الحكيمات الله يجعلكن تسجدن باكيه من الفرحه الي تقول صح الي بسوي
متابعة النقاش، صفحة 6
شاركي في النقاش
سجلي الدخول لإضافة تعليق.
التعليقات
64- اذاا ماعندك فلوس لقطة شاليهات لاتروحين ولاتقليلين من شان نفسك وعيالك لاتعودينهم ياخذون من غيرك وابوهم واصبري الايام تمشي بسرعه ودوري لك ووظيفة او سوي لكك مشروع صغير والله يفتح لكم ابواب الرزق
- أولا أحمدي الله على النعمة .. أنتِ في خير كثير ..
غيرك أزواجهم رواتبهم ثلاث آلاف وبيت إيجار ومصاريف عيال ..
أحمدي الله إن القروض ما راحت في علاج ومستشفيات ..
أحمدي الله إن القروض ما راحت في تجميع الدية وتحرير رقبته ..
أحمدي الله إن القروض ما راحت في ما يغضب الله ..
أحمدي الله إن القروض راحت لأشياء ضرورية .. سكن بدل ما تتبهذلوا في الإيجارات وأسعار العقارات اللي كل يوم تزيد ..
بيت ملك ومؤثث .. اللهم لك الحمد .. اصبري .. يا ما زوجات صبروا حتى أكلهم أقتصدوا فيه .. وبعض غرفهم ما أثثوها .. كل فترة يجمعوا مبلغ للتأثيث .. والحمد لله مرت الأيام وتحمدوا العاقبة ..
غلطتكم .. حملتوا أنفسكم ما لا طاقة لكم به .. وفي الأخير .. ما تحملتي .. كان بإمكانك تأخير تأثيث البيت .. وصبرتوا على الأثاث القديم .. ولكن قدر الله وما شاء فعل ..
إذا هذا شعورك .. كيف شعور زوجك .. اللي يتعب كل شهر وآخرتها ما يصفى له من راتبه إلاّ ألفين تقريبا .. فكري بعقل .. وأنتم تعبتوا الآن وبإذن الله بترتاحوا بعدين .. ولكن لابد من الصبر من ناحيتك .. والتصرف بحكمة .. وما له داعي ننظر لمستوى اللي حولنا .. وهذا توجيه نبوي .. لا تنظر لمن هو أعلى منك وأنظر لمن هو أسفل منك .. حتى لا تزدري وتحتقر نعمة الله عليك ..
مصروفك ما له داعي كل شهر تصرفينه كله .. ما دام السكن والمؤنة متوفرة ..
ومو لازم تشترين الغالي مسايرة للناس اللي حولك .. والغالي مو هو اللي يطلع قيمتنا واحترامنا عند الآخرين ..
وإذا على احترام أهلك لزوجك .. اسمحي لي أقول أنتِ السبب .. أهلك ما عاشروا زوجك ..
ولو زوج أختي حمّل نفسه ديون حتى يوفر لها سكن ولأولادها وأثثه بالدين .. أنا أقــوم لهذا الزوج احتراما وتقديرا .. لتضحيته .. لأنه ما يعلم أيش ممكن يصير بالمستقبل .. فحبّ يأمن لهم المسكن والراحة لو صار له شيء من أمور الدنيا .. وحتى تعرفي تضحية زوجك إذا كان القرض بنكي للمنزل .. فهو يسقط في حالة وفاته بعد عمر طويل إن شاء الله .. الله يحفظه لكم .. ولا يتم مطالبة الورثة ..
زوجك ما ضيّق عليكم .. ليُمتّع نفسه ..ولا قال اصبري على الإيجار بشقة أو دور لحد ما أجمّع المبلغ .. ولا قال انتظري ما راح نأثث إلاّ بعد سنتين .. وفر لك حاجياتك الرئيسية .. ويسلمك مصروف بيدك .. ومع ذلك تقولي مليت .. وين دورك كزوجة وشريكة .. تشاركينه العسر واللين .. والسراء والضراء .. والرخاء والشدة ..
فيه ناس عايشين على الله ثم على الضمان والجمعيات الخيرية بمبلغ زهيد ومع ذلك لا تكف ألسنتهم عن شكر الله وحمده والثناء عليه ..
وفقكم الله .. - صح ممكن تتعاونين انتي وامك بالمشروع هي عليها الاغراض وانتي الطبخ والربح يصير النص بالنص
- احمدي ربك انتي عندك بيت ماشاء الله انا حتى البيت ماعندي وعايشه عند اهلي< شوفي مصيبة غيرك تهون مصيبتك
والحل انك تدورين لك شغل تسد خاجاتك وتساعدين زوجك وهذا افضل حل dnno أولا أحمدي الله على النعمة .. أنتِ في خير كثير .. غيرك أزواجهم رواتبهم ثلاث آلاف وبيت إيجار ومصاريف عيال .. أحمدي الله إن القروض ما راحت في علاج ومستشفيات .. أحمدي الله إن القروض ما راحت في تجميع الدية وتحرير رقبته .. أحمدي الله إن القروض …
الحمدالله الحمدالله كلامك اثر فيني كثير الله يوفقك ويرزقك متمنين ويهدين والله فعلن اهم شي العافيه الله يديمه علينا والمسلمين
مواضيع مشابهة
تابعي تجارب أخرى من هذا القسم.