شاركي في النقاش

سجلي الدخول لإضافة تعليق.

التعليقات

1,327
  1. بونجورات بنات......

    ريما كيفك و طمنينا راحت حالة الاكتئاب الله يبعدها عننا كلنا أنا من أسبوع قررت بعد هالحالة و انبسط شوي....
    الله يصبرك عالغربة ... و يرزقك بابن الحلال اللي يستاهلك .... و إن شاء الله بكون نفسه عالسريع...
    اذا ما فيها حشرية شو بتشتغلي؟؟؟ بأي امارة ساكنة و اديه عمرك؟؟
    و اديه صرلك بالامارات؟؟؟ تحقيق مو ؟؟؟ اذا ادايقتي لا تجاوبي ...... عادي ....
    بس انا قلت نتعرف عليك منيح......
    و الله يطلعك من حالة الاكتئاب.......

    نور الدرب كيفك و كيف الحمل ...؟؟؟ الله يقومك بالسلامة ....
    سما كيفك ان شاء الله بالسلامة انا متلك مسافرة الخميس .... بس انت من وين يعني وين عايشة؟؟؟ و نسيت حمام الهنا....
    و ملاكة متلك مسافرة الاربعاء يمكن ... يلا الله ييسرلكم و يوصلكم بالسلامة .... بس شو ملاكة كل اخواتك صغار ماشاء الله الله يسلمهم ...معناتها انت مو كتير كبيرة .....
    و إن شاء الله متل ما قالت لك نور بترجعي و الله بيرزقك بالحمل و كلنا معك .... طبعا اللي بده ....


    عاشقة كيفك؟؟؟ عن جد و الله لازم تجيبي لبنتك اخت او اخ .... شكلها كتير دلوعة و مدللة .... بس انا بحب البنت تكون دلوعة أبوها ..... الله يسلمها .... و
    عم تسأليني شو مشاريعي .... و الله انت ادرى متل ما قلتي ما في غير المراكز و الله داق خلقنا بس هلأ عم جيب كم غرض بقيانين عليي قبل ما انزل عالشام إن شاء الله .....

    شام كيفك؟؟؟ يسلموا عالصورة الحلوة ... كتير حلوة ....
    و مشان الجمعيات الي رجعة بكتب لك و اذا قدرت بجيب لك مواقع .... بركي حتى انزل عالشام ... لأنه هلأ مشغولة شوي قبل السفر....

    بطة كيفك ... و إن شاء الله انت كمان تكون راحت حالة الاكتئاب منك .....

    و ساجدة وين غايبة ...؟؟ و آية كمان .....اشتقنا لمشاركاتكم ....
    و حلا وينها كمان ... شو سافرت؟؟؟
  2. @aaashk_alhb

    zanzoon
    بونجورات بنات...... ريما كيفك و طمنينا راحت حالة الاكتئاب الله يبعدها عننا كلنا أنا من أسبوع قررت بعد هالحالة و انبسط شوي.... الله يصبرك عالغربة ... و يرزقك بابن الحلال اللي يستاهلك .... و إن شاء الله بكون نفسه عالسريع... اذا ما فيها حشري…
    زنزون

    اي والله داق خلقنا من هالمراكز قولي انتو عندكن بالشارقة كذا مول
    بس بأبو ظبي مافي غير اتنين الله لايذل عزيز

    الله ييسر لك يارب هالسفرة
    ومعك حق البنت دائما بتكون دلوعة أبوها بس انا ماعندي مزح يعني ماكل شي بدها ياه بسوييه
    الا اذا شكتني للسلطات العليا (أبوها )

    وبدي اسالكن بنات صحيح انو أجلوا المدارس بسوريا لأول شهر 10 مشان النازحين اللبنانيين
    الله يفرجها عليهم لانهم قاعدين بالمدارس لهيك أجلوا المدارس
    سمعتوا شي بهالخبرية ؟؟؟؟؟؟؟؟

    حلا الشام مابقى طلت علينا ان شاء الله تكون بخير
  3. @bth151

    تامو ماعد طلت علينا

    وبالنسبه للانفجار بعيد كتير عنا نحنا تقريبا بغرب تركيا
    وحالة الاكتئاب حدث ولا حرج عم اشتغل من دون نفس واللي بقلبي ماحدا بيعرف فيه غير الله بس ماعم بين هالشي لزوجي خطي خلقه نحفان من بعدي عنه روح زيد الطين بله عليه
    بالعكس ايمت ما شافني لابستله ومتمكيجه وريحة العطر فايحه بالبيت

    ااااااااااااااااااه الله يلهمني الصبر
  4. @ay_2006

    مرحبا يا صبايا شو اخباركم انا والله هل كم يوم تعبانة شوي لذلك ما عم فوت ..............عم حس كانو شي عم يلمع علي متل الاسنان ببطني لذلك عم حاول ريح حالي
  5. @aaashk_alhb

    سلامتك اية ريحي وخدي وقتك المنتدى مو هربان
    الله يقومك بخير وسلامة

    بطة
    اي الحمد لله انو الانفجار بعيد عنكن
    والله معاكي حق حتى لو نحن متضايقين منحاول مانظهر هالشي لازواجنا
    أحسن مايطفشوا مننا
    والله يعيننا

تابعي تجارب أخرى من هذا القسم.