جوال زوجك

امي عشان جوالها فاتوره كلن يفتحه وانا عن نفسي افتحه لحاجه وما أحب اتفرج عالمحادثات

وبعدين هي سامحه لنا

واختي الحمد لله ضامنين تربيها و نعرف وش تتابع وبيننا تفاهم و مصارحه ما أحس اني لازم افتح

جوالها عشان أعرف وش تفكر فيه

انا مو معاك صح واثقين ببعض بس جوال زوجي مرمي عندي عمري مافتحته خلاص اذا بيسوي شي غلط ربي فوق مو بزر اراقبه
بس انه يفتح جوالي ويقرا سوالفي ليش مو واثق فيني اجل ليش يقرا ويدخل على الصور
طيب مرات وحده من صحباتي كلمتني بموضوع خاص يخصها عادي يقراه؟؟! واكون وقتها ناسيه امسح المحادثه اش الدوامه والقلق هذا


سبحان الله وبحمده سبحان الله العظيم❤️

لابد من الخصوصية في كل شي مو بس الجوال ولا كان ماله لازم نعيش في بيوت مستورين تخيلو معاي لو مافي خصوصية كل شي مكشوف للناس والصغيرة والكبيرة يعرفوها بالعكس افضل وجود خصوصية حتى الزوجين في بينهم حدود

انا اشوف عادي يفتح جوالي او يرد الحمدلله لي عشر سنين مافي اسرار بيننا وهو بالمثل اذا جواله مغغلق شحنه اعطيه جوالي عادي وهو كذالك التفاهم اساس الحياه ماهي مساأله اسرار والحمدلله ماعندي صديقات كثيييير عندي كم وحده من صديقاتي اخواتي بس يراسلوني ماعمره سالني عن حاجه بجوالي كل وحده ادرى بزوجها والرجال لو بغا يتزوج ترى مو ضروري يكون الجوال سبب انه يطالع بنات او يسمع صوت بنت خواتي زوجي يعتبرهم مثل خواته كلهم متزوجات والحمدلله وهم كذلك لو رد عليهم حتى لو وحده اتصلت فيني من صديقاتي تطلبه بكل ادب يقلها مشغوله او نايمه زمان عندنا تلفونات ثابته وين المشكله الان اللي تقول يسمع صوت صديقتك ويعجب فيه وزمان طيب لمن الواحد يتصل على التلفون الثابت وتطلب الام او الاخت ليش ماقلنا ه الكلام عجيب امركم يابنات حواء ارجع واقول الرجال يختلفون عن بعض انا زوجي حمدلله ماله بذي السوالف اذا جته رساله من اصحابه ع الواتس عادي يقلي شوفي انا اشوف الموضوع على حسب الزوجين كيف اذا عندهم قابليه لهالشي او لا اذا فيها مشاكل كل واحد لايطالع جوال الثاني وبس

حبيت اشاركم الري انا زوجي مايحبني امسك جواله ابد وحاط فيه رقم سري ماعرفه ويرفض اذا قلت له افتح جوالك بتفرج عليه وجوالي عادي احيانا يكون مع عيالي ويتفرج عليه واخذ الجوال منه اقوله انت ماترضي امسك جوالك خلاص جوالي لاتمسكه. واستودعه الله من الشيطان واذا سالته انت تكلم يحلف انه مايكلم لكن والله مواثقه فيه ودي اخذ جواله وافتحه بشوف بس وش فيه احيانا اجي علي نومته والجوال بيده وهو دوخان وتعبان ولما اخذ الجوال بهدو يقمز من نوم والله اني بداخلي منغثه لكن وش اسوي اخرب بيتي عشان سوالفه اول مسكته لقيت انه يكلم وتهاوش معه وزعلت ورحت لاهلي وحلف وطلق انه مايعوده وانه نزوت شيطان الله يهديه هالحين لي شهرين وانا عند اهلي وبيجينا وكيف اشوف جواله ردو علي جزاكن خير