اااااه حيلي منهد تعبت انتم مثلي ولالا

ببدأ بالموضوع على طول 
انا  من اصحى من النوم الى ان انام وانا اكرف اكرف اكرف
الغساله يوميا تشتغل وغسالة المواعين 4مرات باليوم اغسل فيها 
والمكنسه الكهرباء موقفتها بالصاله كل ساعتين اكنس 
البيت هد حيلي خلاص والمشكله الشغل العميق مرره ما اقدر اسويه 
يادوب الحق على الكوي والكنس والغسيل 
يااااااا ناس تعبببببت عيالي بسم الله عليهم بس يتحركون ويوسخون ملابسهم بالدقيقه وكل واحد يشرب بكوب مويه  والاككل لازم عند التلفزيون وزوجي الله يصلحه مثلهم ما ياكل الا قدام التلفزيون واغراضهم ما يرفعونها من الارض غير اوراق زوجي اللي مكركبه غرفة النوم في كل درج مجموعه وبالمجلس مجموعه وبالمخزن مجموعه ما يرضى ارتب ولا المسهم 
انا احس فقدت السيطره مو عايشه مثل الناس اكرف وكرفي بدون بركة ما يبين وش اسوي على هالحاله بدمر نفسي
عيالي خمسه ماشاء الله وكلهم تحت 8سنوات
وشغاله ما اقدر اجيب زوجي يعصب عليهن وييطردهن كم مره يفشلني معهن
يا ينات قسم بالله ماعاد ابغى اشوف وجه زوجي بالبيت 
كل ما شفته ودي اقتل نفسي
ما عندي وقت البس ولا حتى امشط شعري وقتي كله مع هالبرزارينن نفسي ما يرجع البيت يقعد برا  كلمه حلوة اخر الليل مقدر اقوله  صوتي يكون رايح من صراخي على عيالي 
جتني نفسيه تعبت من الشغل والله انا بشر مو مكينه 
ساعدوني بيتي مررررره كبير وكل الغرف فاتحة 
اليوم تركت كل شئ وجلست لحالي بغرفه ذبحني البكي ما سويت  ولا شئ