لديّ جلد تمساح في يدي

الله يحفظك ويحفظ اهلك من كل شر ، جد وعويتوني :( وانا تو عمري 17 :( الله يرضى عليكم

خيتو لازم تزورين دكتور جلدية
يمكن اكزيميا أو حساسية
وبنفس الوقت أدهني زيت زيتون مقري عليه الرقية الشرعية
و ربي يشفيكي ويعافيكي

حبيبتي الله يشفيك ويعافيك يارب ولا عليك من أي حد خليك واثقه بنفسك،وبأذن الله ربي بيفرجها عليك قريب،بس سوي اللي قالوا عليه الأخوات وأن شاء الله بترجعي نفس قبل وأحسن.

عليكي بالرقية والدعاء وسهام الليل لاتخطئ وتصدقي

الله يشفيك ياحبيبتي وماتشوفين شر وانا انصحك  نصيحه من كل قلبي لاتركضين وراء الاعراض وتبحثين عن ايش تدل لانها بتضيع وقتك وتشتتك انتي ماعليك الا تتعالجين وربنا سبحانه ما انزل القران الا شفاء ورحمه ..

وبقولك شي الجسم يدخل فيه عارض يعني شيطان من الجن بسبب عين او امس او سحر او حسد وممكن يكون الجسم فيه اكثر من عارض فعشان كذا قلتلك مع العلاج بالقران لاتشغلين نفسك مع الاعراض  لانها مابتخليك تركزين على نفسك..

واللحين بقولك بالعلاج  اللي ماعرفته الا بعد سنين ومحد نصحني يوم كنت اتعذب وانا ابي اساعدك لوجه الله ..

اولا التحصين 'حصني نفسك بالاذكار اذكار الصباح والمساء وعند النوم واذكار دخول المنزل والخلاء يعني الحمام والتسميه عند اللبس والاكل وفي كل شي والتيامن بكل شي يعني تبدأين باليمين لان هذي ثغرات للشياطين تقدر تخترقك من خلالها ولازم تسديها بذكر الله  وفيه تطبيق بالايفون والجالكسي اسمه زاد المسلم فيه كل شي مكتوب 

ثانيا الرقيه الشرعيه 'من الكتاب والسنه موجوده بالتطبيق اللي ذكرته تقريها مع اذكار الصباح والمساء وعند النوم ولازم وضروري انك تقري اذكار الصباح قبل الشروق واذكارالمساء قبل الغروب ..

ثالثا تجيبين زيت زيتون 'اصلي وعسل اصلي وماء  ويفضل ماء زمزم  وتقرين عليهم الرقيه الشرعيه وسورة البقره مع النفث وهذي راح تكفيك اسبوعين تقريبا والماء خليه بعلبه كبيره عشان يكفيك

رابعا الماء' تجيبي من العلب الكبيره الزرقاء وتقرين عليه الرقيه عشان بيكفيك اشربي منه كل صباح على الريق وعلى معده فاضيه بأعداد فرديه 3/5/7  لين ماتشبعين وتحسين ان المويه بتطلع من ضلوعك وهذي اسمها طريقة التضلع وهي من السُنه  النبويه

خامسا الزيت اللي قريتي فيه تدهنين فيه كل جسمك عند النوم ..

سادسا تقرين سورة البقره اخر الليل في ركعتين ولو انتي من النوع اللي مايتحمل الوقفه صليها وانتي جالسه وكلها خمسين صفحه قسميها نصين لكل ركعه 

سابعا عند النوم تاكلين ملعقه عسل ومعها حبة البركه 

ثامنا بعد ماتقرين الرقيه واذكار النوم وتاكلين ملعقه عسل خلي جوالك شغال على الرقيه الشرعيه وتحصلين باليوتيوب مقاطع الرقيه فيها (تكرار ايه الكرسي/الاذان/الرقيه الشرعيه /البقره )

تاسعا كل جمعه اتروشي واخر شي اشطفي جسمك  بصحن فيه سدر وملح ومويه من الحنفيه بحري وزيدي عليه من الماء المقري واسم الملح عند العطار(صخري-بحري-انجليزي)

عاشرا لازم تحصنين البيت تشيلين كل الصور والتماثيل   وتخلين البقره شغاله  ماتطول عن ثلاث ايام وجيبي ماء فيه بخاخ واقري عليه ايات مخصصه لتحصين البيت تحصليها بقوقل ورشيها في زوايا الغرف وعند عتبت الباب الاماميه .. 


واخيرا التزمي بالبرنامج وانتبهي تنقضين تحصينك باللبس العاري والاغاني والنظره الحرام  وبعد هالبرنامج باسبوع راح تلاحظين خروج للعارض على شكل دمامل او كدمات او غيرها من الاعراض بس انتي استمري لان الجسم يجوز فيه اكثر من عارض من عيون كثيره وقديمه او اكثر من خادم للسحر او الحسد وباذن الله بتشوفين تغير بيدك والله يشفيك ويردلك جمالك ..