خاطرت زوجي الغريبه بوقتها الاغرب/ معاي حق ولا لا 😓

مساء الخير 
قبل اقول مشكلتي رجاءً ردوا بصدق مابي ردود بس تهديني ابي تقولون الصدق
انا اعترف اني من بديت ادخل هالقسم وانا صايره اشك بزوجي من كثر ما اقرا مشاكل خيانه وصرت ادقق بكل شي وصرت افتش جواله اذا نام وبصراحه ماعمري حصلت عنده سوالف بنات ولا افلام لكن مادري وش فيني
قبل يومين كنا جالسين عادي نتفرج على فلم وانا ملاحظته طول الجلسه وهو ما يسولف معاي ومو على بعضه وبعد ماخلص قال يلا طفيه ننام انا مصدع وتعبان والوقت كان بدري ومو من عادته المهم اني من التعب نمت وهو منسدح على اساس بينام قمت الظهر ولا زوجي مرسل لي على الواتساب خاطره قلة ادب يوصف فيها كيف يحب الحرمه معاه بالعلاقه مرسلها الساعه 4 الفجر يعني وانا نايمه جمبه ارسلها لي طبعا انا تفكيري صار يروح ويجي قلت اكيد يبي يرسلها لوحده وارسلها لي بالغلط لاني معاه سنيييين واعرف وش يحب وش يكره وكلامه غريب كاني جديده عليه ماعرفه وجلس على الواتساب ساعتين بعد ما ارسل الخاطره كان اخر ظهور له الساعه 6 ونص وهو الساعه 2 يقولي تعبان ومادري ايش بنام وش مصحيه لهالوقت ما ادري لا تقولون يلمح لك عشانك مقصره معاه بشي زوجي مو كذا وسالته قلت وش هالخاطره النص كم كاني جديده عليك ماعرف وش تحب وش تكره قال تراي كتبتها بنص ساعه قلت بس والله غريبه انا مو جديده عليك عشان ترسلي كذا عصب قال اكون ابن كلب لو ارسل لك شي مره ثانيه قلت ليش انفعلت انا صادقه رسالتك غريبه ومرسلها لي وانا نايمه جمبك وجلست بعدها ساعتين على الواتساب قال ويعني وش تبين ماني فاهم وبعدها جاء ولدي وقطع كلامنا ولا عاد كلمته بهالموضوع وهو يتصرف معاي عادي كان شي لم يكن واليوم قبل يطلع من عندي قالي اعقلي وشيلي هالخرابيط الفاضيه من راسك 
اسالكم بالله اللي صار يشكك ولا ما يشكك وانا اعرف رمز جواله وفتحته وهو نايم فتشته كله من الى جلست عليه ساعه ما حصلت اي شي والله الشك ذبحني اقول اكيد مسجل البنات باسماء رجال زوجي ذكي واكيد عامل حساب لكل شي عجزت والله ما ادري وش اسوي وتنصحوني اصارحه اني شاكه فيه عشان يريحني ولا لا انا دايما محسسته اني واثقه فيه 

98 تعليق 18,277 مشاهدة

شاركي في النقاش

سجلي الدخول لإضافة تعليق.

التعليقات

96
  1. @ogdan_oamal

    والله محد يقدر يفيدك الا انتي انتي اخبر بزوجك شوفي اذا هو مو راعي كذب فااكيد انه كاتبه لك مااتوقع لاحد ثاني وانتي  اخبر بزوجك ولا تدخلين الشك بحيايك اذا زوجك راعي اخلاق وماله بالحركات ذي ويمكن انتي كل هالسنين فاهم زوجك خطا ويتمنى الاشياء اللي كتبها لك جربي وشوفي 
  2. @nor_aayny_bnotty

    يعني قرتي هنا خياتنات الا بطلعين زوجك يخون
    احمدي ربك ولا تسوسين عادي ماشوف انها تدل على خيانه
    كان اختيها بحب وقلتي اش جوك اليوم ويمكن انو يبي علاقه قويه زي بنات الليل ويمكن يبي يعيش جو العلاقات بس مع زوجتو وحلا له

    تكفين لاتدخلين هالقسم وتخربين حياتك
  3. @am_ord_alord

    عزيزتي شيلي الأوهام من رأسك
    انا لو بغيت شي من زوجي او عندي كلام ماقدر أقوله ارسله واتس
    ولا اذا كنت متهاوشة معاه وأبي شغله ارسله واتس
    حتى بأمور العلاقة الزوجية احيانا استحي وارسله لما أكون مشتاقتله
  4. @tflh_baayonh

    يمكن فعلا هالخاطره كانت بنفسه ومو عارف او مستحي يقولها بوجهك قام ارسلها لك عشان تقرينها بينك وبين نفسك وحاط فباله انه لما ارسلها لك ع الواتس منه يوصلك هو اش بنفسه ومنه مااحرج عمره....
    هذا تحليلي ....
    والله يوفقكم
  5. @mamto_laazozy

    صاحبة الموضوع
    هذا انا احاول اترك قراءة الخيانات بس ما اقدر والله اقول الا بالعكس اقرا ولا اصير معميه على عيوني 
    وجدان وامال .. اقولك اللي كتبه مو جديد علي وقد قاله لي بلسانه وانا حافظه زوجي حفظ عشان كذا شككني كلامه وشككني اكثر التوقيت 

تابعي تجارب أخرى من هذا القسم.