الموضوع عن بناتي

دخلت بنتي للروضه وفعلا هدت كثييييييييير وتغيرت
بس زوجي نكد علي نكد لما فصلها قال مااتحمل ادفع بالسنه 7 الالف على روضه ودورت ارخص مالقيت قالي زوجي تمهيدي ادخلها السنه الجايه بس روضه صعبه فيها شفط فلوس ،،ونكد علي صار بس يعصب وينرفز وقالها راح انكد عليك لما تفصلينها 
حتى بنتي زعلت ليش اطلعها من الروضه قلتلها كلمي بابا هو اللي قال ماتروحي الروضه عشان تكلمه ويرحمها بس مانفع
زياده الروضه الحكوميه صعبه شروط ولازم اكون موظفه وقلق

بلنسيا

نفس ولدي الله يحفظه متعب ومزعج ويضرب الاطفال ويخرب ويبكي وصايره انحرج من روحات الناس بسببه بس صرت اذا عندي خرجه اصحيه من بدري واذا وصلنا عند الناس يكون على اخره وينام

وفي البيت مجنني مزعج بدرجه فضيعه

مالنا حل الا ندعيلهم بالهدايه

العيب منك مو من البنات
كل الاطفال حركيين وفوضوين و مزعجين
بس في ام تعرف تسيطر و تعاقب و تقوم بدور الام الصحيح
وام تخليهم على كيفهم بالبيت و دلع زايد شي طبيعي ماراح يلتزمون عند الناس

انا بس قاعدة اقرا الموضوع تنرفزت ما الوم امك و اخواتك صراحة و ترى اذا ما قدرتي عليهم
وهم بهالعمر عمرك ما راح يصير لك هيبة وقدر عندهم

تابعي سوبر ناني زي ما قالو البنات
وطلعي البنات كل اسبوع
والمؤدبة كافئيها و المشاغبة تتعاقب
والنوم يتنظم
بعدين البنات بعمر روضة المفروض يدخلون روضة
يتعودون على الاحترام و الادب
و يكونون صديقات و ... الخ
غير كذا يتخلصون من الطاقة السلبية اللي فيهم

وصراحة اذا انتي امهم طفشتي منهم بتتحملهم المربية؟ ما راح تدرين اللي بتجي بالها طويل ولا لا! بتتحملهم ولالا!
الافضل انك انتي تقومين بالدور الصحيح ما ترمينه على احد ثاني

في حركة حلوها قلتها بموضوع وبقولها هنا
جيبي سبورة وعلقيها بالغرفة
و اكتبي اساميهم
كل يوم قبل ينامون توقفين معاهم عند السبورة وبيدك القلم
تعددين الاشياء الكويسة و السيئة اللي سووها
على عدد الاشياء الكويسة تنحط نجمات
و السيئة اكسات
نهاية الاسبوع تعدين نجمات كل وحدة
والاكثر اروح تشتري لعبة
او حلويات
فكرة مجربة و مفيدة