امي ملكت😔😔😔

بنات الله يسعدكم احس اني حزينه امي ملكت اليوم لنفسها طبعا اخواني رافضين الزواج يقولون امي مره كبيره وش تبي بالزواج عادامي شكلها مو عجوز عاديه عمرها 54سنه والرجال39وشافها واعجبته ودفع مهر وكل شي بس اخواني قامو يتكلمون هم ماراحو ولا جو امي راحت مع واحد يقرب لنا لشيخ برا وملكت لان ابوي متوفي من 15سنه واخوي هو الولي والشيخ حق المحكمه رفض الايجي اخوي وهو عيا قال والله ماحضر ولا اسوي شي وهي راحت ودبرت نفسها… واخوي الصغير قال لو درا احد من رجال خواتي قسم بالله تراك طالق مدري يشلووون يطلق كنه صاير رجلها ههه…اضحك وانا حزينه بس مشوها يالله ...قال هذا كبر رجال خواتي وحناعلي اخر عمرنا يجي واحد ينزل قدرنا واخوي الثاني قال والله لا افصل من الدوام بكرا يضحكون خوياي علي مزوج امي واحد كبر عيالها… عاد انا مارحت بس اختي كانت موجوده تقول قلت لهم الرسول عليه الصلاة والسلام تزوخ خديجه وهو اصغر منها والخبر ماراح يطلع قالت امي بالسر لانها ملكت بمنطقه ثانيه بس عارفه مافيهشي يتخبا.… ليش العيال حساسين كذا والله حزنت علي موقفهم امي مو مسويه حرام يعني انتم عندكم احد نفس مخهم ولا حنا غلط ولا هم صح احس صرت بدوامه لاتبخلن برددودكن احس انااهم شي سعادة امي