لو اخوك وحرمته يعيبون على اولادك وبناتك وهم كبار ؟بتسكتين ؟

اذا قال شي قووولي اصير عانس ولا يبلاني ربي بواحد مثلك 😜

ارتفع ضغطي منهم ..

الله يكون في عونك ..


احس امك مقهوره من تعليقات خالك وتحط حرتها فيكم .. فيه شيء مخليها ضعيفها عند اخوها ..هو يصرف عليكم ؟!!


حزنت لوضعكم ..لكن لاتخافين فيه وحده 20 سنه منذله من اهل زوجها تجريح واستهزاء قدام الناس ..وهي تخاف ماترد .. لمن ربي بلاهم بزوجة ابنهم الثانيه طلعت لهم قرون من الهم .. طولة لسان . ومذله على كيف كيفك .. وبعدها برد قلبها وعرفت ان الله مايضيع حق احد .. وربي ابتلاهم ..وهي صارت قويه وترد . ..


نصيحه لك يا اختي اذا جو لاتجلسين معهم .. واذا تكلمت لاتلتفتين لهم ...

فيه مثل يقول الحقران يقطع المصران .. احقريهم . .. كبدايه واي كلام يقولونه طنشي وقولي في وقتها وانتي مقهوره "اللهم اني مظلوم فانتصر " قولي حسبنا الله ونعم الوكيل " لانك وقت القهر تطلع الدعوه من قلب .. ...




وانتظرك .. تنزلين موضوع ..تكتبين فيه عن حياتك كيف تغيرت وكيف ربي انتقم لكم ..

خلي ثقتك بالله كبيره ... واخوانك لاعاد يرجعون للماضي ويكررون خالي وامي وووو لا


خلاص صفحه وانطوت ..ابدأو صفحه جديده .. اذا اخوانك تكلموا قدامك انهم مالهم شخصيه بسبت خالك ...الخ

قولي لا زمان احنا صغار معذورين مانقدر ندافع عن نفسنا لكن الحين وش يمنع ؟!!!


واي تعليق من خالك وزوجته على شكل ولا لون ولا تأتأه . قولي خلقت ربي اللهم لا اعتراض ..قوليها بصوت مرتفع وعينك بعينها ولاتنزلين عينك من عينها ..


دائما ادعي حسبنا الله ونعم الوكيل ومن غلط على عيالك ردي لاتصيرين مثل امك ..



الله ييسر لكم الخير ويوفقكم ياارب

ربي يسعدك

حبيبتي انتم كبرتوا وش جابركم تجلسون معاهم ؟؟
لاجوكم شيلي عيالك وروحي عنها لا تجلسين معاهم ترى اسلوب التطنيش يحححرق
اخوانك ككبار وش حادهم يجلسون مع خالك عندهم سيارات لاجاء خالك يطلعوون عنه لا يجلسون معاه
اسلوب برد عليها ماينفع ما راح يفيد الا التططنيش وخوذيها مني

من اللحين انتي واخوانك لا تقاابلوونهم ككلش خلي تمر سنه سنتين ما تشوفكك

اكلمك عن تججربه بهالاسلووب ....

كنتوا صغار وماكنتوا تقدرون تدافعون عن نفسكم ...زين انتم الحين كبار ليش ماتدافعون عن نفسكم انتي واخوانج ليش تبلعون الاهانه والغلط وتسكتون ليمتى هالسلبيه الي عايشين فيها .....

