انا الي طلقني عشانها بدون سبب شوفو ايش صار

انا اقول ﻻ تسمعين نصايح اللي تقول كبريائك ومادري شنو .. 
هل تضنين ان وحده منهم بتحب مصلحتك كثر امك وابوك او اخوك الكبير او اختك الكبيره ؟


كل وحده ترد عليك على حسب نظرتها للحياه وممكن تكون متكبره اصلا هالبنت وممكن تكون طيبه .. 


اﻻسلام يوم اجاز الرجعه بعد الطلاق ماقال شوفي كبريائك اذا يسمح از ﻻ ..


الشغله الثانيه يمكن الرجال عرف قيمتك وقدرك .. 
استخيري ربي بيكتب لك الخيره ابرك من ارائنا .. 

ماتدرين يمكن ربي كتب رجعته لخيره لك .. 

اذا فيه وحده قالتلك ﻻ ترجعين يمكنها في اموال و خير ماتحتاج رجل يسندها بالحياه .. 

يمكن ربي كتب لك خيره يرجعلك لان حياتك تحتاج رجل يوقف جنبك يساعدكك..

انا اقول استخيري وشوري اهل بيتك افضل هم اللي يبون مصلحتك وشايفين ظروف حياتك شنو ينفع لك ..


وعسى ربي يفرجها بحيانك وينصلح حالك لافضل

ماأبرر له خطأه ولا له عذر ومن حقك ترفضيه وتتزوجي غيره لسة صغيرة
بس ما اشوف رجوعك له لنا حق فيه اننا نرفضه بسبب اننا مانقبل هالشي على نفسنا ولايمكن نرجع لشخص سوا فينا ماسواه فيكي
يمكن انتي تقبليها وانتي حرة نفسك
ودامك تبغي نصيحتنا في رجل اذل زوجته
اقولك هو اخطأ خطأ عظيم زي أي رجل متزوج خان زوجته ومسح بكرامتها الأرض
وبقت على ذمته وهي راضية
أو رجع لها من نفسه
بس الفرق انك طلبتي الطلاق وغيرك ماطلب
ودي فرصتك لبداية جديدة وشخصية جديدة ان كنتي اخطأتي في حق نفسك عنده
ممكن ترجعي بشروطك اللي ترضيكي انتي مش ترجعي علشان البنت
لا
كدا غلط
لأن رجوعك مش اجباري انما اختياري

وماحد يعرف فينا ان كانت رجعتك خير لك والا شر
استخيري ربك ان رجعك كان خير لك
وان راح شر وانصرف
راجعي نفسك واعطيها فرصة تفكر
اسأل الله ان يسعدك ويعوضك عن اللي راح.

عمرك 24 سنة وأخذتي أرمل ومعه بنت وطلقك وبطريقة جدا مهينة لكرامتك وقدرك و طلق الجديدة وجاء يترجاك ترجعي له

بنصحك كأنك أختي رجال عرف غيرك حرمتين ومعه بنت مصلحته يبي مربية لبنته و زوجة فقط للخدمة بمعنى أصح خدامة تصرفه السابق معك ندم عليه والي يحب وحدة مستحيل يهين كرامتها وأنا أختك ندمه عبر عنه برغبته بالرجوع لك ولكن بناءا على تأنيب ضمير وإستعطاف عن طريق بنته وإرسالها لك وغلط الي عملتيه لما رديتي عليه و تواصلتي معه كنتي سكتي عنه وحقرتيه أفضل لك ولصحتك النفسية

أهلك أعرف الناس بمصلحتك أنتي مجروحة من تصرفاته بالتحديد الموقف الي ذكرتيه اذا كانت لك نية بالرجوع تذكري الي يهين كرامتك مرة يهينها ألف مرة أنتي تحبيه نعم ولكن للأسف هو ما يحبك لو كان يحبك ما رضى عليك حتى لو تزوج أنك تنهاني بهالطريقة هذا الرجال أهانك تعرفي أيش معنى إهانة

حتى لو رجعتي له بيروح حبك له وبيبقى الجرح والماضي ما نسيتيه مستحيل ترجع علاقتك معه مثل السابق حاليا أنتي عزباء وتعانين فراغ بحياتك الشيطان جالس يزين مسألة رجعتك له طيعي أهلك محد يعرف مصلحتك كثرهم

