.ღ.ღ ..قصر الأميـرات .. .ღ.ღ سأرتـقـي بروحـي وحياتي..(الجزء الثاني).ღ.ღ/ لايوجد تفاعل

يسعد مساكن صبايا
شو الاخبار والاحوال
اعتذر عن غيابي لظروف صحية والحمد لله على كل حال


منمن ماشاء الله عليك نشيطة حلو تعلمي ولدك وتعيشي معاه لحظة بلحظة صح تعب لكن راح تحسي بثمرتها ان شاء الله
الله يجعله ولد بار بك
جدولك حلو زيك ماشاء الله


شوشو فديتك انتي الاميرة المواظبة ذكرتيني بالطالبة المجتهدة اللي ع الطاولة والجدايل ههههه


الماسة حبيبتي سلامتك من التعب الله يبعد عنك الهم والكدر
فترة وتعدي ياغالية
المشاكل الباطنية اذا الامر متعب روحي لدكتور واتطمني على نفسك
تعرفي انا اعاني من معدتي واخذ علاجات الدكتور مايبغى يستعجل اعمل منظار اذا الامر استمر عندي
وعندي أسبوعين واشوف وضعي بعدها الله يعين
ماخلصت من معدتي الا وضرسي قام علي مادري ايش فيهم اضراب علي ماسويت شي ههههههههه
ياقلبي انتي تنشطي وتحمسي وابدي شوية شوية وان شاء الله ترجعي احسن من اول
كل شي بالتدريج
الله يشرح صدرك ويسعد قلبك


جدولي
الديني القيام والضحى والاذكار
الرقية الاغتسال بماء مقري والزيت والماء
الصحي تمر بعد الفجر مع ماء زمزم
وعلى الريق كوب ماء
أحاول اكثر ماء
والافطار سندويتش جبنة وشاي
والعصر سناك فواكه عنب ونص مانجا
الوجبة سمك مع طماطم وفطيرة وسلطة
سناك شاي اخضر ومعمول بر بالتمر
الرياضة ماسويت بس اليوم تنظيف بالبيت
وان شاء الله ابدا الجد بعد ماخلصت المحروسة
الجمالي شاور وترطيب وحمام كريم الشعر وتنظيف من الشعر
الثقافي تفسير القران


اميرات يلا صحصحوا بلاش كسل

روح التوت ان شاءالله يااختي برجع حبه حبه وربي يعيني وييسر لي
اليوم زيت شعري وتحممت ورطبته بعد الاستحمام وسويت تقشير لرجولي وشربت ماء
والديني صليت بوقتها والضحى الحمدلله وقريت اذكار الصباح والمساء وراح اقرا ان شاءالله مايتيسر لي من القران
الثقافي مسنتررره على تويتر واستفيد خصوصا من تغريدات التفاوليه

ويارب اكتب لي تغيرا للافضل في نفسي وحالي ومالي

عندك تطبيق في المتجر اسمه المكتبة الجامعة رووووعة فيها كل الكتب اللي تبغينها .. وان شاء الله افدتك .. كل الكتب اللي بالفلوس في المكتبات مجانية فذي المكتبة والله يوفقك

السلام عليكم
أبدأ بيومي المتواضع:biggrin:كالمعتاد:
.قراءة الكهف+الدعاء عصر الجمعة+مهامي اللي بذكرلكم اياها كل يوم<< :unhappy:الرحمة ههههه
طبعا أنا حاطة عندي بتلفوني موعد بداية كل مهمة عشان احسب الايام واشوف هل يباله استمرار او لا؟؟ يعني مثلا ولدي ابتديت تعليمه عالحمام من 12 يوم وماشاء الله تبارك الله الحين صاير هو يقولي ابا الحمام وما يبلل ابدا الحمد لله ووديته رحلتين خارج المنزل نجس النبض والحمد لله نظيف سواها بالحمام،فلذلك تقريبا قاربنا على انهاء المهمة المأساوية:eek:لكن ماعرف متى انتقل لهدف ثاني،فقررت وضع مدة محدد للمهام اللي مالها وقت محدد والمدة هي (21يوم)صح انه وايد:unsure:لكن هذي المدة اللي أغلب علماءالنفس وادارة الوقت حددوها لاكتساب عادة جديدة أو ترك عادة سيئة .
الشيء المفرح اني خلصت أول مهمة وهي الصيام طبعا صمت القضاء فقط لان علي 9 ايام وماحسبت حساب للدورة الشهرية:angry2:بتيجيني خلال هالكم يوم وبعدني ما بديت بصيام الست من شوال ،المهم الحمد لله اني خلصت القضاء لاني كنت حاملة همه ومابا أأجله.
المهمة الجديدة اللي أضفتها للمهام الثلاث الباقية هي(النوم مبكرا،لعيالي:الساعة 11 م،وأنا:2ص بس في الليل هههه تعقيد)طبعا اكيد تقولون هذا النوم المبكر الحين!!:blink:
هو مبدئيا حلو لان نظامنا فوق تحت من العيد،فانا انام الفجر وصعب انام بدري فجأة فبالتدريج وعيالي حلو لهم بما انهم صغار وماعندهم مدارس وينامون متاخر جدا فهاوقت مناسب كبداية،كنت أنوي أدخل أبونا (زوجي ):dry:وأرتب نومه معنا لكن أكيد بيحسب اني اتحكم فيه وبيقولي ليش انا اصغر عيالك!!


الحين نجي لردود الغاليات..




شيفون..(خبره من الحياة كل ماخشعتي بطاعاتك سواء صلاه ذكر قران تلقين شخصيتك تتغير ومع الايام تحسين انك شخصيه مبدعه)........
كلامك صحيح مية بالمية والتجربة خير برهان،أتذكر فمراهقتي كنت دايما احب اقوم بالليل اصلي واتعبد وادعي بخشوع وابكي من قلبي كنت احس بحلاوة الايمان وأحس ان الله معي في كل اموري،فعشان كذا كانت اخلاقي عالية والكل يحبني ولأني كنت أنوي كل عمل لله حتى لو دنيوي فتلقيني أسوي الخير للناس وأحاول أكون مميزة ..بس الله يرحم ذيك :icon36:الايام تغيرت اخلاقي وصفاتي الحلوة بسبب ضعف الايمان،وصرت عصبية ونكدية بالذات مع زوجي اول ما يطب البيت لو فرحان انكد عليه ما احب اشوفه فرحان:30:ههههه


(الألماسة الفريدة)حياك الله حبيبتي،شفاك الله وعافاك،ارقي نفسك وادعي الله يشفيك،وطبعا خذي العلاجات اللي وصفها لك الطبيب،ان شاء الله تعودين بهمه قوية ..


(توتة) وحشتينا يا أبلة:biggrinloوالحمد لله على سلامتك،لو ما قلتي انك مريضة كنت مجهزة الخيزرانة بجلدك بها:024: هههههه انتقاما لذاتي ياما اكلتي التماسيح من لحمي:frown:
يلا نبا همة يابنات...

السلام عليكم
اريد الانضمام لقصر الأميرات 🌹
سوال لازم نفس الجدول :slider: ولا ملخص اليوم فقط .