صديق زوجي قارفني بعيشتي!!!

السلام عليكم
زوجي له صديق اكبر منه بالسن
ولد اغنياء
وزوجته دكتوره بالجامعه
واهله متعودين كل سنه يسافرون اوربا
لكن وضعه الاسري متفكك
يعني مافي انسجام مع زوجته
وزوجته دايما تسافر برا بدونه
ولا يهتم بأولاده ولا يتابعهم



وزوجي ولد ناس على قدهم واموره بسيطه
بس منبهر دايما بصديقه
ويحس ان كل شي يقوله صديقه صح
احيانا اقول زوجي يحس بالنقص قدام صديقه
بعدين اطنش واقول بكيفهم
مع اني ملاحظه زوجي يحاول يقلد ديكور بيت صديقه
ويحب يروح اي مطعم يمدحه صديقه
ويحب يشتري اي شي يمدحه صديقه


لكن اللي قهرني ان لؤم صديقه بيخرب حياتي
لانه يحاول قد مايقدر يعمل مشاكل بينا
وهالشي عرفته من زوجي لانه مره وهو معصب منه
اشتكى لي من موقف سخيف عمله صاحبه فيه
وطلع كل عيوبه وهو معصب
ومن ضمن كلامه قال ان صديقه ينقد اي شي يعمله لي
ويسميه خروووووف.. لان زوجي يحب يتعشى معي!!

والامر من كذا.. ان زوجي كان مسفرني من فتره
يقول لما رجعنا قال له صديقه: لو معطي امك فلوس السفره احسن من انك تضيعها باوربا.. لكن مافيك خير!!!


انا انقهررررت.. وجلست ادعي عليه
وتذكرت كيف زوجي كان قالب علي بعد رجعتنا من السفر
اثاري هذا الانسان هو السبب!!
تخيلوا يابنات يستكثر علي اي شي
وانا من كلام زوجي عنه احسه يكرهنا ولو خربت حياتنا هو اول واحد بيتشمت فينا



المهم بعدها بكم يوم جاء زوجي
يقول: اعملي قهوه فلان جاي بالطريق
اللي هو صديقه!!
ياربي مو طايقته
والمشكله هو وصديقه يتهاوشون ويرجعون عادي ثاني يوم
وانا فعلا كارهه هذا الكائن الشيطاني