شوفي حبيبتي التأتأه علاجها يكون مع اخصائي
لكن الي لاحظته في كتابتك أن شخصيه قويه واضحه وعيه على مشكلتك وطالبه حل
أنتي شخص مو مهزوز ولا ضعيف
أنتي غير عن خوانك
خوانك فعلا عندهم مشكله وبحاجة الي ساعدهم
أنتي كل الي عليك أنك تخيلين واحد من مواقفهم معك وأسحضري الرد عليهم كرري هالتمرين كثير لأن مع الأيام الرد راح يطلع منك بدون جهد
أذا مرت الك قالت كلمه تلاقين نفسك ريتي عليها بعشر حتى أنتي راح تستغربين من نفسك كيف طلع مني كل ذا
هالكلمه خوذيها مني وحطيها حلقه بأذنك لو تغيرت معهم راح تكتشفين أنهم شخصية هشه مثل البطل منفوخ وصوته عالي
لكن من جوته هوا بس
وقتها راح تعتبين نفسك كثير كيف أنك سمحتي للأشخاص هذي تأثر فيك
وصراحه أنصحك بمركز مطمئنه عندهم أستشارات ب250 وافضل دكتور ب350
وتقدرين تسوين استشاره بدون ماتروحين للعياده
لا تقولين الثقه ماترجع ترجع ونص بعد
لو رجعت فيك الحياه لو راى الين يصير عمرك يوم واحد فقط
تخيلي نفسك ملفوف بالمقاط بعدك بيبي صغنونه بريئه نقيه
هل كنت راح تسمحين لخاك ومرته البعره أنهم يأذنوك اكيد لأ
خلاص أعتبري اليوم مولدك أنك راج تفتحين صفحه جديده من حياتك
لأتقولين امي ترفض امي تزعل لأ لألأ
أمك خلاص طلعت من حياتك انتي بسن ما عدتي بحاجتها في شي
أنا كنت مثلك أناس كانت تتكلم علي وقدام أمي وأمي مثل شخصيتك أمك
وردى على الأقل امك تسمح لهم يعيرونك لكن انا أمي تشيل معهم وقتها ماكنت مثلك ام عيله لأ كنت طفله بأبتدائي
ماخلوا شي ما قالوه حتى بشرف والعرض تكلموا
كنت ضعيفه اذا ان مره عمي حاول يتحرش فيني عارفه وش سويت فيه ضربته ضرب الحمير وقتها عمري 13 سنه
كل الي كان بالغرفه كسرته على راسه وماقلت لأحد على الي صار
لأن ماوراي احد يسوى لأم ولا أب
أنتي أول شخص أكلمه عن موقفي هذا
أذكر مرت علي ظروف وأنا صغيره صعبه مايعلم فيها الا الي خلقنا بالبيت فطلعت مع صديقتي لحديقه الحي قريبه منا
وماقلت لأمي ولعبت لعبت الين جت الساعه 11 الليل وأنا مستنره ما أنلام حياتي مو طبيعيه وطفله عمري 9 سنوات لقيت العب والوناسه والفله ماأبي ارجع البيت
وأمي خافت علي وين راحت ودورني ودورني ولقتني بالحديقه طبعا اخذت علقه وشي طبيعي أني أنطفخ لأنها كانت خايفه علي وحطيتها بموقف مو حلو جا وقتها خالي وقال لأمي بنتك ذي راح تطلع راعيه فضايح
وأمي قعدت تتعايرني فيها أنتي بكره تكبرين وتصيريت قح.....
يمه ليش تقولين علي كذا ترد علي خالك يقول
طبعا خالي ذا عنه بنت بعمري وأمي كل ما قامت وقعدت تمدح بنت خالي وأنها أحسن مني
وكنت ولأني طفله اقتنعت ولكن يوم كبرت اكتشفت ان بنت خالي مو صاحيه عقله فيه لفه وراعية كذب ومشاكل ومافيه الي يحبها
لدرجه مره جدتي تسأل عنا مين احلى حبيبة ولا بنت خالها لأنها عمياء ماتشوف فسالت أمي هالسؤال
نطت أمي وقالت بنت خالها عيونها تهبل بنت خالي عيونها مسحوبه على فوق وغايره وبنفس الوقت متقاربه من بعض حتى ايان تحسين فيها حولها أنا عيوني تهبل نطيت على امي وخواتي بعد ساعدوني وبعدها امي سكتت ما تمدحني لكن تسكت
الحين انا عمري 28 سنه ما أحب أمي عمري كله ما حبيتها وكل ماأحاول القيها تصدمني بشي فوق طاقتي بنسبه لي أمي شي عادي لا راح ولا جا
طبعا أنا حياتي اتعس من كذا بكثير كثيرررررررررررررررررر لكن ذكرت لك موقف