محد معبرني لا اهل ولا زوج ضايعة في هالدنيا

خلي علاقتك بربك قويه
ولاتخلي زوجك أكبر اهتماماتك أدي حقوقه فقط
وادرسي واتوظفي وعزي نفسك
بها الزمن محد ينفع احد

والله اهله مايستاهلون امه راعية مشاكل وخواته يفاتنون بيني وبين حريم اخوانهم يقولون عنهم كلام عندي ويقولون على لساني لهم شيء ومو كذا وبس يوم شافوا علاقاتي زينه مع الجيران والناس اشتغلوا يفاتنون بينا ويتكلمون عني عند اللي يسوى واللي مايسوى يوصلني كلامهم ومتاكدة محد ظالمهم اول ماسكنت عندهم كنت على نياتي احسبهم ناس تخاف الله اعاملهم مثل الاهل لي والحين ارتحت علاقتي فيهم برسمية وحدود تدرون امه كانت تطلع علي في بيتي وزوجة ولدها الثاني عندي تهاوشنا ليش جالسين مع بعضكم تتحارشون علينا ومدري وشو وماكان عندي الا بنت تقول باخذها واحرق قلبك وماراح تشوفينها نزلي لي اغراضها وبخليه يطلقك لو عندك عشر اطفال وبنتها تحاول تتفاهم مع امها تعقل وكانت ناشبه لزوجة ولدها الثاني لما خلت ولدها يطلقها وراحت تزوجه قريبتها كل هذا حقد بقلبها تقول الحمدلله اللي افتك ولدي منها ومن طلباتها اللي ماتخلص تعبي راس ولدها بدل ماتصلح بينهم

شوفي بالنسبة لأهل زوجج يمكن الصوت عالي ويجون يحلون المشكلة انتي ادرى بمقصدهم سواء الشماتة

والا يهدون النفوس واذا يزعجج تدخلهم سواء لحل المشكلة او لا خلاص قصري صوتج وامسكي اعصابج

او ادخلي غرفة وسكري الباب لحد ما تهدى النفوس


ونجي للشي الثاني والاهم شكلج شوي تحبين التملك يعني لازم يكلمج

لازم يطلع معاج لازم يقعد بالبيت طيب تخيلي لو وحدة رفيجتج تحبينها وتحبج لكن كله تقول لج خلينا نتمشى انا وياج

بس لا تروحين هناك خل نطلع اليوم ان وياج بتحسين بالضيق منها وبتختنقين صح ؟ حتى لو كنتم تموتون ببعض

خلي الامور عفوية بسيطة وبدون اجبار للزوج لازم يقعد يعني العصر لما تسوين القهوة والحلا لا تقولين خليك معاي

لا صبي القهوة وذوقيه الحلا وخلي البنات يلعبون حولكم ولا تركزين كل الاهتمام فيه ذوق هذا اصب لك قهوة

لا عادي اضحكي ع البنات امسكي مجلة مو بتجاهل تاام له لكن حسسيه عادي ظل والا راح من نفسه بيسولف

ويضحك مو يحس انه سجين ادري يمكن تشوفين كلامي قاسي شوي لكن عشان مصلحتج

ع فكرة ذكرتيني بنفسي مع اخواني لما ناكل ما شاء الله تحلى السوالف ونظل نضحك وناكل وسوالف واقولهم

بشيل الصحون خليكم ما اشوف الا غبرتهم قدامي هههههه يعني العفووية مطلوبة مو تطلبين منه

وحتى وحدة من خواتي لما اقول خلينا نسولف خمس دقايق وتمشي ولما استهبل واضحك مع احد او تشوفني ما طلبت منها

ممكن نسولف ساعة ساعتين ثلاث <<طبعا اختى هذي تحسب كل دقيقة من عمرها هههه ما تحب تضيع الوقت الا بشي يدش مزاجها

وشي بعد الزوجة جزء من الحياة مو كل الحياة كملي دراسة تعلمي شي تحبينه اشغلي نفسج بهواية مفيدة

طوري نفسج بالطبخ اذا كنتي تحبينه عشان نفسج وبعد اذا يموت باهله امدحيهم بس بوسطية مو مبالغة وباشياء صج

تحبينها فيهم وتقربي من اهله واحيانا اسبقيه بعد لهم واذا كانوا الاهل حبوبين عادي استانسي وياهم ليش تنعزلين

عني امووت بالجمعة بس كل واحد لاهي ببيتنا ولما تقولين يرفع صوته قدام الناس فيه رياييل عادي عندهم

ما يمسكون حالهم فانتي خلالالاص لا تحنين عليه يعني بالاخير هو يهاوش وانتي تتفشلين واذا رجعتوا البيت

قولي له لو سمحت مرة ثانية لا تعلي صوتك قدام الناس اما اهلج صح مشكلة الريال يتطمن لما يشوف

زوجته ما وراها سند يستقوي عليها حاولي تتقربين منهم مثل اخوج دزي بين فترة وفترة كلام مؤثر عن الاخوة والعزوة

ومقاطع لقصص مؤثرة ولا تضحكين علي بس دزي له عن اخلاق وصفات العرب حتى لو بالجاهلية الكرم النخوة

الشهامة وحتى زوجج ترى الكلام يؤثر بالواحد والا ليش قبل الناس اخلاق ومبادئ والحين الله يستر الناس انهبلت

لو كل واحد منا قدر يغير شوي باللي حوله كان تغيرت اشياء كثيرة

خلاصة الكلام ابدأي بنفسج وغيري من نفسج اكتبي قائمة بمميزاتج وعيوبج وحاولي تتغيرين وحتى زوجج بتأثرين عليه

والبنوتات الله يخليهم لج ويفرحج فيهم

الله يعين رديت قبل لا اشوف ردج هذا خلاص خلي العلاقة رسمية بس نصييحة لا تسبين اهله قدامج

يحقد عليج مهما كان ما احد يحب ويرضى زوجته تغلط باهله مهما كانوا مسووين وجاراتج اللي حابة

تتواصل تواصلي معاها ولا تسبين قدامهم ذكرتين باقاربنا كل ما تجي وحدة تقول القصة من جانبها

والله اعلم وين الحق والصج بس للامانة نميل للي مو راعية مشاكل او طويلة لسان او ما تبالغ بالكلام

فانتي خليج صريحة بدون لف ودوران والناس عندها عقل وتميـــــز حتى لو اكيد عندج رفيجات تواصلي

معاهم اه وصح تذكرت لما تقولين زوجج يحب يعرف سوالف حريم لا تتنرفزين وتعصبين عليه لا


قولي طيب سوالف حريم انت شدخلك ؟ قهمتي ردي بأسلوب التكسيح

امم واقول لج شي ترى الاحظ الرجال يحبون خفيفة الدم والمرحة مو النكدية يعني كل شي لا تهولينه

وتكبرينه والحياة نعيشها مرة هدي اعصابج وما في شي يستاهل يا حلووة

الحال من بعضه كأنك تتكلمين عن زوجي واهلي سبحان الله
الله يسخر لنا ولك