الحسد و المس و وسخ البيت ... تحذير للبنات اللهلوبات والكسلانات

المهم رحت لها و اول شي شفنا زوجها تحت

والله من بعيد الرجال مبين زيها مع انه وسيييم بس نفس زوجته عليه طبقه رماديه على وجهه مسودين
اطراف ثويه ورقبته وسخه رغم انه شخصيه و ومتعلم و زوجي يقولي اظافره طواال


المهم يابنات دخلت بيت الحرمه
ويختلط ريحه البخور الجميل بريحه زباله بايته

البيت نظيف ظاهريا

وهي شعرها ملموم ومبين متبهذله و مرتبكه و مستحيه وكل شي

وفرحت مره لما شافتني جايبه حلا وقهوه قالت ماامداني اسوي

وقلت لها عاادي حبيبتي تصير حطيها للرجال واحنا نسويلنا عادي

قالت طيب

و انا افسخ عبايتي و يقول ولد اختي يبغى مويه قلت روح الحقها المطبخ تعطيك

وراح لها واسمع صوت الكاس طاااااااااااااااااااااخ

واروح اركض :08: والله بدون تفكير ولا انا حريصه مااحرجها



واروح المطبخ :freak6:

شي مقرف جدا وربي الكعبه وهي اصلا متقرفه من مطبخها يعني مدري ايش اقول

مواعين مدري كم لها في كل مكان حتى الارض فيها صحن رز ذايب ومتعفن وربي

وقدر مكرونه متعفن وطالع اسود واخضر

طيو سود صغار

ريحه مررعبه

استحت مررره ياقلبي و قلت لها امانه خليني اساعدك و الله عادي انا مريت بحالتك ووو الخ
ابيها ماتنحرج وترتاح لاني جد حسيت ودها الارض تنشق وتبلعها

قطعنا حلى للرجال و طلعت صحون حقت عشا لان صحون الحلى كلها وسخه
و الفناجيل 3 زي بعض و2 مختلفه
المهم عطيناهم يتقههون
وانا عندي طفله صغيره ارسلتها لزوجي مع العيال لان عندهم حوش وطلعوهم فيه

و قلت يالله ننظف وتحلف علي وتخاصم والله ماتلمسينه انا انظف انا بس كنت تعبانه

انا تعبت مره جاني ضرسي ودوخه وتعبت ومرضت وووالخ

قلت ياقلبي انا عارفه مافي وحده تخلي بيتها كذا الا من تعبها امانه خلينا نسولف ونخلصه والله مانحس


وبعد ما غثيتها بديت ارتب وماعلي منها لان ماراح تقدر عليه لحالها و بتتكاسل

يابنات احسها شوي وتبكي

كيف انا خليته كذا

والله احسبني حطيت هالصحن البارح لكن شكل له شهر

وهي متفاجئه من مطبخها كن لها شهور مادخلته

اخذنا اكياس لبسنا ايدينا و ورمينا العفن الي داخل الصحون

و الله يابنات ماشاالله شعله نشاااط و انا معها اغلب الشغل هي سوته وربي

شي غريب


قلت لها ليش ما تحطين راديو يسليك و منها ذكر الله زين بالبيت

قالت مااقدر اتعب ولا اقدر ادخل المطبخ


المهم يابنات بدون مااطول عليكم

رتبت معها المطبخ وغرفه عيالها والحمامات و الاسياب و وقلت لها امانه اذا عندك شغل ناديني نسولف و ننظف مافيها شي


انا وهي صرنا اعز صديقات :hearts:

تدرون يابنات الان بعد 7 شهور عناء

تغيرت مره بس متى ؟؟؟؟؟؟؟؟؟

بعد الرقيه

طلعت فيها حسد لانها خلصت الجامعه بممتتاز ومرتبه شرف وكانت بالجامعه جابت طفلين

وكان بيتها جنه في التنسيق ماكانها تدرس و عندها طفلين صغار

كانت دايم النشيطه الي تجي بحلاها وقهوتها

كل العيون عليها كيف تقدر توافق بين كل هالانجازات بحياتها و بين شكلها الكشخه و بيتها النظيف وعيالها المميزين

تقول اول شي صارلها

رجعت البيت بعد زواج
وهي تحس باللم في كتفها وكانت لابسه عاري ورقصت على قولتها كثييير بهالعرس

رجعت وجلست تتامل في جمالها في المرايا وه يازيني اهبل خخخخخخخخخخخ

المهم تقول راحت تغير ملابسها وراحت لحمام عريانه وتغني

ولبست وانسدحت مع زوجها وصار بينهم مابين الازواج

ونامت بدون ماتتروش

وحلمت ان جاها رجال اسود واكتافه عريضه و يجامعها من دبرها اعوذ بالله


من بعد هالحلم تقول لا عدت اصلي واقعد شهوووور ماتروش ولا يمسني ما غير لما تروح للحمام

ما تحلق ولاتقص اظافرها

وزوجها نفس الشي مايصلي ولايرمي الزباله

االمهم حياتهم صارت وسخ ولا ترويش ولا صلاه

تقول مبسوطين ونحب بعض و ضحك ووناسه

الين يجي طاري القران نكد و عذاب و كره وحياتنا تصير تعيسه

طبعا من الشيطان بيبعدهم عن الرقيه


المهم بعد ماراحت لشيخ وداومت عليه و تحجمت و حاربت المس والحسد بكل شجاعه ولا استسلمت لتخويفهم لها ربي شفاها بعد شهور من العلاج

لما تنتكس تجيب شغاله او انا اجي اساعدها

جابت زباله صغيره لما زوجها يتكاسل عن الزباله تنزل ولدها يرميها

ماتبات و ببيتها زباله
مايؤذن المغرب وفيه حمام وسخ او افرنجي مفتوح تقفلهم لان الشياطين تندس فيها
ولا تخلي مواعين ولا وسخ وزباله الا انرمت بنفس اليوم

الحمدلله رجعت احسن من قبل تنسيق بيتها ونظافتها ابهر الكل الله يكفيها شر الحسد

بس صارت غيررر من الناحيه الدينيه

اذكار صباح ومسا
ماتنام الا وقرات اقل شي صفحه من القران
تستغفر كثير وتذكر الله
ماتؤجل ولاصلاه
الحجامه كل ماحست بكسل
وحبه البركه مع عسل يوميا عالريق
تركت الزواجات الا الاقارب
تركت الغنا و المرايا والاستهبال عندها

كل اخت تحس انها مره وسخه
ياحبيبتي هذا موانتي
هذا مس شيطاني يبيك تصيرين وسخه ويبي بيتك وسخ حتى يقدر يعيش فيه
يبيك تبتعدين عن ربك ويبي يدمر حياتك وزواجك وعلاقاتك

انصحكم ونفسي بالرقيه الشرعيه و القران يوميا و انتبهوا لانفسكم يابنات

ماشاءالله
جزاك الله خير

الله يجزاتتتس الجننننة ويسعدتس ويفرج همتس ويصب عليتس الرزق صبا يارب


الرقييه ودي اسمعها بس وربي أخاففففف

الله يوفقك ويسعدك ويحرسك

الله يجزاك الجنه



أستغفر الله العظيم وأتوب إليه 🌹