اه يابنات انتبهوا احد يطلب الطلاق

الله يعوضك حبيبتي باللي أحسن منه

ايش هالنصيحه!!!

يعني تعيش الوحده مع مدمن يمكن يذبحها بااي وقت والا يذبح واحد من عيالها افضل من الطلاق!!!

ي اختي خلي نصيحتكك لككك لانها ترفع الضغط

وش تبين بالسفر وحياة الرفاهيه مع زوج مدمن شكاك! الواحد اهم شي عنده الراحه

انا نفسك ياقلبي لمن كنت مع زوجي المدمن كان يسفرني اوروبا وماخلا مكان ماوداني ياه من تمشيات وطلعات وكل يوم مطعم بس وش الفايده وهو يطقني ويشك فيني ومعذبني والله اهم شي راحتي مابي لاسفرات ولا طلعات ابي الراااااااحه

مرات الطلاق هو الحل وليه مااتطلق! عشان الناس ! وش دخلني بالناس وش بينفعوني فيه وش بيساعدوني فيه !

اخر همي الناس

الناس تتكلم بالمتزوجات مو شرط بالمطلقات

عيشي حياتك وانبسطي مع عيالك وخلي الناس اخر همك

الله يعوضك خير

ياعمري ماحد حاس فيك كثري 
انا زوجي يتعاطى الكبتاجون وأثر عليه صار مره عصبي وعند اتفه امر يمد يده وكأن عقله راح مايفهم ابد تقولين ثور قال احلبه
وترى الي مثلهم يمسك غلط على شي مثلا يشك بزوجته او يشك باللي حواليه وانا كل ماتذكر كيف مبهذلني بشكه في الناس اكره عيشتي معه كل الناس بنظره يسحرونا ويحسدونا لين وصلت معه بيحبسني عن اهلي بحجه وحده تحط لي سحر عند بابهم وراتبه يطير في الحبوب بس كان رومانسي كثير جدا جدا ولاينام الا هو حاضني وكان لي بيت مستقل وكنت اسافر واجي معه يمكن هذا الي يخلي اي وحده تطلق تحن لزوجها حتى لوالزوج مافيه خير
بس لاتندمين لأن حالته تزيد سوء مع الايام 
اما بالنسبه لحياتك الان فأنتي بيدك تضبطينها والله اني صادقه وجربي كلامي
اول شي خلي عندك ثقه بنفسك انك اميرة وانسانه كل شي فيك حلو بس هذا نصيبك وقدرك مع واحد مريض
ولاتفكرين ابد في كلام الناس ترى الناس نسووووو طلاقك ولاعاد طريتي عليهم بس انتي تظنين ان الناس تنظر لك بنظره غير عن المتزوجه 
الحين يوم وحده تطلق والله نقابلها بالمناسبات حالها حال اي وحده ماعمرنا قلنا ايه هذي المطلقه او ناظرنا فيها بنظره غير
الا اذا وحده سواء مطلقه او غيرها تناظر تحت وماتحط عينها بعين الناس كأن فيها عيب او بلاء
لاتخلين نظرتك نظرة انكسار وضعف خليك عاديه واضحكي وفرفشي واكشخي حتى في بيتكم عند امك اهتمي بنفسك اهتمي في بشرتك وشعرك والله بتحسين بسعاده واعزمي خواتك وخلي جو البيت حلو بوجودك وقبل كل هذا قوي علاقتك بربك وبري في امك حافظي على اذكارك والوتر والضحى وبتشوفين كل خير
ولاتحبسين نفسك ابد ابد اطلعي انتي وامك وعيالك جهزي قهوة اخذي حلا انبسطوا روحوا حديقه او روحي انتي وعيالك مجمع خليهم يلعبون في الألعاب وتعشوا والله طلعه وحده تغير نفسيتك كثيررررررر
والضمان اكيد سجلتي فيه ترى تقدرين تدرسين جامعة على حسابهم اقصد تعليم عن بعد وكثير مسجلين فيها والله اني اشوف حريم كبااااار يدرسون معنا بالجامعه وتقدرين تدرسين على حساب الضمان دبلوم ادرسي اي شي ترى السنين تمر وتحتاجين الوظيفه