توك صغيرة المستقبل قدامك تاخذي حتى أعزب أو على الأقل مطلق بدون عيال وتجربي معه فرحة أول طفل بنته أسمها بنته وأمها المرحومة الله يرحمها أنتي مش أمها حتى لو تحبيها وتغليها لو كنتي أمها كانت معك وتطالبي بحقك في الحضانة عيشي الواقع يا عزيزتي الله يرضى عليكي أنتي مش لعبة متى ما مقرر يهينك أهانك متى ما قرر يرجعك رجعتي له

طلقك وعشان من ؟ عشان زوجته الجديدة مش عشان سبب مقنع وباقي تطلبين استشارة أنا أشوف أنك تبغي ردود مؤيدة لرجوعك له الردود المؤيدة لرجوع وحصلتيها هل حياتك تبنيها بناءا على إستشارة لرجال باعك بدون سبب لو كان الطلاق للحظة غضب الشيطان سيطر فيها عليكم بقولك أخزي الشيطان وأرجعي ممكن تتفاهموا من جديد لكنه طلقك بسبب زوجته الجديدة وبقولك السيناريو القادم في حال رجعتي له بيرجع لمسلسل التنقل من حرمة إلى حرمة وأمس جاب للبيت مغنية ما خاف على بنته ولا على سمعة بيته طبعا بغض النظر أنه ما خاف على مشاعرك بكرة أيش بيجيب لك ؟ وبيطلقك وبطريقة مهينة واذا يوم طلقك بسببها ما صار فيك مرض هالمرة اذا طلقك عشان الحرمة الجديدة بجيب لك الضغط والقلب والإنهيار

وش لك بالأمراض والشك والخوف وذاكرة مليئة بماضي فيه جروح وإهانة وإذلال تحبي الذل والألم ؟؟ اذا تحبي الذل والإلم رجعي لطليقك بس لا تنزلي موضوع مرة ثانية طلقني عشان فلانة زوجته لأن سبق ونصحانك عن طبيعة طليقك ولا تتذرعي ببنته سبب للرجوع ما هي بنتك وأنا أختك لو كان فعلا يهمه تكوني زوجة حتى تخدمي بنته ما طلقك ولا فكر فيك الرجال بايع

أرجو المعذرة على ردي الواقعي والمؤلم الصريح لكنه حتى تفوقي من غفلتك اذا بترجعي عشان نفسك أنتي حرة بس بنته مالها دخل لأن بكرة بتتزوج وهي بالأساس مش بنتك واذا بترجعي عشان بنته بنته عندها جدات وخالات وعمات وخالات البنت أولى منك بتربية بنت أختهم

مايستاهلك .. مايستاهلك .. مايستاهلك
ماراح اقولك ارجعي او لاترجعي هذا الشي انتي اللي تقرريه
لكن ابقولك شي واحد .. اللي سهل عليه الطلاق لزوجته اللي عاشرها سنين وماشاف معاها الا السعاده ..وبدون سبب صدقيني بيكون سهل عليه يطلق مليون مرة وبدون ادنى مسؤوليه
طلقك بدون مقدمات واهانك وعزمها لبيتك وكسر قلبك بدون لايرف له جفن .. ولما جرب وعاش نزوته طلق المغنيه .. والحين بيرجعك كأنك شي بدون قيمة بدون كرامة
الفلوس ماترد كرامتك بس ممكن تفيدك مستقبلا
اذا حابه ترجعين له البيت يكون باسمك .. المهر مهر عروسة جديده
ترجعين انسانه مختلفه معاه بكل شي
وانا اشوف انك تطيعين اهلك الحب يروح مع الايام
لاتهيني كرامتك وكرامتهم ربي راح يعوضك باللي افضل منه
ومتأكده من كلامي ..
اعطي نفسك فرصة ترتاحين منه ومن مشاكله واذا على البنت تراها بنته مهي بنتك .. ولاراح تكون رابط بينكم ابدا واكبر دليل اللي سواه فيك
الله يكتب لك الخير ياحبيبتي ويعوضك