شاركي في النقاش

سجلي الدخول لإضافة تعليق.

التعليقات

68
  1. @am_ord_alord

    عزيزتي حدي الله يرحمه كان عنده خير ودايم يسلف الناس وما ياخذ إثباتات المهم يوم طاح وطالب الناس بفلوسه الكل أنكر الله يرحمه
  2. @never_broken

    انا مريت بموقف مقارب لكن اصعب بعد

    دخلت في جمعية مع صديقتي الروح بالروح و كانت محتاجة يزيد عدد المساهمات بالجمعية عشان توصل للمبلغ الي محتاجته و فعلا ما قصرت معاها جبت تقريبا اربع من معارفي و انا معاهم الخامسة و الاشهر الاولى كلها هي استلمتها و الي من طرفها و لما جا دوري انا و الي معي صارت تتاخر بالاشهر ما تدفع بالاول كنت اصبر عليها في الاخير ما قدرت اصبر و المشكلة لو كانت فلوسي انا بس معليش المشكلة انها حقوق ناس و بوجهي بالاول كنت استحي منها و اكلمها باللين و ف الاخير فقدت اعصابي معها قلت لها خلاص لا تعطيني فلوسي خذيها و فوضت ربي فيها لكن اعطيني فلوس الناس و احتديت معاها لحد ما خلصنا الجمعية و منها حرمت الجمعيات

    بس سبحان الله انصدمت فيها و الي يضحك انها هي الي زعلت و قطعت علاقتها فيني لاني طالبت بحقي لكن ما اقول الا الدرب الي ما يرد و انتي يا اختي خلك وراها لحد ما تاخذي حقك كامل
  3. @ana_nsf_alkmr

    ياليت البعض يقرا الكلام زين والردود قبل يردون والي بيدخل يعطي حل ولا يتوكل على الله ومايتفسلف البنت تبي فلوسها وانتم تقولون هديه وسلف وآية الدين والله لو انه وحده منكم تبي فلوسها كان طارت ولا وقعت ،، هي عطت وسوت معروف سواء صدقه او هديه اودين من باب الادب ورد الجميل شوفوه....
    بالنسبه لصاحبة الموضوع انا نفس حالتك كنت اعطي واعطي لدرجة حافز كله عطيته وحده من خواتي وكنت اشتريلها ملابس العيد ومصروف عيالها وملابس لهم للعيد مع اني كنت عازبه وماعندي وظيفه وهي متزوجه بس ظروفهم صعبه وكنت اعطيها وربي من مصرروفي وما اعد الي اعطيها اياه واغناها ربي وتوظفت احسن وظيفه وانا حاليا تزوجت وظروفي الماديه صعببه ووربي اطلع معها المول مافي جيبي ريال ولاعمرها مدت لي وهي عارفه ظروفي تجيني لبيتي واجيب الي اقدر عليه عشانهاا واضغط ع نفسي وهي تجيب علبة الجبن عشان ياكلون واذا جت تمشي تاخذه معهاا هذي اختي من امي وابووي فمابالك النااس !!!!!! والحين كل اللي عطيتهم ماردوالي ربع معروفي فيهم !!!! الله يعين ويغنينا بحلاله عن حرامه وبفضله عن من سواه






    اللهم اني استودعتك زوجي سمعه وقلبه وبصره وشفتاه ولسانه وفرجه وجسمه وعقله يامن لاتضيع ودائعه ❤️اللهم بلغني رؤية جنيني سالماً معافى كامل الخلق والخلقه ❤️

تابعي تجارب أخرى من هذا القسم.