كل اللي في هذا العمر كذا .... انا نفسي ياللي بالجامعة كذا
واذا تبغين السبب ... فهو من الطفش مافي شي نسويه ... الجوال اللي يسليك مافي شي ثاني
التلفزون غبي و جلسة الاهل ذي الايام مو زي زمان وحتى لو هي حلوة الجوال مغري اكثر
غير كذا واحد الاسباب القوية هي المسايرة الاجتماعية ... يعني الكل عنده جوال وعنده حسابات في مواقع التواصل الاجتماعي وهي حابة تمشي مع الناس وتعطي صحباتها حسابها ورقمها وتشاركهم
............ انا عمري 20 الحين وعقلي في راسي ... بس المشكلة بنتك في سن مراهقة
انا يوم كنت بعمرها كانت ايام لابتوبات .. وكنت على الاب توب 24 ساعة مثلها ... كنت ادخل على دروس فوتوشوب واكتب قصص واطالع افلام كرتون
بس الجيل هذا الدنيا مفتوحة اكثر .. استقرام تويتر ودنيا
انا باكلمك مو على اساس اني ام ولي خبرة .. بس اعتبريني زي اخت بنتك الكبيرة اللي تثقين فيها
الجوال تقدرين تمنعينها عنه تاخذينه بالغصب اوقات معينه لان النصح والله مايفيد انا كنت كذا قبل و امي تنصح وانا مو جنبها ... قامت شالته عني وحرمتني اوقات واعطتني اياه اوقات معينة والى الأن تشيله منه احيانا على الرغم من اني كبرت
الحين انحلت مشكلة الجلسة الطويلة ... المشكلة الثانية هي على ايش تدخل ؟ انا اعتبر المشكلة هنا اكثر شي
مسلسلات كورية ولا تركية ولا تكلم واتس او بي بي او تويتر او انستقرام ...
المسلسلات اذا تحسين انها مدمنه عليها لازم هنا توعيها انها كلام فاضي والحب والمثاليات هذي بس في الافلام ولو تتركها احسن والله مصاخة وتخلي البنات عالم ثاني
التويتر انتبهي لها ... غزو فكري كبير اعوذ بالله ... شلة ملحدين و ناس تشوه الاسلام وسياسة واشياء لا تتورط فيها
الانستقرام ...فيه احيانا نكت ومقاطع مخله محطوطة للكل وفي العلن يقراها ويشوفها حتى 10 سنوات استحي يوم اقراها واستغرب ان الحساب كذا مفتوح للكل والمصيبة يكون واحد صغير هو صاحب الحساب
اهم شي توعيها .. التوعية وحاولي تراقبيها وتفتشي من دووووووون ما تدري .. لانه منعها من الجوال مو حل ... الجوال راح تمسكه راح تمسكه والمجتمع والجيل كله صار كذا ...
احسن شي تشاركينها حسابات حلوة ... تويتر حسابات دينيه مرة حلوة فيه .. الانستقرام تتعلم منه مكياج طبخ افكار معلومات طبيه وصحية الخ مرة مفيد انا تعلمت منه ... يعني زي كذا
معليش ثرثرت كثير ... بس حاسة بشعور الام وشعور بنتك ... انتي خايفة عليها وهي تبغى جوال زي العالم .
بنتي والجوال
متابعة النقاش، صفحة 2