ساعدوني خواتي افكر في الطلاق من زوجي لاني مصدومه

الله يسخر لك زوجك ويصلحه لك

الله يسعدكم خواتي قريت ردوودكم هونتوو علي شوي

بس بقول لخواتي اللي قالو وافقي زوجي الحين طلع فيني عيوب الدنيا ونسى الايام ويقول انتي ماسويتي شي رغم اني قصرت على نفسي كثير لان ظروفه كانت صعبه من بداية زواجنا لدرجه كنت استحي اطلب منه شي عشان ماازيد عليه او يزعل فكيف بيعدل بعدين


اللي نسى العشره في لحظه مااتوقع يستاهل اني اجلس معاه لو تزوج زوجي المشكله ماعاد يحترمني ولايقدرني والاحترام هو سيد العلاقه الزوجيه ولايرحم لدرجه توصل فيه انه يقولي كلام عن العلاقه الخاصه كلها تجريح وياليت صدق لانه كيف طلع هالكلام في يوم وانا الحمدالله مهتمه والحمدالله على قدر من الجمال والاخلاق خواتي هالشي اثر على علاقتي فيه العلاقه الخاصه كل مايتقرب مني الكلام يرن في اذوني واقول الحين هو يجاملني بس
تعرفون مره قالي ادري انك تتصنعين هالشي خليك ع طبيعتك احسن مع اني ماغيرت شي نفس ماانا قلت له انت نسيت كل شي الظاهر لاكلام حلو حلو ولاحتى كلمه تجبر خاطري

يقول بيتزوج بيتغير ويستوي انسان ثاني وانا بستانس اكثر وبكون مبسوطه لانه بيعاملني غير تخيلوو
ماشاركني في اموري واشاركه في اموره كله جالس ع التلفون فيه مره حفظت الرقم االسري وفتحت جواله ولقيت يكلم بنات ويقول لهم بطلع الحين بروح وبكلمكم من الدوام ويجلس يسولف سوالف عمره ماقالها لي ويسمع منهم اشياء تافهه وانا اذا تكلمت يسكتني ويقولي ماابغي اسمع مامن كلامك فايده يقولي وكم مره قلت له خل تلفونك بدون رقم سري عشان ارتاح شوي قالي لو تنطبق السما ع الارض مستحيل بعدين قال كل واحد عنده بنات في جواله
اما التعدد ياخواتي انا اللي اعرفه انهم مسوين قروب للتعدد قال ايش اخطبيلي يتيمه اخذ اجرها تخيلو واحد من اصحابه سافر تركيا وجا وقاله والله انا كنت طوال هالفتره مع بنت عمرها 18سنه وقاله شوف صورته اذا تبغي وقاله وعندي بعد من جنسيه ثانيه وراوه الصوره اذا تبغي تروح قولي اذا سافرت وجا يقولي عن الموضوع وجالس يقولي فلان تزوج بس من جنسيه ثانيه وقال تسويله اللي مايتسوى تغسل رجوله ومن هالكلام قلت له الله يهديك انت وياه قلت هذولا ياخذو بس فلوس الرجال ولما يصفر يقلعوه قالي وهي تسوي لي كذا اعطيها عيوني واللي تبغيه تستاهل

حتى رتبه ماعرف عنه ولايقولي كذا بنسوي واحتى اشوفه قبل كنت عادي مااهتم بس الحين مااد اثق يمكن يلعب من وراي لما اقوله تعال نشوف ميزانية البيت والمصروف قال انتي بس تاخذي مصروفك وماعليك من الباقي لاتسالين لاني قلت له لازم مصروف قبل كنت اقدر الحين بعد هذي السالفه قلت له ابغي مصروف وراح اشوف

خواتي هو كان يقولي قبل انتي ماتفهمين انتي هبله انتي كيف نجحتي في دراستك لاني كنت اقوله ابغي اكمل كليه او اخذ دوره من باب العلم واغير واتعرف لان مااعندي احد بس اهله يقولي ماراح تنجحين انتي مو حق دراسه حتى اذا سالته عن شي في الجوال يقولي ماادري انتي تعلمي قلت له الناس لناس وانت زوجي شو المشكله اذا عامتني يقولي مو فاضي

امس كان عندهم احتفال باليوم الوطني راوني الصور وشفت الاكل قلت له افا لش ماقلتي لي اسوي لك للدوام شي قال هذولا اللي جابو حريمهم مفلحات يسووون مو انتي قلت انت لو قلت وانا ماسويت لك الحق لكن انت بالمره ماقلت لي عن الموضوع قال احسن عشان يقولون حرمته ماتسوي ماتعرف انتي بس اجلسي مابغينا نتعبك طبعا يقولها باستهزاء والله اني جلست مهمومه يعني خلاص ماعاد قال فيني شي طيب قالي انتي مسكينه الناس محتفلين وانتي ماتعرفي طيب كيف اعرف وانت ماتقولي وانا في البيت بين ارع جدران انت قولي فهمني شاركني قولي مواضيعك علمني كذا وكذا


وللي قالو ايش معنى كلامه لما قال ابغي اخذمنها لانه قال السالفه مره ثانيه وهو قالها بصريح العباره

انا قلت له شو اسوي لك اكل اشوفك ظعفان ومرهق هاليومين قولي شو تبغي رد علي وهو معصب ورد حسيت الشرار بيطلع من عيونه وقال بصوت عالي عشان كذا ابغي اتزوج ارتاح انتي تشفطيني ابغي حرمه انا انا اخذ منها عشان امتن وارتاح تعؤفون انا جلست يومين مااكل اقسم بالله الارض دارت فيني ماادري من وين جاب هالكلام قلت له انت شايفيني عجوز ولا ايش ومااقدرت اكمل مرات خواتي اكون راقده زقزم وهو متسبح لاتقولو تظلمينه انا ماكنت الاحظ قبل ولاحطيت في بالي والله الشاهد كنت اثق فيه بس الحين قمت اشك في كل شي وفيه اشياء تكون واضحه

