اللي عندها طفلين واكثر تدخل

نفس معاناتي ولدي سنتين ونص وبنتي 6شهور ماعرفت اش اسوي الله يهديهم ويعيننا علا تربيتهم

استخدمي أسلوب التهديد
يمكن يخاف
أذكر لما كان ابني بعمر ابنك وبنتي رضيعة كانت تبكي مارضت تسكت
راح ابني جاب كيس كبير وقال يماما نرميها بالقمامة خخخخخخخخخخخخ
من يومها مستحيل اتركهم بغرفة لوحدهم
وغرفي مافي مفاتيح

الله يعينك ويوفقك
بس لاتشيلي هم هي فترة وتعدي

نفس الشي مع ولدي لما جبت اخوه عمره سنه ونص ويضربه ضرب بعنف وعجزنا عنه كل شي سويناه ودلعناه اكثر ..
لكن مافيه فايده مستمر بالضرب ..
والحين عمره 4 سنوات عقل ومايحب احد يقول لاخوه شي ..
لو انه احيانا يغار منه بس مايضرب يخرب اي شي يخص اخوه 

الله يكون بعونك يارب
بس الضرب مو حل
وحبيت اقولك ان ولدك كبير ما ينفع تقولين ما يفهم
هو يمكن ما يفصح بالكلام لكنه يفهم من عمره اشهر
ارجوك ابدي تكلمي مع ولدك وناقشيه وكافئيه واحضنيه
كثير ولدك فاقد حنان وغيران من اخته انت عالجي السبب
بيني له انك تحبينه مرة قولي حبييييييبي وافتحي يديك خليه يرمي
نفسه بحضنك والعبي معه ,, ولدك حاس ان اخته اخذتك منه

ارجوك تكلمي معه لا تقولين ما يفهم صدقيني اسبوع بس بعد
هالاسبوع بتلاحظين ولدك تغير مرة وتحسن وضعه وكل هذا بسبب :
النقاش : ناقشيه وسولفي معه كأنك تناقشين شخص كبير
الحب : حبيه واحضنيه وعبري له عن شوقك
كافئيه : اذا احسن التصرف وقولي له اختك تحبك تعال حبها وهي تحبك
اللعب : العبي معاه حسسيه انه غالي عندك مرة

بالنسبة لحفاظته ولدك كبير حبيبتي اول شيء تسوينه عوديه على الحمام
وكافئيه بوضع النجوم
وعشان يفهم ان هالنجوم له حطي صورته بدل وضع اسمه حطي صورته
وجنبها النجوم الي كافئتيه بها عن كل تصرف حلو سواه

وادعي له بالصلاح والهداية

ايوا وشوفي ليش يفسخ حفاظه يمكن فيه حساسيه ولا شي وانت تقولي يحك لين يطلع الدم مسكين