شاركي في النقاش

سجلي الدخول لإضافة تعليق.

التعليقات

72
  1. @anfynyty

    العود المنثور
    والله اخاف انج تندمين الله يعينج ويعين زوجج وعيالج
    اختي حرام اللي تبين تسوينه في نفسج
    وريلج وعيالج

    بنفسج تقولين ريلج ذابح نفسه عشانكم
    يعني مب مقصر بس مب بإيديه...كيف
    تتخلين عنه؟؟؟؟؟ والله انه كاسر خاطري
    اكثر منج............هو يتحمل أكثر من اللي
    انتي متحملتنه بوااااااااااااااااااايد...انتي
    خاطرج عيالج يلبسون ويلعبون وساعات
    خاطرج تشوفين شي حلو تلبسينه بس ريلج
    همه أكبر عشانه شال هم تأمين حياتج
    انتي وعيالكم......أكيد حاس بعجزه وشوفي
    كيف ضاغط على عمره وهو يشتغل هالساعات
    كلها...مب هامتنه صحته المسكين وأكيد يشوف
    ان عياله محرومين من اشيا يتمنونها وشايف
    حرمته مهمومه ........يعني هم إضافي

    تبين عقب هذا تتخلين عنه؟؟؟؟

    استهدي بالله يا بنت الحلال وابعدي عند الشيطان
    الله ياخذه..........

    في حريم عايشات في نعيم بس رياييلهن مشبعينهن
    خيانه وإهانات ..ويتمنن لو يعيشن عيشتج...والله
    انج بنعمه مب حاسه بها ولا شايفتنها.....

    اختي قريت موضوع حلو عن الصدقه كيف تبارك
    في المال......تصدقي بأي مبلغ مهما كان تافه
    في نظرج.....لو ريال تعطينه فقير او طفل يتيم
    يشتري له شي في نفسه....ما تتخيلين الدعوه
    والأجر اللي ممكن تحصلينها...

    الله يفرج همج انتي وريلج ويغنيكم من ماله
  2. @mhtagh_klb

    قال الله تبارك وتعالى :

    بسم الله الرحمن الرحيم
    ( وقل استغفرو ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)
    اقراي سورة الواقعه كل يوم فهي باذن الله تمنع الفقر

    أعوذ بالله كش شعر جنبى من كلامك .. يا حبيبتى انشاءالله ربك يفرجها .. جربى الدعاء والله مايرد العبد خايب ..

    كثير الحريم اللى ازواجهم ماتكفي معاشاتهم لكنهم مستورين ..
    تعوذى من الشيطان ..
    اعوذ بالله أعوذ بالله أعوذ بالله من ابليس
    تعوذى من الشيطان .. لأن الشيطان بيكون غلبك .. والله الرزق موجود والطلاق مو حل ..
    مستحيل مافى وظايف .. فى حريم يسوون بضاعه بيدهم واعمال واشغال يدويه .. ويبيعونها ويتكسبون من وراها ..
    ليه ماتسعين .. اصبرى وربك بيفرجها ..
    لاحول ولا قوة الا بالله
    اطلبى من اهلك احد يساعدك .. وين أهلك مايوقفون معاك .. !!

    لاحول ولا قوة الا بالله
  3. @am_maadd

    محتاجه قلب
    قال الله تبارك وتعالى : بسم الله الرحمن الرحيم ( وقل استغفرو ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا) اقراي سورة الواقعه كل يوم فهي باذن الله تمنع الفقر أعوذ بالله كش شعر جنبى م…
    مرحبا عزيزتي

    عندي سؤال واحد

    شو بعد الطلاق ؟!

    .................

    من وين بييج الرزق عقب الطلاق .. اذا كان حاليا ريلج يصرف عليج
    بعدين انتي وعيالج من وين بتعيشين ؟ !

    ...............

    يعني بتحملين اسم مطلقه .. واكيد ريلج بينفق عليج .. يمكن اقل عن يوم تكونين معاه ( المال )
    ............

    انتي احسبيها وجوفي حياتج مع ريلج .. وبدونه .. كيف بتكون

    ..........

    عزيزتي انا قريت رابط موضوعج الاول .. اذا كنتي تفكرين بالحرام كيف الله بيرزقج ( وعلى نياتكم ترزقون ) استغفري ربج

    والله ايسر امورج .. ويهديج
  4. @othab

    r

    ماادري جاء على بالي سؤال

    وهو

    هل ممكن يكون قطعة فستان اغلى علي من شخص يعزني واعزه ؟؟

    فيه اعمال كثيرة تقدرين تعملينها من بيتك

    المال مايدوم
    لكن وجود شخص يعزك امر ماتظمنينه كل مرة
    خصوصا ومعك اطفال

    عفوا لو هامك اطفالك كان عرفتي
    ان وجودك معهم وابوهم حتى مع قلة المادة
    خير من تفرقكم عن بعض
    وهل الفراق راح يجيب لهم مادة ؟؟
    وهل راح يجيب لك طلاقك المادة؟؟

    اعذريني لكن راجعي نفسك
    تفكيرك واستنتاجك جدا سطحي

    من أصبح منكم آمنا في سربه، معافى في جسده، عنده قوت يومه، فكأنما حيزت له الدنيا بحذافيرها"

    ويقول صلى الله عليه وسلم
    "انظروا إلى من هو أسفل منكم، ولا تنظروا إلى من هو فوقكم، فهو أجدر أن لا تزدروا نعمة الله عليكم".

تابعي تجارب أخرى من هذا القسم.