الشيطان يوسوس لي باللجوء للحرام ،، ساعدووووني

السلام عليكم،
ليش ما تسوين في بيتك حضانة صغيرة على قدج
تمسكين فيها اليهال الي امهاتهم يروحون الشغل وتهتمين فيهم مقابل مبلغ من المال؟؟
فكرة انج تدرسين اليهال الي بعمر عيالج>>>وبالمرة تدرسين عسالج معاهم
اذا تسوقين وصلي اليهال الى مدارسهم مع عيالج
طبخي حلويات وبيعي
سويلج خلطات في البيت>>>مجربة وبيعيها
ترا الشغل مو عيب
وكل شي يبدا صغير ويكبر
الا المشاكل والهموم تبدا كبيرة وتصغر

لا تيأسين من رحمه الله وحمدي ربج على الزوج ونعمة الابناء
غيرج مو محصل
وواظبي على الأستغفار والصدقة

استغفري ربك يا بنت الحلال وخلي ايمانك بالله كبير وعمر الفقر او غيره ماكان دافع للحرام

غيرك مو لاقي شيء وازواجهم يروحون بالشهور عنهم وصابرات تعوذي من ابليس واحمدي ربك وارضي بقسمتك والله يفرجها عليك

الله يوفقك اختي
عليك بتقوى الله
عليك بصلاة الليل والدعاء
عليك عليك بالاستغفار الاستغفار الاستغفار

والله يفرج همنا وهمك وهم كل مسلم
آآآآآآآآآآآآآآآآآآآآآآآآآآآآآآآمين

يا بعد عمري و الله قطعتي قلبي و ذكرتيني بالايام السوده.
لا تياسي من رحمة الله و لا تفكرين بالحرام خليكي متفائله اعرف صعب بس مافي اليد حيله لانك اذا بتضلين تنوحين على الي ما عندك ما رح ترتاحين ابد طنشي الدنيا و ما فيها و ديري بالك على ريلش و عيالش و خففي عنهم و ذكريهم ان الله يختبرهم و الله تعالى يوم يحب عبده يبلاه علشان يختبر صبره.
انتي شو الاشياء الي تبدعي فيها يعني هل في شي معين انتي تسوي بطريقه ممتازه ( طبخ , خياطه , تطريز ..... ) تقدرين تبدأين مشروع صغير من البيت و في وحده من الاخوات جابت فكره حلوه ( حضانه في البيت ) كلمي اهلك و قرايبك قوليلهم انا بسويلكم كذا و كذا و تعطوني مبلغ كذا لا تستحين الموضوع في البدايه صعب بس الشغل مهب عيب انتي تترزقين ما تشحتين.
احنا مرينا في نفس هذى الظروف يوم كنا صغار و بعد وفاة الوالد الوالده تدمرت بس ما ياست الله يخليلي اياها سوت حضانه في البيت صارت تعلم اليهال عربي و دين, تطبخ و تبيع و كنا انا و خواتي مثل السيلز نقول لصاحباتنا الي عندهم حفلات و عزايم يشترون طبيخها و الا خياطها.
و الحين الحمد لله رب العالمين فتحها علينا و عمرنا ما طلبنا شي من احد.
غير هذا ما عندكم هيئة شؤون اجتماعيه تساعدكم طيب ليش ريلك ما يدور على شغل ثاني لان احيانا الانسان لازم يغامر شوي.
على اي حال انتي ابخص بحالك بس لا تفكري بالحرام و لا تتخلي عن زوجك لان صاحب الدين صعب يتلقى هل الايام. و ان شاء الله تنفك ضائقتك عن قريب. بس الله الله بالصبر

جزاكم الله خييييييييير اخواتي على وقفتكم معاي.....


الله يجعله في ميزان حسناتكم يارب



والله اني مفهمه عيالي ان ما علينا من غيرنا ، ومعلمتهم على القناعه بس تعرفون اخواتي بعض الاحيان تحسين في عيالج من نظراتهم بس من غير ما يتكلموون ، وهذا اللي يحز في نفسي كثير...



الحمدالله بردودكم ووقفتكم معاي زاد ايماني بربنا وبتمسكي بحلال وشرع الله ، بس اعوذ بالله من الشيطان الرجيم يمكن في الفتره الاخيره ضعفت لما شفت غيري تتوظف بمنتهى السهوله بلجوئها للحرام ، وانا اللي ذليت نفسي للكل ولا احد يبغي يساعدني ، بس ان شاء الله الله معاي ، وواسطتي ربي ، والله يرزقنا برزقه الحلال يارب.


اخواتي طلب بسيط لا تنسونا من دعائكم ، ادعووو لنا الله ايسر لنا امورنا ويوفقنا ويرزقنا برزقه الحلال..





شاكره وممتنه لوقفتكم معااااااااي ، الله يجعله في ميزان حسناتكم يارب.