لو انتي بمكاني .. هل راح تعاملينهم بالمثل ؟؟؟؟

بنات في سالفة مسببتلي قهر 

بخبركم السالفه 
انا عندي أن زوج و عندي خوات زوج وعندي سلفات 

انا من عوايدي اذا سمعت عن أي شخص سواء كان حزن أو فرح اوصله انا باتصال أو مسج أو بزيارة على حسب الظروف وقرب الشخص مني حتى وإن كان بيننا سوء تفاهم أو شي المهم أني لازم أوجب واعمل بأخلاقي 

ما قد سمعت عنهم شي إلا و باركت لهم أو تحمدت لهم بالسلامة أو اني اواسيهم حتى لو الموضوع له علاقة ب أهلهم يعني لو سمعت أن أخت سلفتي ولدت باركت لها و أن سمعت أنها سوت عمليه تحمدت لها بالسلامة وكذا .... 

انا من فترة ابوي كان مسافر للعلاج وعمل عملية وامي كذلك عملت عمليه ولما رجعو بالسلامة 
مافي أحد من أهل زوجي اتصل علي أو على امي يتحمد لها بالسلامه ولا حتى ارسلو مسج 
مع اني الوالدة ربي يحفظها ما قد قصرت معاهم وتوصلهم بكل مناسباتهم 
ما تقصر فيهم ابد .. المفروض منك انت يا انسان انك توجب اللي يوجبك 
ما غير أخت زوجي جات هي و واحده من سلفاتي لزيارة امي بس جات وآلله 5 دقايق وراحت ما اقدر اقول وصلتني وما اقدر اقول ما وصلتني و أم زوجي اتصلت علي علشان تكلم امي وما كانت امي موجوده وما عاودت الاتصال وللحين لا وصل منها أو من أي شخص ثاني لا مسج ولا اتصال ولا زيارة 
انا ودي أعمالهم بالمثل و ودي بعد أن امي ما ترجع تقدرهم ولا توصلهم بس امي الله يحفظها رافضة تقول كل شي يسوي بأخلاقه بس انا اقول لاني لا تنزلين من كرامتك خليهم يحسون تقول لا هذي ما هي بأخلاقي 

يا بنات انا اشوف أن الإنسان اللي يوصل من ما يعبره عمره ما راح يسوي لنفسه قدر وامس تقول عكس الكلام هذا 

بس انا نويت اعاملهم بالمثل لأنهم مو أغلى من أمي وابوي 
وكمان هذي مو اول مرة يسونها وانا لهنا وخلاص نفذ صبري لو انتو بمكاني شتسون ونظرية من اللي صح انا ولا الوالدة ربي يحفظها 

كمان بغيتكم لو سمحتو تعلموني ايش ارد عليهم لما يشوفوني لأنهم اكيد بيقولون لي الحمدلله على سلامة اهلك واعذريني ما قدرنا نوصلك وانوااااااااع الأعذار راح تنهل علي 
للعلم امي وابوي صار لهم أسبوعين راجعين

ابي شوركم لا تبخلون علي