنا ويرزقنا من خيري الدنيا والاخره
  3. الناس من هذا النوع ما تجيبها غير العين الحمرا لما ترجع من السفر
    روحي لها بيتها قولي لها عندك ثلاث اام في ايدك تجهزي المبلغ
    والا راح تشوفي مني اللي عمرك ما شفتيه قال صاحبة قال
    هي ما استحت و انتي تستحين تاخذي حقك و انتي تمري في ظروف صعبه
    لا والله اطالعهم من عيونها
  4. @nsm_hoaaa_83

    خليك وراها واطلبي حقك واطلبيها في وقت الراتب عشان مايكون عندها عذر
    واذا الحرمه مقفيه كلمي زوجها واخذي حقك .

تابعي تجارب أخرى من هذا القسم.