خساره العمر اللي مضى ، تجربتي القاسيه وافاقه وعي لكل فتاه بحياتها شاب// اكتفى بالردود

رجاء يا مشرفات لا تنقلون موضوعي لقسم ثاني خلوا البنات تستفيد والغافله اللي كانت مثلي تصحاا

السلام عليكم أول شي هذي مهي عضويتي بالمنتدى هي عضويه لصديقه لي بدش بالسالفه على طول انا بنت عمرها الحين 24 سنه تعرفت على رجل متزوج وقت كان عمري 17 سنه و هو أكبر مني ب 20 سنه دامت علاقتنا 8 سنوات ادري انه خطأ وحرام وبتاكلوني بقشوري لكن انا بعد اعترف اني اعجبت فيه وايد وهو من صاحب الطبقات العلياء اللي اهي الامراء وتحت مهو امير لكنه رجل اعمال معروف بمجتمعنا وهذا الشي بعد جذبني وما قصر علي قاصر طول السنوات الماضيه بدايه علاقتنا كانت عاديه حب فقط واعجاب وكنت مراهقه كان اجمل رجل بعيوني ونسيت زوجته ونسيت عياله وما قدرت ابعد عنه وشفت الويل من كثر ما حبيته واللي عجبني فيه عمره ما ذم زوجته ابد ولا قال شي عنها وهذا اللي خلاني ما اخاف على نفسي منه وقلت فيه خير لزوجته معناه ما ينخاف منه اعذروني بالكلام صارت بينا على مدى هالسنوات علاقه تامه لكن ما فقدت فيها بكارتي وعشت اجمل ايام حياتي وبكل مره ارجع فيها كنت اموت من الصياح خجل من ربي اللي سترني ومن ثقه اهلي لي وهو بعد كان يقول انا اتعب وقت نرجع ومرت هالسنين وهو عايش حياته ومدلل زوجته وعياله وما شاء الله جاب 3 عيال ب هالسنين وانا كان يجيني معاريس مره مناسبين لي بس ما كنت قادره اوافق كان دايم شي يمنعني خلاص في رجل احبه ومهو مقصر علي بشي ليش ادخل حد ثاني بحياتي وانا ابيه واليوم قالي خلاص لازم نفترق ضميري مره عورني عليك وخايف تضيع فرصه حياتك بالزواج ، هو مستحيل كان يتزوجني بعذر ما اقدر اوفق بين بيتين في بيت رح ينظلم ولا بقدر اعدل ، ما تتخيلوا وش قد حسيت اني انسانه رخيصه وش قد حسيت اني غبيه ضيعت عمري مع انسان ما يستاهل وانا جميله الحمدلله كجسم ووجه والف واحد يتمنا اكون له واللي قاهرني اني باقي احبه ولو يحط الشمس بيدي والقمر بيدي الثانيه ما ابيه يرجع لحياتي مره انجرحت منه ، والله يا بنات العلاقات المحرمه هي سبب ضيقنا وقهرنا خاصه لو كان متزوج الغيره تموت الله يستر علي وعليكم ودعواتكم لي بالستر واني ما اضعف بأي لحظه وارجع له ابد ،، والله ابريء ذمتي من ان اي بنت ممكن تنحرف من الموضوع بالعكس بتشوف الويل وبتموت قهر كل ليله وبالاخر بيرخص فيها ويقوم ضميره ويتذكر سالفه ضميره وماني راده على اي رد همجي اللي فيني يكفيني
وهالموضوع لكل بنت في حياتها علاقه محرمه وانا الحمدلله تبت لربي بس قلبي يعورني والله يصبرني على هالحب والذكريات وينسيني ويغفر لي وله ، تتوقعون بعيش حياه طبيعيه ولا بكون ضحيه حب


سألتكم بالله ما تدعون لا علي ولا عليه