يالحكيمات هذي قصتي ابي شوركن !! تعبت من الحياه

بسم الله الرحمن الرحيم

اهلي خلعوني مرتين غصب عني وضاع عمري الاول
بسبب مشكله بين ابوي وزوجي والثانيه زوجي يشرب ب العطل
عشان كذا خلعوني وحطموني بقوه ادري مايستاهلوني بس هالايام وين اللي يستاهل !!!
وكل الرجال مثل بعض الا مارحم ربي .
واللي موجع قلبي كل الاثنين يحبوني بجنون الاول كان يكتب قصايده بي عقب ماتفارقنا وتزوجت وكان عنده امل اتطلق وارجع له وكان يكتب لين عرف اني جبت ولدي وترك الخواطر والثاني من تركته ضاع وضاعت حياته لاكنه رجعت وتعدل وقال لو تركتيني راح اضيع
والله ابكي ابي اعيش مثل باقي البشر .
بيت وزوج وابي عضيد لولدي .ونفسي اجيب بنوته وتكون عائلتي كبيره مستقره
مابي اكون بيت ابوي كسيره انفذ كل شي لهم من غير نفسي
صرت اهدد أمي لاصرخت علي أني أهرب من البيت أنا ولدي ولاراح يعرفون وين أنا وذا بغوني يلقوني بدوامي .وقلت لو يموت أبوي مراح اجلس بهالبيت.
ماهو ذنبي انهم اختارو لي رجال ماهم كفوا .زي مادعوا .اخواني كرهوني عشاني أحب زوجي !!ويقولون انتي تحبين زوجك أكثر من أبوي والله العظيم كتبت كل حلالي لابوي بس ابي يتركوني اعيش مع زوجي


وافضين والمصيبه الثاني من صار لي سواء تفاهم مع اخوي وقال لي أنتي وش سويتي بحياتك الا انك تزوجتي مرتين وتطلقتي انتي فاشله .:22: قلت انا ماتطلقت انتم اللي خلعتوني تراني حبيت كل رجالي وهم احبوني أكثر من أرواحهم بس غصبتوني على الطلاق .تخيلوا مره اخوي فتش جوالي بعد مشكله مع زوجي عرفوا ولقي رساله كاتبه لزوجي احبك قبل 3 سنوات انجن وزعل وجلس يخانق على قدام اهلي ويوري اخوي الكبير يقول ياقليله الادب تكتبين لزوجك احبك قلت عيب تفتش جوالي وهذا زوجي اكتب اللي ابي وماهو عيب .


وجلست اطلبهم ارجع لزوجي قال لو تنطبق الارض مراح ترجعون قلت ابي عيال قال عادي ماضر عمتي فلانه ومرت عمي جابن ولد وكفاهن .....واخر شي قلت لابوي يابه تراني ابتزوج مابي اجلس بلا رجل انحرج وتغير لون وجه أبوي وسكتنا عن هالموضوع ...


تدرون نفسي انتحر <ـــــــــــــــــــــــــ بس لاتخافون انا جبانه واخاف الله .بس ودي احط حد لحياتي .
ومشكلتي الثانيه مليت من بيت اهلي من صراخهم على وعلى ولدي .ودي اهرب بس لوين من بعد الله .

اهلي يتمادوا يحسبوني لعبه بيدينهم انا ولدي يدرسون ولدي ويقولون ابوك(اسمه ) كخه ...ابوك ((اسمه )خبيل ...وازعل وارد اقول لا حبيب بابا .
ويزعل اخوي ..


تخيلوا ولدي لاشاف وجبات هرفي وماكدونالز جلس يصوت لابوه ولاشاف البطاطس يجلس يغمسها بالكاتشب ويقول اسم بابا (اسمه )) وينعته بنعت شين كانه شرهان عليه لان مرتبط بذاكرته لاجاء اخر الليل جاب لنا وجبات لان زوجي هاوي سهر


بنات اول مره أحتار بحياتي ماقدر أفضح بسبب طلاقي أقول لناس أهلي تعبت
اول مره أفضفض لاحد كنت احسب نفسي جبل ماينهز

اللي ماتقدر تنصحن وتوجهن وش أسوي تدخل وتدعي لي ..

23 تعليق 4,630 مشاهدة

شاركي في النقاش

سجلي الدخول لإضافة تعليق.

التعليقات

23
  1. @hrm_almhnds2015

    والله لو انا مكانك لاختار بيتي وزوجي ولا يهمني احد اخوانك قولي لهم يعيشون من غير حريم وعيال اشرطي عليهم زيك زيهم واتحداك لو وافقوا اناننيين بعد عمر طويل لو ابوك وامك صار لهم شي وش بتسوين والله اخوانك لعيون حريمهم يرمونك بالشارع اختاري زوجك وتزوجي لو عن طريق المحكمه وهم مصيرهم يرضون
  2. اختي عليك بدعاء وصلاة الوتر

    والاستغفار
    ان شاء الله ترجعين له



    وثم

    كلمي شيخ عن مشكلتك
    اذا قدرتي كلمي غازي الشمري

    هذا متخصص للحياة الاسريه

    والمشاكل الزوجيه



    وتفاهمي مع ابوك
  3. @am_bsolty

    صاحبة الموضوع
    حرم المهندس2015
    والله لو انا مكانك لاختار بيتي وزوجي ولا يهمني احد اخوانك قولي لهم يعيشون من غير حريم وعيال اشرطي عليهم زيك زيهم واتحداك لو وافقوا اناننيين بعد عمر طويل لو ابوك وامك صار لهم شي وش بتسوين والله اخوانك لعيون حريمهم يرمونك بالشارع اختاري زوجك…
    ودي ياقلبي اختاره واعيش باقي عمري معه لاكن الشكوه لله .
    تصدقين الصغير ماعرس جلس الاسبوع يصارخ علي ويهدد انه يضربن .قلت لو تمد يدك والله لاشيك لشرطه وكب الماء البارد علي وامي ساكته ماهمها وقلت يمه تري ربي راح يعاقبك لانك ساكته قالت انتي المخطيه لانك هددتيه .وهذا العيار اللي بس يهستزاء ومن دعيت عليه بالموت و ابوي انوجع وزعل علي
  4. @almhrr_3

    الله يعينك ويصبرك اجلسي مع والدك وتفاهمي معه بعد ماتتأكدين ان زوجك ابوولدك شاريك وابكي وذكريه بالله وعقاب الله وذكريه بحفيده وقوليله انت ماترضاها علي بكرة حريم اخواني يهينوني واخواني بيسكتون حتى لو تترجين وتذلين نفسك وخلي كلامك مع ابوك لا احد يتدخل

تابعي تجارب أخرى من هذا القسم.