ارز ابو بنتين

السلام عليكم


عندي ارز ابوبنتين
موعارفه
كيف طرررريقته بالضبظ

9 تعليق 5,755 مشاهدة

شاركي في النقاش

سجلي الدخول لإضافة تعليق.

التعليقات

9
  1. @shambo_hyrbl

    شوفي رز ابو بنت وابو بنتين نفس الشي كلهم نفس المقادير والطريقة اول طريقه بالخضراوات وممكن بدون خضار وممكن تسوينها زي الكبسه العاديه بس حمراء
    وتخلين الدجاج أرباع او أنصاف وتحمرينها في الفرن
    الرز ابو بنت تغسلينه وتنقعينه في مويه دافيه مع ملح وقرن فلفل وحبتين هيل وتغطينه

    جهزي قدر حطي زيت وبصل وثوم وأحمسيها زين الين يصفر البصل حطي طماطه مقطعه صغار او مخلوطه بالخلاط زي ماتحبين وخليه يتسبك حطي ماجي وملح وبهارات وصلصه وخليه شوي تسبك تكونين مجهزه الدجاج مقطع صغار زي حقت المكرونه الكبس حطيها فوق الصوص الاحمر وحطي قرن فلفل وبهارات عدله هيل ودارسين وليمونه سوداء وقرنفل وشوي مويه وغطيها عشر دقايق بعدين زيدي المويه يغطي الدجاج وخليه الين يستوي الدجاج نص استواء تكونين مجهزه الخضار مقشرتها ومقطعتها مكعبات جزر وبطاطس وفاصوليا وفلفل بارد حطيهم وحطي شوي بازاليا وممكن ذره او استخدمي الخضار المثلجة وخليها تستوي الخضار زين شيلي الفلفل والبهارات العدله وشيلي المويه من الرز وحطي الرز الحين شفتي الرز العادي بس تغطينه بالمويه هاذا زيدي شوي عليه مويه وضبطي الملح وحطي اللومي وقرنين الفلفل الي كانت مع الرز مع البهارات العدله من فوق خليه شوي ناره عاليه بس يغلي قصري النار خليه ساعه وبعد ساعه قدميه بالعافيه

    وأحسن شي يكون احمر
  2. @taanatk_kfayh

    ارز ابو بنتين هو نفس ابو بنت ممكن تطبخي فيه رز عربي وممكن صياديه او زي رز شواية الخليج هذي تقريبا الذ طبخات له اما برياني ومشخول ومادري ايش فما ينفع لهم
  3. ينفع للسليق الطايفي احمسي بصل ثم حطي الدجاج او اللحم وملح بس وبعد نضجها تطلعينها وتحطين الرزويفضل في قدر الضغط وكمية الماء اكثر من الرز باربع اصابع واذا نشفة المويه تحطين عليه حليب مقدار كوبين لل6اشخاص وتبدين تحركين الرز بملعقه خشب كانك تهرسينه واخر شي اذا تبغين حطي علبة قشطه وحركي وبالعافيه يقدم مع سلطه حاره ملاحضه الرزلازم ينقع

تابعي تجارب أخرى من هذا القسم.