البعض بيقول اهتمي ولاتقصري وسوي وسوي وغيري من شكلك وكلام حلو والله سويت وانا مو مهمله بنفسي كلام حلو اقوله بارغم مع اني مااسمع منه واذا قلت له يقولي خير ايش تبين انتي اكيد تبغين شي مع انه مو طبعي اقول واطلب وحتى لو هو زوجي اتعدل واتكشخ ولاحتى اسمع شي حلو ولا ياليت يسكت الا ينتقد يحاول يطلع شي حتى لو كنت جالسه اتكشخ واسشور يقولي خليك من هاتفاهات وتعالي لولدك

طبعا عندي بنت وولد بعدهم صغار

وللعلم لو يشوفوهم يبكون مايقوم ياخذهم ولا يمسكهك اذا واذا كلها خمس دقايق يقولي هذي شغلتك انتي واذا قلت له امسكهك بروح اتسبح يقولي بسرعه البرق لاتطولي ةتعالي خذيهم والله انه يكون جالس على الجوال وماسكه ولاعنده شي مهم ولابيطلع حتى وانا تعبانه ونايمه وهو يكون صاحي والله ان الولد يبكي ماياخذه يرحم سهري طول اللليل مع الولد ولاهمه اذا نمت ساعتين باليوم كامل لان في الليل ماانام اكون مع ولدي الله يهديه ماينام يقولي بس يكفيك احسن لاتنامي هذي شغلتك


حلوها ع ربكم ايش اقول تعبت هو فيه اطباع كانت شينه قبل بس من هالثلاث الشهور تغير بالمره وصار واحد ثاني واحس من عيونه وكلامه انه ماعاد يحبني كله متنرفز علي على اتفهه كلمه

اما الزواج اذا تزوج فانا مااقدر اصبر انا قدرت وصبرت ويوم بدت ظروفنا تتحسن قال ياخذ قرض عشان يتزوج فيه وانا طول هالسنوات صابره قالي عادي اخذ قرض ماراح ياثر على الميزانيه بالعكس راح تتونسي


مااقول الا الله يصبرني ويكتب اللي فيه الخير


اسفه طولت بس كنت محتاجه افضفض واسمع نصايحكم خواتي العزيزات

اختي استغلي الفرصه لانها ماتجي مرتين

زوجك الحياه معاه ابدآ مش مضمونه اقبلي المية الف ويسرعه حطي عليها سلف مثلها واشتري شقه لو غرفه وحده باسمك للزمن

والبطاقه بعد استغليها شهريأ وخليه يتزوج لحاله لاتخطبين له .... وبيتك لاتطلعين منه لك ولأولادك لاتشتتيهم

هو حارمك المصاريف استغلي الوضع لانه الرجال يغيرون كلمتهم بسرعه

الله يعينك
شكل ملعوب بمخه عالاخر

مالك الا الدعاء الجأي لله يفرج همك










استغفرك ربي واتوب اليك

فيه مثل يقول اذا جاءت السكره راحت الفكره زووووجك يحزن بالمرررررره مسكين والله ع باله بيحصل اللي ماتطلب اللي ماتصرف اللي ماتبغا حب وحنان واخلاص كل الحريم زي بعض يبغون ويبغون ويبغون وماتقنع 
زوجك الان في غيبوبه تاممه مدام انه يكلم بنات ويراسل ع الفيس بوك مايقتنع الين يتزوج  هو الان عايش تحت اوهام وجانب مشرق ومواصفات الحور العين الين يطيح اللي براسه واذا طاح اللي براسه واح تبااان الحقايق يعرف انه كله مجرد اوهام وانه استعجل وانه موقادر يفتح بيتين  
بعدين عندي سؤال ليش تبغي تطلبي الطلاق مو انتي اللي تخربين بيتك عشان واحد فقد عقله وعايش احلام سعيده ولا انتي اللي تطلقين عشان حرمه امسكي بيتك واعيالك واطلبي واشرطي وعيشي ملكه  مو تخربين بيتك وتشتتين اعيالك  بكرا محد مطالع ف وجهك  وواضح انك عايشه عشانه عساه مااكل وعساه ماطلب وعساه مااعجبه شي. مدام انك تطبخين وتلبسين ومنتي مقصره في شي خلاص انتي سويتي اللي عليك كذاا مو تروحين. له وتقولين شكلك جوعان شكلك مرهق ليش ماقلت لي سوي كذا ترى هاذا كله يسبب نفور وكره لك. خليه بكيفه ان اكل اكل وان طلع طلع انتي عيشي حيااااااااتك عيشي لعيالك عيشي لنفسك صلي اخر الليل ادعي ان الله يصرفه عن ذي الامور مصيره راح يندم مصيره راح يحس طوري نفسك ادخلي منتديات استشارات نفسيه اعرفي شخصيه زوجك ادرسيها 
اخيرااااا
اذا قالك اخطبي لي لاتنخبطين له بكرا اذا قلب عليك. ولا عذبته ولا ولا يقول بسببك خليها تجي منه 
ومدام قال لااهله امزح 
لاتوافقين ع الزيجه دي وكل ماتكلم لا تجادلينه نصيحه قووومي وروحي وطنشيه ولا تفتحين فمك بحرف اطلعي من المكان 
معليش طولت وكلامي مومرتب مستعجله ولي عوده بااذن الله والسموحه ع الاخطاء