شوفوا هالموقف أثر فيني😢

آلله يطول بعمره ولآ يفجعك فيه
أبوي آلله يرحمه كآن لنآ مثل مآ وصفتي وآلدك "ولو أكتب من هنآ لين بكرآ مآرح أوفيه حقه أو أستوفي موآقفه ويآنآ"
لين آلحين وللأبد بجلس ملتآعه عشآنه
ربي يجبر قلبي ويصبرني على فرآقه
مآله كذآ شهر من مآت :(

كأنك تتكلمين عن أبوي الله يخليه لنا يارب
مع اننا ست بنات بس معطي كل بنت حقها وملبي كل طلباتها وكانت ماديتنا مو مره يعني فيه ديون وسلفيات وحاله مايعلم فيها الا آللَّــ?ْ
كان بالعيد يخلينا نشتري اللي نبيه لو يتسلف عشان نعيد بلبس جديد وغالي ماكان يرضى لنا نلبس الرخيص ابد ولا كان يرضى تنقص علينا اغراض للمدرسه واهم شيء عنده التعليم لانه ماتعلم من صغره وقف على الابتدائي وتحسف وعوض فينا واحنا الحمدالله متوفقين وما خنا ثقته فينا
اذكر توني داخله الجامعه وطالبين منا كتب يبيعونها الجامعه نفسها بسعر 700 ريال وكانت كبيره جدا عليه وهو متقاعد وراتبه فقط 2000 ريال وعنده اجار بيت 30 الف ومصاريف من الى

ابداً ما تردد وعطاني فلوس الكتب وقال اهم شيء دراستك
وكذا مره يودينا مطعم فخم واحنا كثار مره كلفنا العشاء 800 ريال ولا قال نقصوا طلبكم ولا شيء بس يقول اهم شيء انبسطتوا
كنت وانا صغيره دايم معه بالسياره لين تغطيت
ويعرفني ما احب اطلب منه لاني عارفه ظروفه
بس يعطي ولا يسالني حتى
ومصروفي بالجامعه يعطيني مثلاً خمسين ويقول اليوم وبكره ومن بكره يسالني معك فلوس ولا اعطيك واقول معي يقول لا هاك تحتاجين ملازم واوراق وانا عندي مكافاه ولاعمره سالني عنها ابداً
محسسني باني بنته الوحيده وكل خواتي كذا كل وحده معطيها قدرها وزياده
حتى يوم تزوجت اذا جيت عندهم فجاه الا معطيني ميه ولا خمسين اقول عندي الله يخليك لي يقول لا ماعليه يمكن تحتاجينها
ومره اختي الصغيره تبي كتاب حق منثلين مدري وشهو من جرير ومره مشتهيته ونفسها فيه قبل تشتريه بنت خالتي ويوم درا ابوي على طول بدون تردد اشتراه لها وامي تقول هذا لعب ماله داعي يقول لا ماعليه خليها تستانس ضعيفه لو تشوفون فرحة اختي ما تتخيلونها
وش اقول وش اخلي كثييييييره افعاله معنا

ما اقول الا يـٓـــــاآآربْ انك تخليه لنا وترزقه الفردوس الاعلى وتحميه من كل سوء ومكروه
اتمنى تدعون له عنده سكر وضغط وكلسترول وجلطه كذا مره

يـٓـــــاآآربْ تحميك لنا

طولت شوي معليش 😁

الله يخليه لك ويرزقك بره ويوفقك ويوسع رزقك يارب.